Jeremia 34:3 - MUKANDA USANDU WA ZAMBI 1975

³ Kuchi kwomboka mu kwoko lienyi, alioze pundu makukwata ni kukukunjika kuli iye. Mukamona mwanangana wa Babilonia liso ni liso, mukahanjika nenyi meso ni meso mba muoya ku Babilonia.

Mukanda Wa Zambi 1970

³ Kuuchi kuchina; tujita kumaakukwata ni kukunjika mu moko jenyi. Muumumona meso ni meso ni kuhanjika nenyi; mba muuya ku Babilonia.

Jeremia 34:3 Iomraidhean Croise

Jeremia 21:7

Yehova kanambe ngwenyi, Kulutwe mungukunjika Zedekia mwanangana wa Yunda, ni tuvumbi twenyi, ni akwa chihunda chino waze kafwile ni chilungo, hanji ni katana, hanji ni kapunga, mungwakunjika mu moko ja Nabukanezore mwanangana wa Babilonia, mu moko ja akwa kole jo, ku moko ja waze anafupu kwashiha. Kumakaalamba ni lutwilo wa katana. Kechi kaavwila vumbi, hanji kwatetela, hanji kwavwila keke.

Jeremia 27:22

Kumakayimbata ku Babilonia; muyikatwamako ndo tangwa lize munguyinyonga, mba munguyineha nawa nikuyisa kuma kwayo. Chocho kanambe Yehova.

Jeremia 32:28

Kashika Yehova kanambe ngwenyi, Ngunakunjika chihunda chino kuli A-Kaletea ni kuli Nabukanezore mwanangana wa Babilonia mba kumakachitambula.

Jeremia 32:3

Mumu Zedekia mwanangana wa Yunda hamusa mu zuwo lia ususu ngwenyi, Kuchi te wakuprofeteza ngwe, Yehova kanambe ngwenyi, Ngunakunjika chihunda chino mu moko ja mwanangana wa Babilonia mba machitambula?

Jeremia 32:4

Zedekia mwanangana wa Yunda kechi kakatuka ku kwoko lia A-Kaletea alioze pundu mamukunjika ku kwoko lia mwanangana wa Babilonia; mahanjika nenyi meso ni meso; mamumona liso ni liso.

Jeremia 34:21

Ni Zedekia mwanangana wa Yunda ni alemu jenyi mungwakunjika kuli akwa kole jo, ni kuli waze anazange kwashiha, ni kuli tujita twa mwanangana wa Babilonia waze te hanakatuka kuli yenu.

Jeremia 34:4

Alioze ivwa liji lia Yehova, ena Zedekia mwanangana wa Yunda. Yehova kanambe ha kutwala kuli yena ngwenyi, Kuchi kafwa ni katana.

Jeremia 37:17

mwanangana Zedekia yamusanyika, yamwivwa. Mwanangana yamuhulahula ku lumbu ukawo mu zuwo lienyi ngwenyi, Liji limwe liliko lia kuli Yehova? Jeremia ngwenyi, Kulili. Mba yaweza ngwenyi, Kumanukunjika ku moko ja mwanangana wa Babilonia.

Jeremia 38:18

Alioze nyi kunwazeyele kuli alemu ja mwanangana wa Babilonia chihunda chino machikunjika kuli A-Kaletea; machocha ni kahia ni yenu kunuchi kuputuka kuli ayo.

Jeremia 38:23

Mapwo jenu eswe ni ana jenu eswe a malunga makaatwala kuli A-Kaletea ni yenu mwene kunuchi kapuluka kuli ayo. Mwanangana wa Babilonia kumakanukwata ni chihunda chino makachocha ni kahia.

Ezekiel 12:13

Mungukamuzazulwila wanda wami; makakwachika mu kambwila liami; mungukamutwala ku Babilonia mu chifuchi cha A-Kaletea, alioze kechi kachimona, hindu mafwilako.

Ezekiel 17:15

Alioze wamukatukilile ha kutuma mikeji ku Engitu akamwehe tuvwalu ni tujita anji. Te machihasa? Ha kulinga yuma ngwe yino mutu mahasa kulilamwina? Mahasa kulilamwina ha kutangula usendo?

Ezekiel 17:16

Mwene Yehova kanambe ngwenyi, Ni mwono wami pundu, kuze kwatwama mwanangana yoze wamupwishile mwanangana, yoze halelesa shingo lienyi, ni usendo uze alingile nenyi wautangwile, mwe mu Babilonia mafwila.

Ezekiel 21:25

Ni yena chingulungulu wa kulijilula, yena mulemu wa A-Izalele, tangwa he hiliaheta, mwaka wa kastigu ye yasula.