Jeremia 39:1 - MUKANDA USANDU WA ZAMBI 1975

¹ Ha mwaka wamuchilivwa wa Zedekia mwanangana wa Yunda ni kakweji wamuchikumi, Nabukanezore mwanangana wa Babilonia ni tujita twenyi eswe ejile kulimika ni Yerusaleme. Yayiseleka.

Mukanda Wa Zambi 1970

¹ Ha kakweji wa muchikumi wa mwaka wa muchilivwa wa kuyula cha Zedekia mwanangana wa chifuchi cha Yuda, mwanangana Nebukanazore wa ku chifuchi cha Babilonia yeza ni tujita twenyi eswe, yaasa jita ni limbo lia Yerusaleme.

Jeremia 39:1 Iomraidhean Croise

2 Sango Ja Mianangana 36:17

Kashika yatuma hali ayo mwanangana wa Kaletea. Aye yashiha akweze jo ni katana mwe mu zuwo lio lisandu. Kevwilile keke mukweze, chipwe mwana-pwo, chipwe kashinakaji chipwe kalamba. Yaakunjika eswe mu moko jenyi.

Jeremia 32:1

Liji lize liejile kuli Jeremia lia kuli Yehova ha mwaka wamuchikumi wa Zedekia mwanangana wa Yunda, wenawo mwaka kumi ni wamuchinake wa Nabukanezore.

Jeremia 34:1

Liji lino liejile kuli Jeremia lia kuli Yehova, muze Nabukanezore mwanangana wa Babilonia ni tujita twenyi eswe, ni mawanangana eswe a hashi aze iye te kanaayulu ni mavungu eswe kanase jita ni Yerusaleme ni yihunda yayo yeswe ngwenyi,

Jeremia 34:22

Yehova kanambe ngwenyi, Mungutuma shimbi, mungwahilwisa nawa ku chihunda chino, akase nacho jita, akachitambule, akachoche ni kahia. Mungupwisa yihunda ya mu Yunda mwamokomoko kumushi atu.

Jeremia 42:18

Mumu Yehova-wa-Tujita, Zambi ya Izalele kanambe ngwenyi, Chizechene ngwe nazukwile utenu wami ni ufwatulo wami hali waze atwamine mu Yerusaleme, chocho nawa munguzukula ufwatulo wami hali yenu muze munuya ku Engitu. Munwalumuka sau, ni chuma cha mwongo, ni shingo, ni luchoko. Kunuchi kamona nawa chifuchi chino.

Jeremia 52:1

Zedekia wapwile ni makumi aali a miaka ni mwaka umuwika muze aswanyine wanangana. Wayulile kumi lia miaka ni mwaka umuwika mu Yerusaleme. Jina lia naye Hamutala mwana Jeremia wa ku Libna.

Jeremia 6:6

Mumu Yehova-wa-Tujita kanambe ngwenyi, Pakulenu mitondo yenyi, lingenu mulumba wa kuseleka Yerusaleme. Che chihunda chino chatamba kuchilamba, mumu nichimwe chuma chilimo shina kupingjisa wika.

Ezekiel 33:21

Ha mwaka kumi ni wamuchiali wa unjize wetu, ni kakweji wamuchikumi, ni tangwa liamuchitano lia kakweji, umwe lunga te hanakatuka ni mwono ku Yerusaleme, heza kuli yami ngwenyi, Che chihunda hachipupa.

Ezekiel 4:3

Anda shapa ya utale Ukayise ngwe chipanga cha utale hakachi ka yena ni chihunda. Talikisako meso je, chikapwe cha kuseleka, ukashinjike jita ya kuseleka. Chino muchipwa chilayi ku munyachi wa Izalele.

Ezekiel 40:1

Ha mwaka makumi aali ni wamuchitano wa unjize wetu, ha kuputuka mwaka, ha tangwa liamuchikumi lia kakweji, achi ha mwaka kumi ni wamuchiwana chize ku kupupa cha chihunda, he ha tangwa lume, kwoko lia Yehova liapwile hali yami.

Ezekiel 5:2

Chihanda chamuchitatu muwocha ha jiko hakachi ka chihunda muze matangwa a kuseleka hahwa; chihanda chikwo chamuchitatu muwanda nikuchilambalamba ni katana kweswe kwa kujingilika chihunda; chihanda chikwo chamuchitatu mumwangina mu fuji, mba mungutomona katana kujihanga.

Zakaria 8:19

Yehova-wa-Tujita kanambe ngwenyi, Kulitwamina kulia ha kakweji wamuchiwana, ni ha kakweji wamuchitano, ni ha kakweji wamuchishimbiali, ni ha kakweji wamuchikumi, yeswe muyipwa kuli akwa munyachi wa Yunda matangwa a uwahililo ni chiseke, ni yiwanyino ya maseho. Kashika zangenu umwenemwene ni sambukila.

Shimbi 28:36

Yehova makanuhetesa ni yenu ni mwanangana wenu nwamutongwele anuyule ku vungu limwe yenu kunwalinyingikine, chipwe yenu, chipwe akakenu, munukavumbikako tuzambi tweka, te mitondo ni mawe.