Jeremia 38:4 - MUKANDA USANDU WA ZAMBI 1975

⁴ Mba e alemu yamba kuli mwanangana ngwo, Yono lunga chatamba kumushiha mumu kanachiza tachi kuli maswalale waze asala mu chihunda chino, ni kuli atu eswe, ha kuhanjika maliji wano kuli ayo. Yono lunga kafupile kuwahisa akwa vungu lino; kanafupu kwalambula.

Mukanda Wa Zambi 1970

⁴ Mwabwamuze akwa kuyula yaaya kuli mwanangana, yaamba ngwo: “Vulie mwanangana! Mutu yono chamutamba kufwa. Mumu maliji jenyi kaakulekumwisa tujita ni atu akwo eswe waze haasala mu limbo. Kasolo kukwasa atu, kanazange shina kwamwesa lamba.”

Jeremia 38:4 Iomraidhean Croise

1 Yitanga Ya Mianangana 21:20

Ahabe yamba kuli Eliya ngwenyi, Ena mukwa kole, hiwanguwana nyi? Aye yakumbulula ngwenyi, E, hinakuwana mumu hiwalilanjisa kulinga chipi kumeso ja Yehova.

2 Sango Ja Mianangana 24:21

Alioze amutwamine punga. Yamwasa mawe nikulita ni liji lia mwanangana, mu yize ya zuwo lia Yehova.

Ezra 4:12

Chatamba mwanangana kunyingika, waze A-Yunda akatukile kuli yenu ejile kuno kuli yetu ku Yerusaleme haputuka kutunga chihunda chize cha uhulia ni ungulungulu. Kanamane yipanga-ya-mawe; kanakolesa nawa fundamentu.

Nehemia 6:9

Mumu te kanafupu kutukolesa woma ngwo, Mutuhongesa moko jo ku milimo mba kechi kuyilinga. Alioze yena Zambi, ungukolese moko jami haliapwila.

Kutuhuka 5:4

Mwanangana wa Engitu yamba kuli ayo ngwenyi, Enu Mose ni Arone kuchi te nunachiza atu ku milimo yo? Yénu ku yiteli yenu.

Jeremia 11:21

Kashika Yehova kanambe ha kutwala kuli malunga a Anatote, waze anafupu kukushiha, nikwamba ngwo, Kanda uprofeteza ni jina lia Yehova, kumuofwa ku kwoko lietu—

Jeremia 18:23

Alioze yena Yehova unanyingika kutaka cho cheswe cha kungushiha. Kanda ukonekena uhenge wo; kanda ujimuna shili yo ku meso je. Anunguke kumeso je; ukaapatwile ha tangwa lia utenu we.

Jeremia 26:11

Mba asasendote ni aprofeta yamba kuli alemu ni atu eswe ngwo, Yono mutu katela kufwa mumu haprofeteza kulimika ni chihunda chino, ni yenu hinwachivwa ni matwi jenu.

Jeremia 29:7

Wahisenu chihunda kuze hinanutuma ngwe njize nukachilembele kuli Yehova mumu nyi muchiwaha ni yenu munuwaha.

Jeremia 38:16

Mba mwanangana Zedekia yalishinga kuli Jeremia ukawo ku lumbu ngwenyi, Ni mwono wa Yehova yoze watangile alma jetu, chichi kukushiha chipwe kukukunjika kuli wano malunga anafupu kukushiha.

Jeremia 38:25

Nyi alemu mevwa ngwe hinahanjika ni yena mba meza nikukuhula ngwo, Utulweze chize wambanga kuli mwanangana ni chize mwanangana wambanga kuli yenu; kanda utuswekela mba kutuchi kukushiha,

Jeremia 43:3

Baruke mwana Neria kakuvundula kulimika ni yetu akaakunjike kuli A-Kaletea o akatushihe hanji akatutwale ku unjize mu Babilonia.

Ezekiel 22:27

Alemu jenyi muchima lienyi kapwa ngwe tungunga kanapapulula yifwo, nikumwanga manyinga, nikwonwona mwono wa atu akalifumbule ni yuma ya wiji.

Amose 7:10

Henaho Amazia sasendote wa Mbetele yatuma kuli Jeroboame mwanangana wa Izalele ngwenyi, Amose hakutwama punga hakachi ka munyachi wa Izalele, ni chifuchi kuchichi kuhasa kujikiza ni maliji jenyi eswe.

Luka 23:2

O aputukile kumusuma ngwo, Twawanyine yono mutu nikuhengesa vungu lietu, nikukanjisa kufweta lijimu kuli Sesare, chikwo ngwenyi, Kristu mwanangana yami mwene.

Yilinga 16:20

Muze te haaneha kuli tupitau, ambile ngwo, Wano A-Yunda kakupikala chikolo limbo lietu.

Yilinga 17:6

muze kaawanyineko, ambulumwine Yasone ni amwe mandumbu kumeso ja akwa kuyula limbo, nikukololoka ngwo, Wano hanalumuna yifuchi yeswe ya hashi, haneza kuno nawa;

Yilinga 24:5

Mumu hitunawane yono lunga koki, mukwa kuvundula hakachi ka A-Yunda eswe mu yifuchi yeswe ya hashi, ni mukwa lutwe wa mbunga ya A-Nazereno:

Yilinga 28:22

Alioze tunachinyongo chipema kwivwa kuli yena chize unashinginyeka; mumu ha mbunga yino tunanyingika kweswe kakuhanjika yuma ya kulimika no.