Jeremia 37:2 - MUKANDA USANDU WA ZAMBI 1975

² Alioze chipwe iye, chipwe tuvumbi twenyi, chipwe e atu a mu chifuchi kapanjikile ku maliji a Yehova aze ahanjikilile kuli profeta Jeremia.

Mukanda Wa Zambi 1970

² Alioze chibwe Zedekia, chibwe akwa kuyula jenyi, chibwe atu akwo koononokene ko ku maliji waze anguhele kuli Mwene Zambi ngwalweze.

Jeremia 37:2 Iomraidhean Croise

2 Samuel 10:2

David yamba ngwenyi, Mungulinga vumbi kuli Hanune mwana Nahashi chizechene ngwe tato wangulingile vumbi. Kashika David watumine tuvumbi twenyi akamulembejeke mumu hali tato. Tuvumbi twa David yaheta ku chifuchi cha A-Amone.

2 Samuel 12:25

mba watumine ku kwoko lia Natane mwe profeta, yamuluka Jededia mumu ha mukunda wa Yehova.

1 Yitanga Ya Mianangana 14:18

A-Izalele eswe yamufunda nikumulila nikulita ni liji lia Yehova lize ambile ku kanwa lia kavumbi kenyi Ahija mwe profeta.

1 Yitanga Ya Mianangana 16:7

Liji lia Yehova te liejile kuli profeta Jehu mwana Hanani lia kulimika ni Mbasha ni munyachi wenyi mumu ha yipi yize yeswe halinga kumeso ja Yehova akamwihie ku utenu ni yitanga ya moko jenyi, ha kulifwa ni munyachi wa Jeroboame ni mumu yamulamba.

2 Sango Ja Mianangana 36:11

Ha kuputuka kuyula Zedekia wapwile ni makumi aali a miaka ni mwaka umuwika. Wayulile mu Yerusaleme kumi lia miaka ni mwaka umuwika.

Kutuhuka 4:13

Mose yamba ngwenyi Mwene, utume kama mutu weka.

Yishima 26:6

Mweswe matuma lusango mu kwoko lia chihepuke kanalipatula molu jenyi; manwa upupilo.

Yishima 29:12

Nyi mukwa kuyula mapanjika ku mahuza, akwa kumulingila eswe kapwa yingulungulu.

Jeremia 34:2

Yehova Zambi ya Izalele kanambe ngwenyi, Yako uhanjike ni Zedekia mwanangana wa Yunda ukambe kuli iye ngwe, Yehova kanambe ngwenyi, Ngunahana chihunda chino kuli mwanangana wa Babilonia mba iye machocha ni kahia.

Ezekiel 21:25

Ni yena chingulungulu wa kulijilula, yena mulemu wa A-Izalele, tangwa he hiliaheta, mwaka wa kastigu ye yasula.

Hosea 12:10

Yami nahanjikile kuli aprofeta; yami nokesele usolwelo, nikuhana yishima ku makanwa ja aprofeta.

Alevi 8:36

Chocho Arone ni anenyi a malunga alingile yuma yeswe Yehova watumine Mose.

1 Tesalonika 4:8

Kashika yoze malituna, malituna hi atu ko, alioze Zambi, yoze wakunwaha Spiritu yenyi Musandu.