Jeremia 36:3 - MUKANDA USANDU WA ZAMBI 1975

³ Hanji munyachi wa Yunda mevwa yuma yikalu yeswe yize ngunambe kulinga kuli ayo hanga mutu mweswe akatuke ku ndako jenyi jipi ngukaakonekene uhenge wo ni shili yo.

Mukanda Wa Zambi 1970

³ Tangwa likwo muze Ayuda meevwa yeswe yize hingunanyongo kulinga hali ayo, maalumuna ndako jo jibi. Mba mungwakonekena ungulungulu wo ni milonga yo.”

Jeremia 36:3 Iomraidhean Croise

Nehemia 1:9

Alioze nyi munuhiluka kuli yami ni kufunga shimbi jami ni kujilinga, chipwe akwa kumwangana haya ku masongo a hashi, hindu mungwachizako ni kwaneha kuma kuze binatongola kusako jina liami.

Miaso (Masamu) 139:24

Umone kachi muuli ungulungulu umwe muli yami, ungusongwele kama mu jila ya mutolo.

Izaya 6:10

Pwisa mbunge ja wano atu ja maji, ni matwi jo akaleme, ni meso jo akafuke, kuchina akamone ni meso jo, akevwe hi matwi jo, akanyingike ni mbunge jo, akalumuke aawuke.

Jeremia 18:11

Kashika amba kuli A-Yunda ni waze atwama mu Yerusaleme ngwe, Yehova kanambe ngwenyi, Ngunawumbu chuma chipi kulimika ni yenu. Ngunanyongo chuma cha kulimika ni yenu. Hilukenu mutu mweswe ku ndako jenyi jipi, lulikenu ndako jenu ni yitanga yenu.

Jeremia 18:8

mba nyi munyachi uze ngunambe muwalumuka ku upi wawo, ni yami mungwalumuka ku chipi chize namba kuulinga.

Jeremia 23:14

Alioze muli aprofeta ja Yerusaleme namwene chuma cha kuvwisa lwaji. O kakulinga utanji ni kwenda ni mahuza. Kakutakamisa moko ja akwa kulinga yipi, kashika niumwe akuhichika ungulungulu wenyi. Eswe hanalumuka ngwe Sondome kuli yami; ngwe waze atwama mu Ngomora.

Jeremia 24:7

Mungwaha mbunge ya kunyingika ngwo, Iye Yehova; mba o kumakapwa atu jami ni yami kumungukapwa Zambi yo mumu mahilukila kuli yami ni mbunge jo jeswe.

Jeremia 26:3

Hanji makapanjika, mutu mweswe akatuke ku jila yenyi yipi, hanga ngukalikonyeke ha chuma chikalu chize ngunambe kwalinga mumu ha yitanga yo yipi.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 36:7

Hanji kulemba cho muchikaheta kumeso ja Yehova, mba mutu mweswe makatuka ku ndako jenyi jipi, mumu utenu ni ufwatulo Yehova hanavuluka kulimika ni wano atu, unene.

Ezekiel 12:3

Kashika, yena mwana mutu, lilulikile yikwata ya njize ukaye ku unjize ha mwalwa kumeso jo. Mukatuka kuma kwe ukaye unjize kuma kweka kwe kumeso jo. Hanji muchialumbunuka chipwe kapwa munyachi wa yihulia.

Ezekiel 18:23

Mwene Yehova kanambe ngwenyi, Te nakuwahilila ni kufwa cha chingulungulu? Chazangile te akahichike ndako jenyi akatwame ni mwono?

Zefania 2:3

Enu eswe akwa kulikehesa mu chifuchi akwa kulinga shimbi jenyi; fupenu Yehova, fupenu ululi, fupenu kulikehesa cha mbunge. Hanji manusweka ha tangwa lia ufwatulo wa Yehova.

Mateu 13:15

Mumu mbunge ja atu ano hijinapapala, matwi jo kakufulamana ha kwivwa, hanafuku meso jo; kuchina hanji mamona ni meso jo, hanji mevwa ni matwi jo, hanji manyingika ni mbunge jo, hanji malumuka, ngwahindwise.

Marku 4:12

hanga ha kutala, akatale, alioze kechi kamona; mba ha kwivwa akevwe, alioze kechi kanyingika; kuchina hanji malumuka, maakonekenacho.

Luka 20:13

Mwenya munda wambile ngwenyi, Kuchi mungulinga? Ngwami, Mungutuma mwanami, ngunamuzange chikolo; hanji makamulemesa.

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

Yilinga 26:20

Alioze nambujolele hatangu kuli waze mu Ndamaseku, ni mu Yerusaleme, ni ku chifuchi cheswe cha Yundeya, ni kuli akwa mavungu, ngwe chaatamba kulikonyeka, akatewulukile kuli Zambi, akalinge yitanga ya kulita ni kulikonyeka.

Yilinga 28:27

Mumu mbunge ja atu ano hijinaleme, o hajika ku matwi jo, hafuka meso jo; kuchina hanji mamona ni meso jo, hanji mevwa ni matwi jo, hanji manyingika ni mbunge jo, akalumuke ngukaahindwise.

Yilinga 3:19

Likonyekenu kashika, nyalumuke, hanga milonga yenu yikajimuke, ni chocho miaka ya kuhuzuluka yikeze ya kumeso ja Mwene;

Shimbi 30:2

ha kuhiluka kuli Yehova Zambi yenu ni kuzeya ku liji lienyi ni mbunge jenu jeswe, ni alma jenu jeswe, nikulita ni yeswe ngunanwambeyo musono, ni yenu, ni ana jenu,

Shimbi 30:8

Munukahiluka nikuzeya ku liji Ka Yehova, ni kulinga maliji jenyi eswe a shimbi ngunanwambo musono.

Shimbi 5:29

Kachi mapwa ni mbunge yino muli ayo, hanga anguvwile woma, afunge maliji jami eswe a shimbi matangwa eswe, hanga atwame kawape, ana jo nawa atwame kawape cha mutolo.

2 Petulu 3:9

Mwene keshi kuvumiwa ni chilakenyo chenyi, ngwe amwe akunyonga kupwa kuvuma; aiioze iye chihomboloji kuli yenu, se kazangile niumwe kutoka, aiioze eswe alikonyeke.

1 Samuel 7:3

Samuel yamba kuli A-Izalele eswe ngwenyi, Nyi nunahilukila Yehova ni mbunge jenu jeswe katwisenu hakachi kenu mazambi eka ni Asatarote nukatalikise mbunge jenu kuli Yehova nikumulingila iye wika. Mba kumakanupulula kuli A-Filistea.