Jeremia 36:4 - MUKANDA USANDU WA ZAMBI 1975

⁴ Mba Jeremia yasanyika Baruke mwana Neria, ni Baruke yasoneka ha mukanda wa chivungo maliji eswe a Yehova kuli Jeremia shimbu Jeremia mamusonekesa.

Mukanda Wa Zambi 1970

⁴ Hohene yingutambika Baruke, mwana wa Neria, yingumulumbunwina yuma yeswe yize te Mwene Zambi hangulumbunwina. Baruke neye yayisoneka yeswe ha chivungo cha mukanda.

Jeremia 36:4 Iomraidhean Croise

Izaya 30:8

Kashika yako uchisoneke ha chilolwa kumeso jo, uchisoneke mu mukanda, hanga ha miaka ya kwizaho chikapwe uchela ha miaka yeswe.

Izaya 8:1

Yehova yamba kuli yami ngwenyi, Anda chilolwa chinene cha kusonekaho Usoneke ni sona ja matangwa eswe ngwe, Kuli Maha-shala-hasha-baze.

Jeremia 25:13

Mungukokela ha chifuchi chize maliji aze eswe hinahanjika kulimika nacho, yeswe yinasonewa mu mukanda uno, yize Jeremia hanaprofeteza kulimika ni mavungu eswe.

Jeremia 30:2

Yehova Zambi ya Izalele kanambe ngwenyi, Soneka mu mukanda maliji wano eswe hinamba kuli yena.

Jeremia 32:12

Yinguhana mukanda wa kulanda munda kuli Baruke mwana Neria mwana Maseia kwe kumeso ja musonyami Hanamele, kumeso ja yela waze asonekene majina jo ha mukanda wa kulanda ni kumeso ja A-Yunda waze eswe atwamine mu yize ya tulayi.

Jeremia 36:14

Mba alemu eswe yatuma Yehudi mwana Netania mwana Shelemia mwana Kushi akambe kuli Baruke ngwenyi, Anda mu kwoko lie mukanda uze watanganga mu matwi ja atu, wize kuno. Chocho Baruke mwana Neria yakwata mukanda yeza kuli ayo.

Jeremia 36:21

Mwanangana aye yatuma Yehudi akande mukanda; yauchiza mu chipatulo cha mukwa kusonyeka Elisama mba Yehudi yautanga kuli mwanangana ni kuli alemu aze eswe amanyine kwa kujingilika mwanangana.

Jeremia 36:23

Muze te Yehudi matanga yipinji yitatu hanji yiwana, mwanangana aye mayiteta ni kapoko akayimbile mu kahia kali mu jiko ndo mukanda weswe hiwahwa mu kahia ka mu jiko.

Jeremia 36:26

Mba mwanangana yatuma Jeramila mwana wa mwanangana, ni Seraia mwana Azriele, ni Shelemia mwana Abadiele akakwate mukwa kusonyeka Baruke ni profeta Jeremia, alioze Yehova waaswekele.

Jeremia 36:27

Muze mwanangana hanocho mukanda uli ni maliji aze Baruke wasonekene shimbu Jeremia mamusonekesa, liji lia Yehova liejile kuli Jeremia ngwenyi,

Jeremia 36:28

Anda mukanda ukwo wa chivungo ukasonekemo maliji atangu aze eswe apwile ha mukanda utangu uze Jehoakime mwanangana wa Yunda hanocho.

Jeremia 36:32

Henaho Jeremia yatambula mukanda Ukwo wa chivungo yauhana kuli mukwa kusonyeka Baruke mwana Neria, aye yasonekamo maliji aze eswe amusonekesene Jeremia ha mukanda uze Jehoakime mwanangana wa Yunda wochele mu jiko, alioze awezele maliji anji akwo a kulifwa no.

Jeremia 36:6

kashika yena muoya, mba ha tangwa limwe lia kulitwamina kulia, mutanga mu matwi ja atu eswe mu zuwo lia Yehova maliji a Yehova, wasoneka mu mukanda shimbu nakusonekesene. Muatanga nawa mu matwi ja malunga eswe ja A-Yunda waze makatuka ku yihunda yo.

Jeremia 43:3

Baruke mwana Neria kakuvundula kulimika ni yetu akaakunjike kuli A-Kaletea o akatushihe hanji akatutwale ku unjize mu Babilonia.

Jeremia 51:59

Liji lize profeta Jeremia watumine Seraia mwana Neria, mwana Maseia muze wayile hamwe ni Zedekia mwanangana wa Yunda ku Babilonia ha mwaka wamuchiwana wa kuyula chenyi. Seraia aye wapwile kafufuchi.

Jeremia 51:60

Jeremia wasonekene mu mukanda yuma yikalu yize yeswe muyiza ha Babilonia, te maliji wano eswe hanasoneka ha kutwala ku Babilonia.

Ezekiel 2:9

Ha kutala kumanyi kwoko limwe alizozele kuli yami, linakwata mukanda wa chivungo;

Daniel 7:1

Ha mwaka utangu wa Beleshazare mwanangana wa Babilonia, Daniel watetele chilota ni usolwelo wa mu mutwe wenyi shimbu te kanapombo ha muhela wenyi. Henaho wasonekene chilota chenyi ni kwambulula ulumbunwiso wa chikuma.

Zakaria 5:1

Cheka nawa yinguhetula meso jami, yingumona mukanda umwe wa chivungo unahumuka.

A-ROMA 16:22

Yami Teresu, ngunasoneka mukanda uno, ngunanumeneka muli Mwene.