Jeremia 34:5 - MUKANDA USANDU WA ZAMBI 1975

⁵ Kumuofwa ni sambukila. Ni chizechene ngwe ochele tumbuto twa lupembo mupema hali tulamba twe mianangana waze akutetekelele, chocho atu makwochela tumbuto twa lupembo mupema ni kukulila ngwo, Mama yami, mwata wetu! Mumu Yehova ngwenyi, Yami hinahanjika lie liji.

Mukanda Wa Zambi 1970

⁵ Muukafwa mu uhwimino. Ngwe chize atu te akwocha yitumbo ya vumba libema muze afunjile tushakulu two, waze abwile mianangana shimbu yena te kanda uchibwa ko, ni yena che maakakwochela yuma ya vumba libema. Kumaakakulila nikwamba ngwo: ‘Mama yamiee hiii, mwanangana wetu hafwa!’ Yami Mwene Zambi nachamba.”

Jeremia 34:5 Iomraidhean Croise

1 MIANANGANA 22:20

Kashika mungukutwala kuli tulamba twe. Kumuoya ku fuka lie ni sambukila. Chipwe meso je kechi kamona chipi chize munguneha homa hano. Yanehena mwanangana liji.

2 Sango Ja Mianangana 16:14

Yamufunda mu fuka lienyi lize hatotesa hali iye mwene mu chihunda cha David. Yamusa ha muhela wa tò ni tumbuto twa lupembo mupema ni yitumbo yeka ni yeka ya kululika nikulita ni yinyingi ya mukwa yitumbo. Yalinga kahia kanji ka kumulemesa.

2 Sango Ja Mianangana 34:28

Kashika mungukutwala kuli tulamba twe, kumuoya ku fuka lie ni sambukila, ni meso je kechi kamona chipi chize cheswe munguneha ha chifuchi chino ni hali atu jamo. Mba yaneha liji lino kuli mwanangana.

Jeremia 22:18

Kashika ha kutwala kuli Jehoakime mwana Josia mwanangana wa Yunda Yehova kanambe ngwenyi, Kanda amulilila mbimbi ngwo, Mama yami yaye! hanji mama yami ndumbwamie! Kanda amulilila mbimbi ngwo, Mama yami mwate! hanji mama yami mwanangana wetue!

Jeremia 34:4

Alioze ivwa liji lia Yehova, ena Zedekia mwanangana wa Yunda. Yehova kanambe ha kutwala kuli yena ngwenyi, Kuchi kafwa ni katana.

Lungungu 4:20

Mwiku wa mu mazulu jetu, yoze wa kuwayisa ni maji kuli Yehova, hamukwata mu mawumbu jo, yoze te twambile ngwetu, Mututwama hakachi ka mavungu mu Chizulie chenyi.

Ezekiel 17:16

Mwene Yehova kanambe ngwenyi, Ni mwono wami pundu, kuze kwatwama mwanangana yoze wamupwishile mwanangana, yoze halelesa shingo lienyi, ni usendo uze alingile nenyi wautangwile, mwe mu Babilonia mafwila.

Daniel 2:46

Aho mwanangana Nabukanezore yafulamana, yawayila Daniel. Yatuma akalambule mulambu kuli Daniel ni insensu.

1 Samuel 31:12

malunga eswe akwa tachi yakatuka; yenda ufuku weswe; yachiza mujimba wa Saulu ni mijimba ya anenyi a malunga ku chipanga cha Mbete-Shane. Yeza ku Njabeshe; kwenako ayochelele.