Jeremia 38:18 - MUKANDA USANDU WA ZAMBI 1975

¹⁸ Alioze nyi kunwazeyele kuli alemu ja mwanangana wa Babilonia chihunda chino machikunjika kuli A-Kaletea; machocha ni kahia ni yenu kunuchi kuputuka kuli ayo.

Mukanda Wa Zambi 1970

¹⁸ Alioze nyi ngwe kunwalikunjikile kuli ayo, limbo lino kumaalikunjika mu moko ja Ababilonia, no maaliocha, kunuchi kuchina.”

Jeremia 38:18 Iomraidhean Croise

1 MIANANGANA 24:12

mba Jehoachine mwanangana wa Yunda yatuhuka kuli mwanangana wa Babilonia, ni mwene, ni naye, ni tuvumbi twenyi, ni alemu jenyi, ni tupitau twenyi. Chocho mwanangana wa Babilonia yamukwata ha mwaka wamuchinake wa kuyula chenyi.

Jeremia 21:10

Mumu Yehova kanambe ngwenyi, Hinasa meso jami kulimika ni chihunda chino ha chipi, hi ha chipema ko. Kumunguchihana mu moko ja mwanangana wa Babilonia mba iye kumachocha ni kahia.

Jeremia 27:8

Alioze nyi vungu limwe hanji wanangana umwe kechi kalingila yono Nabukanezore mwanangana wa Babilonia; kechi katá kusa makota jo mu kanga ya mwanangana wa Babilonia, munguhana kastigu ku vungu lize ni katana, ni kapunga, ni chilungo ndo hinaanongesa ku kwoko lienyi. Chocho kanambe Yehova.

Jeremia 37:8

A-Kaletea kumahiluka nikwasa jita ni chihunda chino. Kumachikumba ni kuchocha ni kahia.

Jeremia 38:23

Mapwo jenu eswe ni ana jenu eswe a malunga makaatwala kuli A-Kaletea ni yenu mwene kunuchi kapuluka kuli ayo. Mwanangana wa Babilonia kumakanukwata ni chihunda chino makachocha ni kahia.

Jeremia 38:3

Yehova kanambe ngwenyi, Chihunda chino kumakachikunjika kuli tujita twa mwanangana wa Babilonia. O kumakachitambula.

Jeremia 39:3

Ha kutambula Yerusaleme, alemu eswe a mwanangana wa Babilonia yeza, yatwama mu chikolo cha hakachi; Negale-Shareze, ni Samagare-Nebo, Sareshekime mwe kaliamanga wa lutwe, Negale-Shareze mwe chilolo wa lutwe ni akwa chiyulo eswe a mwanangana wa Babilonia.

Jeremia 39:8

A-Kaletea yocha zuwo lia mwanangana ni zuwo lia atu, ni kupuzula yipanga-ya-mawe ya Yerusaleme.

Ezekiel 12:13

Mungukamuzazulwila wanda wami; makakwachika mu kambwila liami; mungukamutwala ku Babilonia mu chifuchi cha A-Kaletea, alioze kechi kachimona, hindu mafwilako.

Ezekiel 17:15

Alioze wamukatukilile ha kutuma mikeji ku Engitu akamwehe tuvwalu ni tujita anji. Te machihasa? Ha kulinga yuma ngwe yino mutu mahasa kulilamwina? Mahasa kulilamwina ha kutangula usendo?