Jeremia 34:9 - MUKANDA USANDU WA ZAMBI 1975

⁹ hanga mutu mweswe akatusule ndungo jenyi ja A-Hepreu, ni a malunga ni a mapwo, niumwe kanda apita Ka-Yunda usoko wenyi.

Mukanda Wa Zambi 1970

⁹ ndungo ja Ahebreu, malunga ni mapwo, hanga niumwe kechi kabita usoko wenyi Aisraele.

Jeremia 34:9 Iomraidhean Croise

Ubutukilo 14:13

Umwe yomboka, yeza, yambulwila Apalama mwe Ka-Hepreu. Iye te kanatwama ku mitondo ya Mamare Ka-Amore, mwanakwo wa Esekole ni wa Anere. Wano te halikunda ni Apalama.

Ubutukilo 40:15

Mumu angwiyile ku chifuchi cha A-Hepreu. Chipwe kuno chalingile nichimwe chakungu-neha muno mu wina.

Kutuhuka 2:6

Muze akapakwile yamonamo mwe mwana, kumanyi kanalili. Yamuvwila keke, ngwenyi, Au mwana wa umwe Ka-Hepreu.

Kutuhuka 3:18

O kumakapanjika ku liji lie, mba ni yena ni makulwana ja A-Izalele munukaheta kuli mwanangana wa Engitu, nukamwambulwile, ngwenu, Yehova Zambi ya A-Hepreu, heza kuli yetu, kashika utweche haliapwila tuye kama wenyi wa matangwa atatu mu puya, hanga tukalambule yitapo kuli Yehova Zambi yetu.

Jeremia 25:14

Mumu mavungu anji ni mianangana anene makaapwisa tupinji mba mungwafwetesa nikulita ni yitanga yo ni milimo ya moko jo.

Jeremia 27:7

Mavungu eswe mamulingila, ni mwanenyi, ni mujikulu wenyi ndo mwaka wa chifuchi chenyi hiwaheta, mba mavungu anji ni mianangana anene mamupwisa kapinji ko.

Jeremia 30:8

Yehova-wa-Tujita kanambe ngwenyi, Muchikapwa ha tangwa lize mungukamakuna kanga ha makota jo; mungukapatwola mihipu yo, mba yilambala kechi kaatenga nawa ngamba.

Jeremia 34:10

Ononokene, alemu eswe, ni atu eswe waze hanjila mu usendo wa kutusula mutu mweswe ndungo jenyi a malunga ni a mapwo hanga kechi kapichiwa nawa. Eswe yononoka, yaatusula.

1 Korintu 6:8

Alioze yenwene nwakulinga yipi, nwakulaka, ni kuli mandumbu jenu.

2 Korintu 11:22

O A-Hepreu, nyi? Yami nawa. O A-Izalele, nyi? Yami nawa. O munyachi wa Apalahama, nyi? Yami nawa.

Shimbi 15:12

Kachi malanjisa kuli yena umwe Ka-Hepreu ni mukwenu, chipwe lunga, chipwe pwo, mba makuvumbika miaka yisambano, henaho ha mwaka wamuchishimbiali, ukamutusule kuli yena.

Filipu 3:5

Angupwishile ngalami ha tangwa liamuchinake, wa ku munyachi wa Izalele, wa ku vungu lia Mbenjamine, Ka-Hepreu hakachi ka A-Hepreu, ha kutwala ku shimbi, Ka-Fwariseu.

1 Samuel 14:11

Chocho eswe ni aali asotokele kuli maswalale ja A-Filistea. Mba A-Filistea yamba ngwo, Talenu, A-Hepreu kanatuhuka mu mena jo kuze aswamine.

1 Samuel 4:6

Muze A-Filistea evwile zungo lia kukalumioka ambile ngwo, Zungo lia kukalumioka chino chinene mu chilombo cha A-Hepreu kuchi Unalumbunuka? Mba chaalumbunukine ngwo, Mushete wa Yehova hiweza mu chilombo.

1 Samuel 4:9

Enu A-Filistea! Takamenu, pwenu malunga kuchina munupwa ngamba kuli A-Hepreu chizechene ngwe ayo hapwa kuli yenu. Asenu jita ngwe nuli malunga.