Jeremia 33:9 - MUKANDA USANDU WA ZAMBI 1975

⁹ Ni chihunda chino kumuchikapwa kuli yami jina lia uwahililo, ni uhaliso, ni uhenya kumeso ja mavungu eswe a hashi waze mevwa yipema yize yeswe mungwalinga. O kumakevwa woma ni kuchikima mumu ha yipema yeswe ni kuwaha cheswe mungwalingila.

Mukanda Wa Zambi 1970

⁹ Yerusaleme mulikabwa limbo lia chiseke, ni ulemu, ni liakuchichimieka nalio. Mavungu eswe a hashi kumaakevwa woma, kumaakachikima muze maakevwa yuma yibema yize hinalinga akwa Yerusaleme, ni chize hinaayukisa.”

Jeremia 33:9 Iomraidhean Croise

2 Sango Ja Mianangana 20:29

Mba woma wa Zambi wapwile hali mavungu eswe a yifuchi ha kwivwa chize Yehova hasa jita ni akwa kole ja A-Izalele.

Nehemia 6:16

Mba muze akwa kole jetu achivwile, mavungu eswe a kutujingilika evwile woma; ahombwele kumeso mumu anyingikine, milimo yino hayilinga kuli Zambi yetu.

Estere 8:17

Ni mu yifuchi yeswe ni yihunda yeswe kuze kwahetele liji lia mwanangana ni shimbi yenyi A-Yunda apwile ni chiseke, ni uwahililo, ni yiteleka, ni tangwa lia kuwaha. Anji a kuli mavungu a chifuchi alumukine A-Yunda mumu apwile ni woma wa A-Yunda.

Miaso (Masamu) 130:4

Alioze ukonekeno ukwete, hanga akuvwile woma.

Miaso (Masamu) 40:3

Wasele mwaso waha mu kanwa liami, ewa, uhaliso kuli Zambi yetu. Anji machimona mba mevwa woma, mafuliela Yehova.

Izaya 43:21

atu aze nawumbile hali yami mwene hanga akambulule uhaliso wami.

Izaya 55:13

Mitondo ya kupresu muyikasoka kusalakana mingonga, ni miluta muyikasoka kusalakana mikalale. Mba chino muchipwa kuli Yehova ngwe Chiwulwiso; chilayi cha mutolo kuchichi kapatuka.

Izaya 60:5

Munukamona, munukapanguluka. Mbunge jenu mujikawaha ni kulikwiza, mumu matalikisa kulumbama cheswe cha kalunga-lwiji kuli yenu, upite wa mavungu muukeza kuli yenu.

Izaya 62:1

Ha mukunda wa Zaione chichi kahola, ha mukunda wa Yerusaleme chichi kahwima, ndo ululi wenyi hiwasoloka ngwe pangu, ni ulamwino wenyi hiwasoloka ngwe soka lia kahia.

Izaya 62:12

Kumakaatongola ngwo, E atu asandu; likwo nawa ngwo, Kule ja Yehova. Makanutongola ngwo, A kufupa, lie limbo kalimbilile.

Izaya 62:4

Kechi kanutongola nawa ngwo, A kwehuka; chifuchi chenu kechi kachitongola nawa ngwo, Cha woya. Alioze makanutongola ngwo, Uwahililo wami watwamamo; ni chifuchi chenu makachitongola ngwo, Cha ulo, mumu Yehova kanawahilila muli yenu, ni chifuchi chenu muchipwa cha ulo.

Izaya 62:7

kanda numwecha ndo hanakolesa Yerusaleme, ndo hanayipwisa uhaliso hano hashi.

Izaya 64:2

ngwe kahia kakukwata ku yitete, ngwe kahia kakufulwisa meya— hanga ukafumanyise jina lie kuli akwa kulimika ni yena, mavungu akachikime ha kuheta che.

Jeremia 13:11

Mumu chizechene ngwe hina Makukwata ku mujimba wa mutu, chocho nawa yami hinakwachisa kuli yami munyachi weswe wa Izalele ni munyachi weswe wa Yunda; chocho kanambe Yehova, hanga akapwe kuli yami atu jami, ni jina, ni uhaliso, ni uhenya, alioze kapanjikile.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Jeremia 24:6

Mungusa meso jami hali ayo ngukaalinge yipema. Mungwahilwisa nawa ku chifuchi chino, mungwatungisa, chichi kwapuzula nawa; mungwatumba chichi kwatukula.

Jeremia 26:6

nyi chocho, mungupwisa zuwo lino ngwe Shilo, mungupwisa chihunda chino shingo lia mavungu eswe a hashi.

Jeremia 29:1

Wano e maliji a mukanda profeta Jeremia ku Yerusaleme yautuma kuli makulwana ja njize ni kuli asasendote, ni kuli aprofeta, ni kuli atu eswe, waze Nabukanezore te hachiza ku Yerusaleme nikwatwala ku Babilonia.

Jeremia 3:17

Ha miaka yize matongola Yerusaleme ngwo, Ngunja ya Yehova, ni mavungu eswe maswilako kumeso ja Yehova mu Yerusaleme mba kechi kasa nawa pami kukaula mbunge ja ayo ene jipi.

Jeremia 3:19

Nangyonga chize mungukusa hakachi ka ana jami a malunga nikukwaha chifuchi chipema, chihinga chahiana kuwaha hakachi ka mavungu eswe. Nanyonga ngwami, Mangutongola ngwenyi, Tata. Mangukaula, kechi kapianguka.

Jeremia 31:14

Mungukayukisa mbunge ja asasendote ni kulumbama ni atu jami kumakayuka ni upeme wami. Chocho kanambe Yehova.

Jeremia 31:4

Mungukutunga cheka nawa ena *virgem Izalele! Kumukatungiwa. Cheka nawa mukalipemesa ni tumikupiela ukaye ukahangane ni akwa kusehejela.

Jeremia 32:42

Mumu Yehova kanambe ngwenyi, Chizechene ngwe hinakoka hali wano atu yikalu yino yeswe yinene, chochene nawa mungukakoka hali ayo yipema yeswe hinalakenya.

Jeremia 33:14

Yehova kanambe ngwenyi, Matangwa kaneza muze mungumanuna chilakenyo chize nalakenyene ni munyachi wa Izalele, ni munyachi wa Yunda.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Jeremia 44:8

Kuchi te nwakungwihia ni yitanga ya moko jenu ni kwochela insensu mazambi eka muno mu chifuchi cha Engitu hinweza kutwama? Ngukanutete, nukalumuke shingo ni luchoko hakachi ka mavungu eswe a hashi?

Jeremia 49:25

Chihunda cha lufuma hachehuka Chichize, che chihunda cha uwahililo!

Ezekiel 26:20

henaho mungukakunyasa hamwe ni waze akuya mu jondo, kuli atu a shakulu; mungukakutwamisa muma mushi lia muno-muze mu yihela yize ya kwenyeka ya shakulu hamwe ni waze akuya ku jondo. Chocho kuchi kapwa ni atu, chipwe chihela mu chifuchi cha akwa mwono.

Ezekiel 36:35

Mba kumakamba ngwo, Chifuchi chino chapwile cha kwenyeka haliapwila hichalumuka ngwe munda wa Endene, ni yihunda yize ya kwenyeka, ya hululu, ya kupuzula, haliapwila yapwa ni atu, yapwa ya kukolesa.

Ezekiel 39:13

Akwa chifuchi eswe makafunda A-Ngoke, mba muchikapwa cha kwalemesa ha tangwa lize mungukasolola uhenya wami. Chocho kanambe Mwene Yehova.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Zakaria 1:17

Kololoka cheka nawa ngwe, Yehova-wa-Tujita kanambe ngwenyi, Mu yihunda yami kuwaha muchikalumbamamo, ni Yehova cheka nawa makalembejeka Zaione, cheka nawa makatongola Yerusaleme.

Zakaria 12:2

Nyingikenu ngunambe kupwisa Yerusaleme musenge wa kuzengesa mavungu eswe a kujingilika. Muukalimika ni Yunda nawa ha kuseleka Yerusaleme ni jita.

Shimbi 30:5

Yehova Zambi yenu makanuhetesa mu chifuchi chapwile cha akakenu, nukachizuke, makanulinga yipema, makanwokesa, munukapwa anji, akakenu akehe.