Jeremia 33:6 - MUKANDA USANDU WA ZAMBI 1975

⁶ Kumungukanehako kuhinduka ni kuwuka; mungwawuka nikwasolwela kulumbama cha kuwaha ni kujikiza.

Mukanda Wa Zambi 1970

⁶ Alioze mungukawuka akwa limbo eswe, kumaakahinduka. Mungukanjisa jita ni kwaaha uhwimino.

Jeremia 33:6 Iomraidhean Croise

Miaso (Masamu) 147:3

Kakuwuka waze anafu mbunge. Kakujichika yilonda yo.

Miaso (Masamu) 37:11

Alioze yimbovu kumahinga chifuchi. Kumawahilila mu kulumbama cha sambukila.

Miaso (Masamu) 67:2

Hanga akanyingike jita ye hano hashi, ni ulamwino we hakachi ka mavungu eswe.

Miaso (Masamu) 72:7

Ha matangwa jenyi akwa ululi kumakawaha kulumbama cha sambukila ndo kakweji wakuhi nawa.

Kutuhuka 34:6

Yehova wapalikile kumeso jenyi nikwambulula ngwenyi, Yehova, mwe Yehova, Zambi mukwa keke, mukwa vumbi, makoke kutenuka, wakulumbama ni utu wa zango ni umwenemwene.

Longeshi 3:3

tangwa lia kushiha, ni tangwa lia kuwuka; tangwa lia kupuzula, ni tangwa lia kutunga;

Izaya 2:4

Iye makapatwila mavungu, makasela yiyulo hali minyachi yinji. O makalumuna tutana two akapwe yikungo ya sharua, makalumuna makunga jo akapwe poko ja kululika mitondo ya mihuko. Akwa vungu limwe kechi kasa jita ya katana ni akwa vungu likwo; kechi kalilongesa nawa kwasa jita.

Izaya 30:26

Chikwo nawa pangu lia kakweji mulikapwa ngwe pangu lia tangwa, ni pangu lia tangwa mulikaliwezela tachi yisuho shimbiali, ngwe pangu lia matangwa shimbiali ha tangwa lize Yehova majichika chilonda cha atu jenyi ni kuwuka mbandu jize iye waatwile ni kwoko lienyi.

Izaya 39:8

Hezekia yamba kuli Izaia ngwenyi, Liji lia Yehova hiwamba Unapeme. Yaweza nawa ngwenyi, Mukupwa sambukila ni umwenemwene ha matangwa jami.

Izaya 54:13

Ana je eswe a malunga maalongesa kuli Yehova, ni ana je eswe mapwa ni uhwimino wunji.

Izaya 55:7

Chingulungulu akambile ndako jenyi, mukwa uhenge akambile manyonga jenyi. Eze kuli Yehova hanga amuvwile keke; eze kuli Zambi yetu mba mamwaha ukonekeno wa kulumbama.

Izaya 57:18

Hinamona ndako jenyi, alioze mungumuwuka. Mungumusongwela ni kumwononona ni kulembejeka, kuli iye ni kuli waze akumulilila.

Izaya 57:19

Yehova kanambe ngwenyi, Uhwimino, uhwimino kuli waze ali kusuku ni waze ali hakamwihi. Mungumuwuka.

Izaya 58:8

Nyi chocho pangu lienu mulikapanguluka ngwe kucha cha tangwa; kuhinduka chenu muchikasoloka washi. Ululi wenu muukanutetekela ni uhenya wa Yehova muukanufunga kunyima.

Izaya 66:12

Mumu Yehova kanambe ngwenyi, Munguhetesa kuli iye kuwaha cha yitanga yenyi ngwe lwiji. Upite wa mavungu munguuhetesa kuli iye ngwe muhwiji wa kusupwokela. Munukamwa, makanumbata mu kapwete kenyi, makanususuminya ha makungunwa jenyi.

Jeremia 17:14

Yehova, unguwuke mba munguhinduka, ungulamwine mba munguwaha; mumu yena uli uhaliso wami.

Jeremia 29:11

Yehova kanambe ngwenyi, Ngunanyingika manyonga aze nguli no hali yenu; manyonga a kunuwahisa hi kunupinjisa ko. Manyonga a kunwaha kutalatala ku yuma ya kulutwe.

Jeremia 3:22

Enu ana a mafwefwe hilukenu, mba munguwuka mafwefwe jenu. Tuneza kuli yena mumu uli Yehova Zambi yetu.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Hosea 7:1

Muze munguhilwisa kuwaha cha atu jami, muze munguwuka Izalele, uhenge wa Eframe unasoloka ni yitanga ya ungulungulu ya Samaria; mumu kakulinga ni mahuza; eji kakulokola mazuwo, ni yingumba kakupupa mu majila.

Mika 4:3

Iye kumakapatwila mavungu anji ni kukanjisa mavungu a tachi kusuku; mba kumakalumuna tutana two mu yikungo ya sharua, ni makunga jo makalumuna mu poko ja kululika mitondo. Vungu kulichi kakwata katana kulimika ni vungu likwo. Kechi kalilongesa jita nawa nilimwe tangwa,

Mika 7:20

Kumukapwa mukwa jika kuli Yakomba; kumukasolola utu wa zango kuli Apalahama ngwe walakenyene kuli tulamba twetu chize ku matangwa a shakulu.

Malaki 4:2

Alioze kuli yenu nwakuvwila woma jina liami lie tangwa lia ululi mulikavumbuka ni mapulwa jenyi mapwa akwa kuwuka. Munukatusuka, nikutumbwoka ngwe yimbembe ja ngombe ku zuwo lio.

Yoano 10:10

Mwiji keshi kwiza shina ha kwiya, akashihe, akonwone: yami nejile hanga akapwe ni mwono, hanga akapwe nawo wa kulumbama.

Efesu 6:23

Sambukila yikapwe kuli mandumbu, ni zango hamwe ni Ufulielo, ya kuli Zambi Tata, ni ya kuli Mwene Yesu Kristu.

Shimbi 32:39

Haliapwila talenu. Ngwami, Yami, yami mwene nguliko. Kukushi niumwe zambi hamwe ni yami. Nakushiha mba nakuhana mwono, nakulemeka mba nakuwuka. Kukushi niumwe mahasa kupulula mutu ku kwoko liami.

1 Petulu 1:3

Zambi kanda Tato ya Mwene wetu Yesu Kristu afumane, yoze nikulita ni keke yenyi yinji hanatuseme chaha, tukapwe ni kutalatala cha mwono, ku Uhindukilo wa Yesu Kristu hakachi ka afu,