Jeremia 39:16 - MUKANDA USANDU WA ZAMBI 1975

¹⁶ Yako ukambe kuli Ka-Etiopia Ebedemeleke ngwe, Yehova-wa-Tujita, Zambi ya Izalele kanambe ngwenyi, Mungumanununa maliji jami a kutwala ku chihunda chino ha yuma yikalu, hi yuma yipema ko, mba kumakamanunuka kumeso je ha tangwa liacho.

Mukanda Wa Zambi 1970

¹⁶ ngulweze Ebedmeleke, Kasudane, ngwami: “Mwene Zambi Mukwa Ndundo Jeswe, Zambi ya Israele, hangulweza ngwenyi: ‘Muchibwa ngwe chize nambile, limbo lino mungulienyeka, hi kuliyukisa ko. Muze yino yeswe muyibwa, yena muyimona ni meso je.

Jeremia 39:16 Iomraidhean Croise

2 Sango Ja Mianangana 36:21

akamanunune liji lia Yehova ku kanwa lia Jeremia, ndo chifuchi hichahwima masambata jacho, mumu shimbu chatwamine cha hululu chahwimine Sambata, akamanunune makumi shimbiali a miaka.

Miaso (Masamu) 92:11

Meso jami hanamono chize nazangile hali akwa kole jami. Matwi jami hanevu chize nazangile hali akwa yitanga yipi aze angukatukilile.

Jeremia 26:15

Alioze nyingikenu pundu nyi munungushiha munukoka hali yenu ni ha chihunda chenu ni atu jacho manyinga keshi chitela, mumu pundu Yehova wangutumine kuli yenu kuhanjika maliji ano eswe mu matwi jenu.

Jeremia 26:18

Mika wa ku Morese yaprofeteza ha matangwa ja Hezekia mwanangana wa Yunda, nikwamba kuli atu eswe ja A-Yunda ngwenyi, Yehova-wa-Tujita kanambe ngwenyi, Zaione muyipwa ya kuchipa ngwe munda; Yerusaleme muyipwa mulumba wa yipuzu, ni mulundu wa zuwo ngwe mulundu umwe wa usaki.

Jeremia 26:20

Kwapwile nawa mutu mukwo waprofetezele mu jina lia Yehova, jina lienyi Uriya mwana Shemaia wa ku Kiriate-Yerimi. Aye yaprofeteza kulimika ni chihunda chino ni chifuchi chino ni maliji a kulifwa ni wano a Jeremia.

Jeremia 34:22

Yehova kanambe ngwenyi, Mungutuma shimbi, mungwahilwisa nawa ku chihunda chino, akase nacho jita, akachitambule, akachoche ni kahia. Mungupwisa yihunda ya mu Yunda mwamokomoko kumushi atu.

Jeremia 35:17

Kashika Yehova, Zambi-ya-Tujita, Zambi ya Izalele kanambe ngwenyi, Ngunaneha hali A-Yunda ni akwa Yerusaleme eswe yuma yize yikalu hinatongola kuli ayo. Mumu hingunahanjika kuli ayo hindu kevwile; hingunaasanyika hindu katayile.

Jeremia 36:31

Mungumwaha kastigu, iye ni waze masemuka kuli iye ni tuvumbi twenyi mumu ha uhenge wo. Mungukokela hali ayo, ni hali akwa Yerusaleme, ni hali malunga ja Yunda, yikalu yize yeswe hinatongola hali ayo alioze kapanjikile.

Jeremia 40:3

Yehova hachilinga, halinga chize wambile, Chino chuma chanuwana mumu nwavulumuna Yehova, kunwononokene ku liji lienyi.

Jeremia 44:27

Pundu, ngunatale kuli ayo kwalinga yikalu, hi yipema ko. A-Yunda eswe waze ali mu chifuchi cha Engitu makakuwa ni katana ni kapunga ndo makahwa lume.

Jeremia 5:14

Kashika Yehova, Zambi-ya-Tujita kanambe ngwenyi, Mumu o hanambe liji lino ami ngunapwisa maliji jami kahia mu kanwa lie, ni wano atu mapwa kunyi, ni kahia kumukaanongesa.

Daniel 9:12

Iye hakolesa maliji jenyi aze ahanjikile kulimika ni yetu ni waze atuyulile ha kukokela hali yetu kuji-ni-tomo linene; mumu mushi lia lilu lieswe kanda musoloka chimwe cha kulifwa ni chino halinga ku Yerusaleme.

Amose 9:4

Chipwe maya ufunge kuli akwa kole jo, kwenako mungukatuma katana mba makaashiha. Mungwahulikila meso jami kwalinga chipi hi chipema ko.

Zakaria 1:6

Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

Mateu 24:35

Lilu ni hashi kumuyikahwa, alioze maliji jami kechi kahwa nichimwe.