Jeremia 33:5 - MUKANDA USANDU WA ZAMBI 1975

⁵ A-Kaletea kananjila mukwasa jita ni kwazalisa ni mijimba ya afu aze mungulamba mu utenu wami ni ufwatulo wami, mumu hinaswekela meso jami chihunda chino mumu ha ungulungulu wo.

Jeremia 33:5 Iomraidhean Croise

Izaya 64:7

Kukushi yoze unatambika ha jina lie; yoze malisunga kukukwata. Mumu yena hiwasweka meso je kuli yetu, hiwatukunjika ku tachi ja uhenge wetu.

Izaya 8:17

Mungutwaminyina Yehova, yoze unaswekela meso jenyi munyachi wa Yakomba. Muli iye mungutalatala.

Jeremia 18:17

Mungwamwanga ngwe fuji ya ku Chivumbuko kumeso ja akwa kole. Nyima yami mungwatalikisa ha tangwa lio ha kuji-ni-tomo, hi meso jami ko.

Jeremia 21:10

Mumu Yehova kanambe ngwenyi, Hinasa meso jami kulimika ni chihunda chino ha chipi, hi ha chipema ko. Kumunguchihana mu moko ja mwanangana wa Babilonia mba iye kumachocha ni kahia.

Jeremia 32:5

Aye matwala Zedekia ku Babilonia mba kwenako matwama ndo mungumunangisa. Chipwe munulitachika ni A-Kaletea kunuchi kakumba. Chocho kanambe Yehova.

Jeremia 42:18

Mumu Yehova-wa-Tujita, Zambi ya Izalele kanambe ngwenyi, Chizechene ngwe nazukwile utenu wami ni ufwatulo wami hali waze atwamine mu Yerusaleme, chocho nawa munguzukula ufwatulo wami hali yenu muze munuya ku Engitu. Munwalumuka sau, ni chuma cha mwongo, ni shingo, ni luchoko. Kunuchi kamona nawa chifuchi chino.

Lungungu 2:7

Mwene hanalelesa chilumbilo chenyi, hanalikate muma mwenyi musandu. Hanakunjika kuli akwa kole yipanga-ya-mawe ya palasiu jenyi. Chizungozungo chapwile mu zuwo lia Yehova ngwe ha tangwa lia chiwanyino cha kufunjika.

Ezekiel 39:29

Chichi kaaswekela nawa meso jami muze mungukazukula Spiritu yami hali akwa munyachi wa Izalele. Chocho kanambe Mwene Yehova.

Mika 3:4

Mba kumakateta kuli Yehova alioze aye kechi kaakumbulula. Kumakaaswekela meso jenyi ha mwaka uze mumu yitanga yize halinga yipi.

Shimbi 31:17

Mba utenu wami muukaakasumukina ha tangwa lize, mungukaehuka, mungukaaswekela meso jami, makaamanuna. Yipi yinji ni lamba linji mulikaawana, chocho o mahamba ha tangwa lize ngwo, Kuma, yipi yino yeswe yinatuwana mumu te Zambi yetu keshi hakachi ketu nyi?

Shimbi 31:18

Chamwenemwene kumungukasweka meso jami tangwa lize mumu ha yipi yeswe o halinga, mumu atewulukilile ku tuzambi tweka.

Shimbi 32:20

Yamba ngwenyi, Mungwaswekela meso jami nguchitale chize muchipwa songo lio. Mumu o kapwa chisemuko chapiya ana keshi mbunge.