Jeremia 39:11 - MUKANDA USANDU WA ZAMBI 1975

¹¹ Nabukanezore mwanangana wa Babilonia yahana chiyulo kuli Nabuzaradane kapitau ka tulayi ha kutwala kuli Jeremia ngwenyi,

Mukanda Wa Zambi 1970

¹¹ Alioze mwanangana Nebukanezore yambila Nebuzaradane, mwata wa tujita, ngwenyi:

Jeremia 39:11 Iomraidhean Croise

Jobe 5:15

Alioze kakupulula akwa kuhona ku katana, ni ku kanwa lio, ni kuli akwa ndundo.

Jobe 5:16

Chocho yiswale matalatala ni uhenge kuwakuhola.

Jobe 5:19

Makupulula kasambano ku lamba, kashimbiali kechi kutayiza chipi kukukundama.

Jeremia 1:8

Kanda wavwila woma mumu kunguli hamwe ni yena kukupulula. Chocho kanambe Yehova.

Jeremia 15:11

Chikapwe chocho Yehova, nyi chaahakwilile kuli yena akawahe; nyi chahakwilile akwa kole kumeso je ha mwaka wa lamba ni ha mwaka wa luyinda.

Jeremia 15:20

Yehova kanambe ngwenyi, Mungukupwisa kuli wano atu ngwe chipanga cha unengu cha kukolesa. O masa jita ni yena, alioze kechi kukukumba. Mumu yami nguli hamwe ni yena kukulamwina ni kukupulula.

Jeremia 15:21

Mungukupulula ku kwoko lia chingulungulu; mungukuhula ku tachi ja mukwa uswi.

Jeremia 37:2

Alioze chipwe iye, chipwe tuvumbi twenyi, chipwe e atu a mu chifuchi kapanjikile ku maliji a Yehova aze ahanjikilile kuli profeta Jeremia.

Jeremia 40:1

Liji lia Yehova liejile kuli Jeremia muze te Nabuzaradane kapitau ka tulayi hamwecha ku Rama muze hamutwala wa kukasa ni malenge hamuwika ni funge eswe a ku Yerusaleme ni Yunda waze te maatwala njize ku Babilonia.

Jeremia 40:4

Musono ngunakutusula ku malenge a ha moko je. Nyi chinakupemena kwiza ni yami ku Babilonia, tweya mba yami mungukufunga kanawa. Alioze nyi chakupihila kwiza ni yami ku Babilonia, kanda wiza. Tala, chifuchi cheswe chili kumeso je, yako kweswako kunakuwahila ni kuze kunakupemena.

Jeremia 52:12

Ha kakweji wamuchitano ha tangwa liamuchikumi lia kakweji—we mwaka kumi ni wamuchilivwa wa mwanangana Nabukanezore mwanangana wa Babilonia—kwejile Nabuzaradane, kapitau ka tulayi, kanda kavumbi ka mwanangana wa Babilonia ku Yerusaleme.

Yilinga 24:23

Iye wambile kapitau akafunge Paulu, alioze amulweze vumbi, kanda akakwika niumwe wa kuli tusendo twenyi kumuvumbika.