Jeremia 38:16 - MUKANDA USANDU WA ZAMBI 1975

¹⁶ Mba mwanangana Zedekia yalishinga kuli Jeremia ukawo ku lumbu ngwenyi, Ni mwono wa Yehova yoze watangile alma jetu, chichi kukushiha chipwe kukukunjika kuli wano malunga anafupu kukushiha.

Mukanda Wa Zambi 1970

¹⁶ Mba mwanangana yalishinga ku tenga ngwenyi: “Ni Mwene Zambi, Zambi yoze wakutwaha mwono, chichi kukushiha hanji kukukunjika mu moko ja waze anazange kukushiha.”

Jeremia 38:16 Iomraidhean Croise

Longeshi 12:7

mba fufuta muyihiluka ku mavu chizechene yapwile, ni Chizulie muchihiluka kuli Zambi yoze wachihanyine.

Izaya 42:5

Zambi Yehova, Tangi wa malilu kanda mukwa kwazazulula, yoze wazazulwile hashi ni yize yeswe yakwizaho, yoze wakuhana mwiku kuli atu eswe aliho, kakuhana Spiritu kuli akwa kwendelaho eswe, aye kanambe ngwenyi,

Izaya 57:16

Mumu chichi kalitachika miaka yeswe, chipwe kutenuka, chichi katenuka matangwa eswe. Kuli yami kwakatuka spiritu ni yami mwene natangile mwiku wa mwono.

Jeremia 34:20

mungwakunjika kuli akwa kole jo ni kuli waze anazange kwashiha. Mijimba yo muyipwa kulia kuli tujila a mu tetela ni kuli tushitu a mu yambu.

Jeremia 37:17

mwanangana Zedekia yamusanyika, yamwivwa. Mwanangana yamuhulahula ku lumbu ukawo mu zuwo lienyi ngwenyi, Liji limwe liliko lia kuli Yehova? Jeremia ngwenyi, Kulili. Mba yaweza ngwenyi, Kumanukunjika ku moko ja mwanangana wa Babilonia.

Zakaria 12:1

Chikuma cha liji lia Yehova lia kutwala kuli A-Izalele. Yehova mukwa kuzazulula malilu, mukwa kukolesa hashi, ni kululika Spiritu ya mutu muli iye, kanambe ngwenyi,

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?

Kwalula 27:16

Yehova, Zambi ya maspiritu a atu eswe, asakule umwe lunga wa helu lia chikungulwila,

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Yilinga 17:25

chipwe keshi kumulingila ni moko ja atu ngwe anahono chuma chimwe, se iye mwene kakuhana kuli eswe mwono, ni mwiku, ni yuma yeswe;

Yilinga 17:28

mumu Muli iye, tuli ni mwono, muli iye twakwenda, muli iye tuli ni kupwa chetu; nikulita ngwe chipwe amwe a kuli akwenu akwa kutomba miaso hanambe ngwo, Mumu yetu tuli ana jenyi nawa.

Hebreu 12:9

Chikwo nawa, twapwile ni atata a mu musunya akutulamba ha kufumba, twaalemesene: Shinaho chikolo kutuchi kuzeyela kuli Tato ya maspiritu, tukapwe ni mwono, nyi?