Jeremia 37:3 - MUKANDA USANDU WA ZAMBI 1975

³ Mwanangana Zedekia yatuma Jukale mwana Shelemia, ni sasendote Zefania mwana Maseia kuli profeta Jeremia ngwenyi, Utulembele kuli Yehova Zambi yetu.

Mukanda Wa Zambi 1970

³ Mwanangana Zedekia yatuma Jukale, mwana wa Shelemia, ni hako Zefania, mwana wa Maseya, anguhule ngulembe kuli Mwene Zambi, Zambi yetu, hakutwala ku vungu lietu.

Jeremia 37:3 Iomraidhean Croise

1 Yitanga Ya Mianangana 13:6

Mba mwanangana yakumbulula yamba kuli mutu wa Zambi ngwenyi, Lembelela vumbi lia Yehova Zambi ye ungulembele kama kwoko liami likahinduke nawa. Mutu wa Zambi waliumbile kuli Yehova mba kwoko lia mwanangana yilihinduka lialumukine ngwe liapwile kunyima.

Kutuhuka 10:17

Haliapwila kashika, mwane, nukonekene kama mutonga wami, chichi kuhilukilamo, Liumbenu kuli Yehova Zambi yenu akanguchize kufwa chino.

Kutuhuka 8:28

Falau yamba ngwenyi, Mungunwecha nuye, nukalambule kuli Yehova Zambi yenu yitapo mu puya; chino wika, kanda nuya kusuku. Liumbenu hali yami.

Kutuhuka 8:8

Mba Falau yasanyika Mose ni Arone, ngwenyi, Liumbenu kuli Yehova anguchize yula-ya-mbwota kuli yami, ni kuli atu jami, mba mungukecha e atu aye akalambule yitapo kuli Yehova.

Kutuhuka 9:28

Hikwahwa, liumbenu kuli Yehova. Kukulunguza cha ngolo ni chiwe chipatuke. Mungunwecha nuye. Kunuchi kashimbula nawa, ka.

Jeremia 15:11

Chikapwe chocho Yehova, nyi chaahakwilile kuli yena akawahe; nyi chahakwilile akwa kole kumeso je ha mwaka wa lamba ni ha mwaka wa luyinda.

Jeremia 2:27

Waze akutongola mutondo ngwo, Uli tata. Ku liwe mamba ngwo, Wangusemene. Mumu hangumba nyima, kangutalikishile meso jo. Hindu ha mwaka wa lamba lio kakwamba ngwo, Katuka utulamwine!

Jeremia 29:21

Yehova-wa-Tujita, Zambi ya Izalele kanambe ha kutwala kuli Ahabe mwana Kolaia ni Zedekia mwana Maseia waze ananuprofetezela mahuza mu jina liami ngwenyi, Mungwakunjika mu moko ja Nabukanezore mwanangana wa Babilonia mba iye maashiha kwe kumeso jenu.

Jeremia 29:25

Yehova-wa-Tujita, Zambi ya Izalele kanambe ngwenyi, Ena hiwatuma mikanda mu jina lie kuli atu eswe a mu Yerusaleme, ni kuli sasendote Zefania mwana Maseia ni asasendote eswe ngwo,

Jeremia 37:17

mwanangana Zedekia yamusanyika, yamwivwa. Mwanangana yamuhulahula ku lumbu ukawo mu zuwo lienyi ngwenyi, Liji limwe liliko lia kuli Yehova? Jeremia ngwenyi, Kulili. Mba yaweza ngwenyi, Kumanukunjika ku moko ja mwanangana wa Babilonia.

Jeremia 37:7

Yehova Zambi ya Izalele kanambe ngwenyi, Kuli mwanangana wa Yunda yoze wanutumanga kuli yami kunguhula munwamba ngwenu, Tujita twa Falau waze ejile kukukwasa kanambe kuhiluka ku chifuchi cho cha Engitu.

Jeremia 38:1

Shefatia mwana Matane, ni Gedalia mwana Pashure, ni Jukale mwana Shelemia, ni Pashure mwana Malekia evwile maliji a Jeremia kuli e atu eswe, ngwenyi,

Jeremia 42:1

Henaho tusongo eswe a maswalale, hamwe ni Johanane mwana Karea, ni Azaria mwana Hoshaia, ni atu eswe chize kuli akepe ndo kuli anene, yakundama,

Jeremia 42:20

ngwami, Hinwapiasuka nukatokese mwono wenu. Nwangutumine kuli Yehova Zambi yenu ngwenu, Nutulembele kuli Yehova Zambi yetu, mba cheswacho Yehova Zambi yetu mamba, hinutulweze mba mutuchilinga.

Jeremia 52:24

Kapitau ka tulayi yakwata Seraia sasendote mukwa lutwe, ni Zefania sasendote wamuchiali, ni atatu akwa kufunga mapito;

Kwalula 21:7

Atu yaheta kuli Mose, yamba ngwo, Hitwavulumuna, mumu twahanjikanga nikulimika ni Yehova ni kulimika ni yena. Ulembe kuli Yehova, atuchize e tupela. Mose yalembela e atu.

Yilinga 8:24

Semone wakumbulwile ngwenyi, Ngulembelenu kuli Mwene, hanga nichimwe cha yuma yino hiwamba kuchichi keza hali yami.

1 Samuel 12:19

Atu eswe yamba kuli Samuel ngwo, Nutulembele etu ngamba jenu kuli Yehova Zambi yenu, kanda tufwa, mumu ha kwita mwanangana hitwaweza chuma chino chipi ku milonga yetu yeswe.