Jeremia 36:9 - MUKANDA USANDU WA ZAMBI 1975

⁹ Ha mwaka wamuchitano wa Jehoakime mwana Josia mwanangana wa Yunda, ha kakweji wamuchilivwa atu eswe mu Yerusaleme ni atu eswe waze akatukile ku yihunda ya Yunda nikwiza ku Yerusaleme, yatongola shimbu lia kulitwamina kulia kumeso ja Yehova.

Mukanda Wa Zambi 1970

⁹ Ha kakweji wa muchilivwa wa mwaka wa muchitano wa kuyula cha Jehoakime mwanangana wa Yuda, atu yaalitwamina kulia hanga Mwene Zambi eevwile kama keke. Atu eswe waze te atwama mu Yerusaleme ni waze ejile ku membo ja Ayuda yaalitwamina kulia.

Jeremia 36:9 Iomraidhean Croise

2 Sango Ja Mianangana 20:3

Yehosofate yevwa woma wunji. Yalisela kufupa Yehova. Yasela matangwa a kulitwamina kulia ndusu mu Yunda mweswe.

Yona 3:5

Akwa Ninive afulielele Zambi. Yasela matangwa a kulitwamina kulia. Yazala yikeleyi chize kuli anene hakachi ko ndo kuli akepe.

Jeremia 36:22

Chapwile te ha kakweji wamuchilivwa, ni mwanangana kanatwama mu zuwo lienyi lia chishika. Kwapwile kahia mu jiko kumeso jenyi.

Estere 4:16

Yako ukungulule A-Yunda eswe a mu Shushane alitwamine kulia hali yami. Kanda alia, kanda anwa matangwa atatu chipwe ufuku chipwe mwalwa. Ni yami ni tuvumbi twami twa mapwo mutulitwamina kulia chizechene mba chocho mungunjila kuli mwanangana. Acho kuchalitele ni shimbi, alioze nyi mungufwa, mungufwa, kwahwa.

Zakaria 8:19

Yehova-wa-Tujita kanambe ngwenyi, Kulitwamina kulia ha kakweji wamuchiwana, ni ha kakweji wamuchitano, ni ha kakweji wamuchishimbiali, ni ha kakweji wamuchikumi, yeswe muyipwa kuli akwa munyachi wa Yunda matangwa a uwahililo ni chiseke, ni yiwanyino ya maseho. Kashika zangenu umwenemwene ni sambukila.

Joele 1:13

Enu asasendote, lijikenu yikeleyi nukalinyenge. Enu tuvumbi twa chilumbilo, lilenu mbimbi. Enu tuvumbi twa Zambi yami, tweyenu nukapombe ufuku weswe mu yikeleyi, mumu mulambu wa wunga ni mulambu wa kunwa hanayimina mu zuwo lia Zambi yenu.

Jeremia 36:1

Ha mwaka wamuchiwana wa Jehoakime mwana Josia mwanangana wa Yu nda liji lino liejile kuli Jeremia lia kuli Yehova ngwenyi,

Nehemia 9:1

Ha tangwa makumi aali ni liamuchiwana lia kakweji yono A-Izalele yakunguluka nikulitwamina kulia, ni chikeleyi, ni kulikwita mavu.

Alevi 23:27

Ha kakweji mwenawo wamuchishimbiali ha tangwa liamuchikumi mulipwa tangwa lia kufuka shili. Mulipwa kuli yenu tangwa lia chikungulwila chisandu. Munufwichisa mbunge jenu, mba mununeha mulambu wa kahia kuli Yehova.

Akwa Kuyula 20:26

Mba A-Izalele eswe, e tujita eswe, yakanduka ku Mbetele mukulila. Yatwamako kumeso ja Yehova, ni kulia ka ndo ngoloshi. Yalambula milambu ya kulumba, ni milambu ya sambukila kumeso ja Yehova.

1 Samuel 7:6

O yakungulukila ku Mizepa. Yataha meya; yaazujila hashi kumeso ja Yehova nikulitwamina kulia tangwa lize, nikwambako ngwo, Hitwavulumuna Yehova. Samuel wayulile A-Izalele ku Mizepa.

Jeremia 36:6

kashika yena muoya, mba ha tangwa limwe lia kulitwamina kulia, mutanga mu matwi ja atu eswe mu zuwo lia Yehova maliji a Yehova, wasoneka mu mukanda shimbu nakusonekesene. Muatanga nawa mu matwi ja malunga eswe ja A-Yunda waze makatuka ku yihunda yo.

Joele 1:14

Liselenu tangwa lisandu lia kulitwamina kulia. Tambikenu chikungulwila chilemu. Kungululenu makulwana ni akwa chifuchi eswe ku zuwo lia Yehova Zambi yenu, nukatete kuli Yehova.