Jeremia 33:8 - MUKANDA USANDU WA ZAMBI 1975

⁸ Mungukaapemesa ku uhie wa kunguvulumuna; mungukakonekena uhie wa kunguvulumuna ni kungukatukila.

Mukanda Wa Zambi 1970

⁸ Mungukaachiza milonga yize anguvulumwine, mba mungukaakonekena milonga yo ni uhulia wo.

Jeremia 33:8 Iomraidhean Croise

Miaso (Masamu) 130:4

Alioze ukonekeno ukwete, hanga akuvwile woma.

Miaso (Masamu) 130:8

Iye kumakakula Izalele ku uhenge wenyi weswe.

Miaso (Masamu) 51:2

Ngusanyise kama liakulu ku uhenge wami; ngupemese ku shili yami.

Miaso (Masamu) 65:3

Yuma ya uhenge yangukumba. Ha kutwala ku milonga yetu, yena mukayitomesa.

Izaya 4:2

Ha tangwa lize mutango wa Yehova muukapwa upema wa uhenya, ni mihuko ya chifuchi muyipwa uhenya wa kulisamba nawo wa waze anasala mu Izalele.

Izaya 44:22

Hinajimuna utanguko we ngwe lelwa. Hinajimuna milonga ye ngwe mbundu. Hiluka kuli yami mumu nakukulile.

Izaya 56:7

wano mungwaneha ku mulundu wami lisandu, ni kwaaha uwahililo mu zuwo liami lia kulembela. Milambu yo ya kulumba ni yitapo yo mungutambula ha chilumbilo chami; mumu zuwo liami malitongola ngwo, Zuwo lia kulembela lia mavungu eswe.

Jeremia 31:34

Mutu kechi kalongesa mwenyembo wenyi, hanji usoko wenyi, ngwenyi, Nyingika Yehova mumu eswe mangunyingika chize kuli mukepe Wahiana ndo kuli munene Wahiana. Mumu mungukonekena uhenge wo; chichi kwiwuluka nawa shili yo. Chocho kanambe Yehova.

Jeremia 50:20

Yehova kanambe ngwenyi, Ha matangwa aze ni ha mwaka uze makafupa uhenge mu Izalele alioze kechi kawana niumwe; makafupa shili mu Yunda, alioze kechi kawana niyimwe; mumu mungukonekena waze ngunahichika ngwe masalila.

Lungungu 4:22

Ena mwana-pwo Zaione kastigu ya uhenge we hiyahwa; kechi kukutwamisa nawa mu unjize. Alioze yena mwana-pwo Endome kumakakwaha kastigu, kumakafukula milonga ye.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Ezekiel 36:33

Mwene Yehova kanambe ngwenyi, Ha tangwa lize mungukanupemesa ku uhenge wenu weswe, mungukapwisa yihunda yenu ni atu anji, mba yihela ya hululu makayitungulula.

Joele 3:21

Kumungukakala manyinga jo aze te chaakalile; mumu Yehova katwama mu Zaione.

Alevi 16:30

Mumu ha tangwa lino makanufukila shili akanupemese, nukapeme kumeso ja Yehova ku milonga yenu yeswe.

Zakaria 13:1

Ha tangwa lize makajikula fuji lia meya ha munyachi wa David ni hali akwa Yerusaleme lia kwapemesa ku shili ni luchisa.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;