Jeremia 34:10 - MUKANDA USANDU WA ZAMBI 1975

¹⁰ Ononokene, alemu eswe, ni atu eswe waze hanjila mu usendo wa kutusula mutu mweswe ndungo jenyi a malunga ni a mapwo hanga kechi kapichiwa nawa. Eswe yononoka, yaatusula.

Mukanda Wa Zambi 1970

¹⁰ Atu eswe ni miata jo yaatayiza ngwo: “Mututusula usoko wetu; kutuchi kwapwisa nawa ndungo.” Chenacho aatuswile,

Jeremia 34:10 Iomraidhean Croise

Kutuhuka 21:2

Kachi mulanda ndungo Ka-Hepreu, akavumbike miaka yisambano. Ha mwaka wamuchishimbiali akatusuke chawana.

Izaya 29:13

Mwene wambile ngwenyi, Wano atu kanakundama kuli yami ni makanwa jo ni kungulemesa ni mivumbo yo, alioze mbunge jo kusuku jili ni yami, ni woma akunguvwila wapwa shimbi yimwe ya atu lianalilongesa kupalikila;

Jeremia 26:10

Muze alemu ja Yunda evwile yino yuma yakatuka ku zuwo lia mwanangana yeza ku zuwo lia Yehova. Yatwama ha yitwamo yo ku unjililo wa Chikolo Chaha cha ku zuwo lia Yehova.

Jeremia 26:16

Mba alemu ni atu eswe yamba kuli asasendote ni aprofeta ngwo, Yono mutu katelele kufwa mumu hanahanjika kuli yetu mu jina lia Yehova Zambi yetu.

Jeremia 34:11

Alioze kulutwe yalumuka, yakwata cheka nawa ndungo ja malunga ni a mapwo waze te hanaatusula nikwazeyesa mu undungo.

Jeremia 34:19

ni alemu ja A-Yunda, ni alemu ja Yerusaleme, ni aunuku, ni asasendote, ni akwa chifuchi eswe aze apalikile hakachi ka yihanda ya mwana-ngombe,

Jeremia 36:12

yaya ku zuwo lia mwanangana, mwe mu chipatulo cha mukwa kusonyeka. Alemu eswe te kokwene kwali; Elisama mwe mukwa kusonyeka, ni Ndelaia mwana Shemaia, ni Elenatane mwana Akopore, ni Gemaria mwana Shafane, ni Zedekia mwana Hanania ni alemu eswe.

Jeremia 38:4

Mba e alemu yamba kuli mwanangana ngwo, Yono lunga chatamba kumushiha mumu kanachiza tachi kuli maswalale waze asala mu chihunda chino, ni kuli atu eswe, ha kuhanjika maliji wano kuli ayo. Yono lunga kafupile kuwahisa akwa vungu lino; kanafupu kwalambula.

Alevi 25:10

Mwaka wa makumi atano munuusela ku usandu, nukambujole utuswilo ndusu chifuchi cheswe kuli enyacho. Muukapwa mwaka wa uwahililo kuli yenu. Mweswe hakachi kenu mahiluka ku upite wenyi; mweswe mahiluka kuli atu jenyi.

Marku 6:20

Mumu Heronde wevwile woma wa Yoano, mumu kananyingika iye mukwa ululi, kanda musandu. Mba wamufungile kanawa, ni muze amuvwile, wakakashanyine chikolo, alioze wamuvwile ni kuwaha.