Jeremia 39:14 - MUKANDA USANDU WA ZAMBI 1975

¹⁴ yatuma kuchiza Jeremia ku yize ya tulayi. Yamukunjika kuli Gedalia mwana Ahikame mwana Shafane, akamutwale ku zuwo lienyi. Chocho yatwama hakachi ka e atu.

Mukanda Wa Zambi 1970

¹⁴ yaangutwala ku yiize ya mwanangana. Yaangusa mu moko ja Gedaliya, mwana wa Ahikame, mujikulu wa Shafane, yangufunga hanga nguhete ku mahiami ni uhwimino. Yingutwama ko mukachi ka atu.

Jeremia 39:14 Iomraidhean Croise

1 MIANANGANA 22:12

Mba mwanangana yatuma sasendote Hilekia, ni Ahikame mwana Shafane, ni Akopore mwana Mikaia, ni mukwa kusonyeka Shafane, ni Asaia kavumbi ka mwanangana, ngwenyi,

1 MIANANGANA 22:14

Chocho Hilekia mwe sasendote, ni Ahikame, ni Akopore, ni Shafane, ni Asaia yaya kuli mwe profeta Huleda pwo lia Shalume mwana Tikiva mwana Harahasa mukwa kufunga uzalo; (aye yatwama mu Yerusaleme mu chihanda chamuchiali) mba o yahanjika nenyi.

2 Sango Ja Mianangana 34:20

Mwanangana yatuma Hilekia, ni Ahikame, mwana Shafane, ni Abadone mwana Mika, ni Shafane mukwa kusonyeka, ni Asaia kaselo ka mwanangana ngwenyi,

Miaso (Masamu) 105:19

ndo tangwa liji lienyi liamanunukine. Liji lia Yehova liamwesekele.

Jeremia 26:22

Mba mwanangana Jehoakime yatuma ku Engitu amwe malunga, Elenatane mwana Akopore ni akwo hamwe nenyi,

Jeremia 26:24

Alioze kwoko lia Ahikame mwana Shafane Wakwashile Jeremia kashika kamuhanyine kuli atu amushihe.

Jeremia 32:2

Ha mwaka uze maswalale a mwanangana wa Babilonia te kanaseleka Yerusaleme. Profeta Jeremia aye hamuyikila mu yize ya tulayi yize ya ku palasiu ya mwanangana wa Yunda.

Jeremia 37:21

Kashika mwanangana Zedekia yatuma, mba yatwala Jeremia ku yize ya tulayi. Yamwaha nawa mbolo yimuwika tangwa ha tangwa ya ku tapalo lia akwa mbolo, ndo mbolo yeswe ya mu chihunda hiyahwa. Chocho Jeremia yatwama ku yize ya tulayi.

Jeremia 38:13

Mba yasosa Jeremia mu wina ni mihipu. Jeremia watwamine mu yize ya tulayi.

Jeremia 38:28

Jeremia aye yatwama mu yize ya tulayi ndo tangwa lize atambwile Yerusaleme.

Jeremia 39:13

Chocho Nabuzaradane kapitau ka tulayi, ni Nabushazabane kaliamanga wa lutwe, ni Negale-Shareze chilolo wa lutwe ni akwa chiyulo eswe ja mwanangana wa Babilonia

Jeremia 39:15

Liji lia Yehova liejile kuli Jeremia shimbu te achili mu yize ya tulayi ngwenyi,

Jeremia 40:1

Liji lia Yehova liejile kuli Jeremia muze te Nabuzaradane kapitau ka tulayi hamwecha ku Rama muze hamutwala wa kukasa ni malenge hamuwika ni funge eswe a ku Yerusaleme ni Yunda waze te maatwala njize ku Babilonia.

Jeremia 40:5

Nyi unazange kusala, hihiluka kuli Gedalia mwana Ahikame mwana Shafane yoze mwanangana wa Babilonia hatongola akapwe mukwa kuyula yihunda ya Yunda, Utwame hamwe nenyi hakachi ka e atu ukaye kweswako unamono ngwe kunakupemena kuya. Chocho kapitau ka tulayi yamwaha kulia cha tangwa ha tangwa ni chawana nawa, yamutusula.

Jeremia 40:6

Henaho Jeremia yaya kuli Gedalia mwana Ahikame ku Mizepa; yatwama hamwe nenyi hakachi ka atu aze asalile mu chifuchi.

Jeremia 40:7

Tusongo eswe a maswalale aze apwile mu chifuchi haze lia yihunda hamwe ni atu jo muze hevwa ngwo, Mwanangana wa Babilonia hasa Gedalia mwana Ahikame mukwa kuyula chifuchi ni kumwaha malunga, ni mapwo, ni ana, e yiswale lume a mu chifuchi waze kaatwalile ku unjize mu Babilonia,

Jeremia 41:1

Ha kakweji wamuchishimbiali Ishemali mwana Netania, mwana Elisama, wa ku munyachi wa mwanangana, umwe wa hakachi ka tuliamanga alutwe a mwanangana yeza ni kumi lia malunga kuli Gedalia mwana Ahikame ku Mizepa. Shimbu machilia hamuwika kuze kwene ku Mizepa