Jeremia 33:7 - MUKANDA USANDU WA ZAMBI 1975

⁷ Mungukahilwisa kuwaha cha Yunda ni kuwaha cha Izalele, nikwatunga nawa chize apwile hatangu.

Mukanda Wa Zambi 1970

⁷ Mungukayukisa Ayuda ni Aisraele, mungukaatakamisa ngwe chize abwile hatangu.

Jeremia 33:7 Iomraidhean Croise

Miaso (Masamu) 126:1

Muze Yehova ahilwishile funge a ku Zaione twapwile ngwe waze analoto.

Miaso (Masamu) 126:4

Yehova, hilwisa nawa ufunge wetu, ngwe yitwetwe ya ku Sule.

Miaso (Masamu) 14:7

Nyi kachi ulamwino wa Izalele muutuhuka mu Zaione te! Muze Zambi mahilwisa ufunge wa atu jenyi, mba A-Yakomba mawahilila; mba A-Izalele mevwa chiseke. Samu lia David.

Miaso (Masamu) 85:1

Yehova hiunavwila vumbi chifuchi che. Hiunahilwisa funge ja kuli Yakomba.

Izaya 1:26

Mungutwamisa ngaji jenu nawa ngwe apwile hatangu, ni tuliamanga jenu ngwe ha uputukilo. Mba kulutwe manutongola ngwo, Chihunda cha ululi, chihunda chamwenemwene.

Izaya 52:8

Panjika! Tulayi twe kanalikwiza, kanembi hamuwika mumu ha uwahililo. Mumu kanamono meso ni meso kwiza cha Yehova ku Zaione.

Jeremia 23:3

Henaho mungukonga masalila ja mapanga jami ku yifuchi yeswe kuze hinaahumina. Mungwaneha nawa ku limba lio mba masema ni kuliokesa.

Jeremia 24:6

Mungusa meso jami hali ayo ngukaalinge yipema. Mungwahilwisa nawa ku chifuchi chino, mungwatungisa, chichi kwapuzula nawa; mungwatumba chichi kwatukula.

Jeremia 29:14

Yehova kanambe ngwenyi, Mununguwana mba munguhilwisa kuwaha chenu ni kunukonga ni kunuchiza ku mavungu eswe ni yifuchi yeswe kuze hinanuhumina mba mungunuhilwisa nawa ku chifuchi kuze nanuchijile hatangu ngukanutume ku unjize. Chocho kanambe Yehova.

Jeremia 30:18

Yehova kanambe ngwenyi, Munguhilwisa kuwaha cha mbalaka ja Yakomba; munguvwila keke mazuwo jenyi. Makatunga cheka nawa che chihunda ha mulumba wacho, ni zuwo lia mwanangana mulikamana kuze liapwile kushi.

Jeremia 30:20

Ana jo makapwa chizechene apwile kushi, ni chikungulwila cho muchikakola kumeso jami. Mungukahana kastigu kuli waze eswe maapinjisa.

Jeremia 30:3

Mumu Yehova kanambe ngwenyi, Matangwa kaneza muze munguhilwisa kuwaha cha atu jami A-Izalele ni A-Yunda. Mungukaaneha nawa ku chifuchi chize nahanyine kuli tulamba two, mba makachizuka. Chocho kanambe Yehova.

Jeremia 31:28

Mba chizechene ngwe hinaatala kutukula, ni kupuzula, ni kununguna, ni kwonwona, ni kukoka yuma yikalu, chocho mungwatala kutunga ni kutumba. Chocho kanambe Yehova.

Jeremia 31:38

Yehova kanambe ngwenyi, Matangwa kaneza muze matungila Yehova chihunda chino chize ku kaposhi ka Hananele ndo ku chikolo cha mbango.

Jeremia 31:4

Mungukutunga cheka nawa ena *virgem Izalele! Kumukatungiwa. Cheka nawa mukalipemesa ni tumikupiela ukaye ukahangane ni akwa kusehejela.

Jeremia 32:44

Kumakalanda minda ni mbongo, ni mikanda ya kulanda mayisa majina jo, nikujika yijikilo kumeso ja yela mwe mu chifuchi cha Mbenjamine ni kwa kujingilika Yerusaleme, ni mu yihunda ya Yunda, ni yihunda ya ku chifuchi cha milundu, mu yihunda ya Shefela, ni mu yihunda ya ku Negeve. Mumu munguhilwisa kuwaha cho. Chocho kanambe Yehova.

Jeremia 33:11

kumakevwa nawa liji lia kusehejela, ni liji lia chiseke, ni liji lia sandungi, ni liji lia ndungi, ni liji lia njimba shimbu manehaneha milambu ya kusakwila ku zuwo lia Yehova ngwo, Sakwililenu kuli Yehova-wa-Tujita mumu Yehova iye mupema, mumu utu wa zango lienyi wa mutolo. Mumu kumungukahilwisa kuwaha cha chifuchi chize chapwile hatangu. Chocho kanambe Yehova.

Jeremia 33:26

mba mungulituna waze masemuka kuli Yakomba ni kavumbi kami David; chichi katongola umwe wa waze masemuka kuli iye kuyula vungu lia Apalahama, ni Izake, ni Yakomba. Mumu mungukahilwisa kuwaha cho; mungukaavwila keke.

Jeremia 42:10

Nyi munutwama mu chifuchi chino mba mungunutungisa, chichi kunupuzula; mungunutumba, chichi kunutukula, mumu ngunalikonyeka ha chuma chize chikalu nanulingile.

Jeremia 50:4

Yehova kanambe ngwenyi, Ha matangwa aze ni ha mwaka uze A-Izalele ni A-Yunda meza hamuwika, nikulila shimbu machenda. Kumakafupa Yehova Zambi yo.

Lungungu 4:22

Ena mwana-pwo Zaione kastigu ya uhenge we hiyahwa; kechi kukutwamisa nawa mu unjize. Alioze yena mwana-pwo Endome kumakakwaha kastigu, kumakafukula milonga ye.

Ezekiel 39:25

Kashika Mwene Yehova kanambe ngwenyi, Haliapwila mungukahilwisa kuwaha cha Yakomba, mungukavwila keke munyachi weswe wa Izalele. Mungukevwa ukwa ha jina liami lisandu.

Hosea 2:15

Kwenako mungukamwaha minda ya uva, ni kupwisa chikulo cha Akore chikolo cha kutalatala. Kwenako makatá ngwe ha matangwa ja wana-mapwo wenyi, ngwe ha miaka muze machikatuka ku Engitu.

Zefania 3:20

Ha mwaka uze mungukanunjisa; mungukanukungulula; mumu mungukanupwisa jina lia lufuma ni uhaliso hakachi ka mavungu eswe a hashi muze mungukuhilwisa kuwaha chenu ku meso jenu. Chocho kanambe Yehova.

Zakaria 1:17

Kololoka cheka nawa ngwe, Yehova-wa-Tujita kanambe ngwenyi, Mu yihunda yami kuwaha muchikalumbamamo, ni Yehova cheka nawa makalembejeka Zaione, cheka nawa makatongola Yerusaleme.