Jeremia 39:12 - MUKANDA USANDU WA ZAMBI 1975

¹² Mutambule umufunge kanawa. Kanda umulinga chipi alioze ulinge nenyi chizechene ngwe mwene mamba.

Mukanda Wa Zambi 1970

¹² “Yako uwane Jeremia, umufunge kanawa. Kanda umumwesa lamba, alioze umulingila yeswe yize mazanga.”

Jeremia 39:12 Iomraidhean Croise

Yishima 16:7

Muze ndako ja mutu jakuwahila Yehova, kakupwisa ni sambukila chipwe akwa kole jenyi.

Yishima 21:1

Mbunge ya mwanangana yapwa mu kwoko lia Yehova ngwe chitwetwe cha meya, kakuyitalikisa kweswako mazanga.

Yishima 23:5

Musela meso je ku chuma chize kuchishiko, nyi? Mumu chamwenemwene upite wakulisokela mapulwa. Wapwa ngwe pupa yoze wakuhumuka kwilu.

Jeremia 15:11

Chikapwe chocho Yehova, nyi chaahakwilile kuli yena akawahe; nyi chahakwilile akwa kole kumeso je ha mwaka wa lamba ni ha mwaka wa luyinda.

Jeremia 15:21

Mungukupulula ku kwoko lia chingulungulu; mungukuhula ku tachi ja mukwa uswi.

Jeremia 24:6

Mungusa meso jami hali ayo ngukaalinge yipema. Mungwahilwisa nawa ku chifuchi chino, mungwatungisa, chichi kwapuzula nawa; mungwatumba chichi kwatukula.

Jeremia 39:13

Chocho Nabuzaradane kapitau ka tulayi, ni Nabushazabane kaliamanga wa lutwe, ni Negale-Shareze chilolo wa lutwe ni akwa chiyulo eswe ja mwanangana wa Babilonia

Jeremia 40:4

Musono ngunakutusula ku malenge a ha moko je. Nyi chinakupemena kwiza ni yami ku Babilonia, tweya mba yami mungukufunga kanawa. Alioze nyi chakupihila kwiza ni yami ku Babilonia, kanda wiza. Tala, chifuchi cheswe chili kumeso je, yako kweswako kunakuwahila ni kuze kunakupemena.

Amose 9:4

Chipwe maya ufunge kuli akwa kole jo, kwenako mungukatuma katana mba makaashiha. Mungwahulikila meso jami kwalinga chipi hi chipema ko.

Yilinga 7:10

Wamupulwile ku luyinda wenyi mweswe, wamuhele vumbi ni mana kumeso ja Falau, mwanangana wa Engitu: iye wamusele nguvulu helu lia Engitu ni helu lia zuwo lienyi lieswe.