Jeremia 38:6 - MUKANDA USANDU WA ZAMBI 1975

⁶ Chocho yanda Jeremia, yamusa mu wina wa Malekia mwana wa mwanangana wa kuswekelamo meya, uze uli mu yize ya tulayi. Yasoselamo Jeremia ni mihipu. Kumwapwile meya mu wina, shina malowa wika, mba Jeremia yatwema mu malowa.

Mukanda Wa Zambi 1970

⁶ Kashika yaangukwata, yaangukasa ni mihipu, yaangusa mu shima lia Malkia, mwana wa mwanangana, lize te lili mu yiize ya zuwo lia mwanangana. Te kumushi meya, shina malowa wika; yingutwema mo.

Jeremia 38:6 Iomraidhean Croise

Ubutukilo 37:24

Yamwanda, yamumbila mu wina, te wina wamokomoko, kumushi meya.

Miaso (Masamu) 109:5

O hanangwehe yipi ha yipema. Hananeha kole ha zango liami.

Miaso (Masamu) 40:2

Wanguchijile nawa mu wina upi, mu malowa a kutwema. Wasele yiliato yami ha liwe, wakolesele kwenda chami.

Miaso (Masamu) 69:2

Ngunatweme mu malowa asuku kuze mutu keshi kuhasa kumana. Hinaheta ku meya asuku kuze masanga a meya anangulundumukina.

Jeremia 32:2

Ha mwaka uze maswalale a mwanangana wa Babilonia te kanaseleka Yerusaleme. Profeta Jeremia aye hamuyikila mu yize ya tulayi yize ya ku palasiu ya mwanangana wa Yunda.

Jeremia 36:26

Mba mwanangana yatuma Jeramila mwana wa mwanangana, ni Seraia mwana Azriele, ni Shelemia mwana Abadiele akakwate mukwa kusonyeka Baruke ni profeta Jeremia, alioze Yehova waaswekele.

Jeremia 37:16

Muze heza mu wina wa mbonge, hatwamamo matangwa anji,

Jeremia 37:21

Kashika mwanangana Zedekia yatuma, mba yatwala Jeremia ku yize ya tulayi. Yamwaha nawa mbolo yimuwika tangwa ha tangwa ya ku tapalo lia akwa mbolo, ndo mbolo yeswe ya mu chihunda hiyahwa. Chocho Jeremia yatwama ku yize ya tulayi.

Jeremia 38:13

Mba yasosa Jeremia mu wina ni mihipu. Jeremia watwamine mu yize ya tulayi.

Jeremia 38:22

mapwo eswe waze asala mu zuwo lia mwanangana wa Yunda te maatwala kuli alemu ja mwanangana wa Babilonia nikwamba ngwo, Masepa je aze waafulielele hanakwongo, hanakukumbu. Haliapwila muze molu je anashimbama mu malowa kanakutewulula meso jo.

Daniel 6:16

Kashika mwanangana yahana liji, yaneha Daniel, yamunyasa mu wina wa ndumba. Mwanangana yamba kuli Daniel ngwenyi, Zambi ye akufunge, yoze wakumuvumbika matangwa eswe.

Zakaria 9:11

Ha kutwala kuli yenu nawa, mungukatusula funge jenu ku wina uze kuushi meya mumu ha manyinga ja usendo wami ni yenu.

Yilinga 16:24

Iye se hatambula shimbi yino, waambilile mu zuwo lia muchima nikuyika molu jo mu kuli.

Hebreu 10:36

Mumu Chanutamba kunyongonona, nulinge upale wa Zambi, nukatambule che chilakenyo.