Jeremia 33:3 - MUKANDA USANDU WA ZAMBI 1975

³ Ngusanyikenu mba mungukumbulula. Mungunulweza yuma yinene ya kuhengeka yize te kunwayinyingikine.

Mukanda Wa Zambi 1970

³ “Ngutambikenu mba mungunukumbulula ni kunulweza yuma ya kukomwesa ni ya kusweka, yize kuwayinyingikine.

Jeremia 33:3 Iomraidhean Croise

Miaso (Masamu) 145:18

Yehova hakamwihi ali ni waze eswe aku-tambika kuli iye; waze eswe akutambika kuli iye mu umwenemwene.

Miaso (Masamu) 25:14

Usepa wa Yehova uli kuli waze akumuvwila woma; maalweza usendo wenyi.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 91:15

Kumakangusanyika mba mungumukumbulula. Mungupwa hamwe nenyi mu lamba; mungumupulula; mungumukolesa.

Izaya 45:3

Mungukwaha upite wa milima ni yuma ya kulumbika ku tenga ukanyingike yami Yehova, Zambi ya Izalele, ngunakusanyika ni jina lie.

Izaya 48:6

Hinwevwa, haliapwila talenu yino yeswe. Kunuchi kuchambulula nyi? Chize ku tangwa lino mungukanuvwisa yuma yaha, yuma ya kuhengeka yize kanda nuyinyingika.

Izaya 65:24

Mungukumbulula shimbu kanda achitambika; shimbu machihanjika mungwivwa.

Jeremia 23:35

Kashika munwamba mutu mweswe kuli mwenyembo wenyi, ni mutu mweswe kuli usoko wenyi ngwenu, Yehova kuchi akumbulula? Hanji Yehova kuchi ahanjika?

Jeremia 29:12

Mba munutambika kuli yami, nikwiza ni kulemba kuli yami mba mungunwivwa.

Jeremia 32:17

Mwene Yehova! Yena watangile malilu ni hashi ni ndundo je jinene ni kwoko lie lia kuzoza. Nichimwe chuma muchikukalila naye.

Jeremia 32:27

Yami nguli Yehova Zambi ya atu eswe a musunya. Chimwe chuma muchingukalila naye?

Daniel 2:18

nikwashinjila akalembele keke kuli mwe Zambi ya mwilu ha kutwala ku chijimbikilo chino, kuchina Daniel ni masepa jenyi akakuwe ni akwa mana akwo a mu Babilonia.

Daniel 2:22

Kakufukula yuma yikalu ni yijimbikilo; kananyingika chize chili mu milima, pangu liatwama kuli iye.

Daniel 2:23

Kuli yena, Zambi ya tulamba twami, ngunasakwila, ngunahalisa, mumu wangwaha mana ni tachi. Hiwangunyingikisa chuma chize twechile kuli yena, mumu hiwatunyingikisa chikuma cha mwanangana.

Joele 2:32

Mba mweswe masanyika ha jina lia Yehova kumakamupulula. Mumu mu mulundu wa Zaione ni mu Yerusaleme kumukukapwa waze maapulula, chizechene ngwe Yehova ha nambe. Hakachi ka kuputuka kumuhakapwa waze a kusanyika kuli Yehova.

Amose 3:7

Pundu Mwene Yehova keshi kulinga chuma shina malweza chijimbikilo chenyi kuli tuvumbi twenyi aprofeta.

Mika 7:15

Mungukaalweza yuma ya kukomwesa, ngwe ha matangwa aze atuhukile mu Engitu.

Mateu 13:35

hanga chikamanunuke chize ahanjikile ku kanwa lia profeta ngwo, Kumungukapakula kanwa liami ni yishima: Mungukanduka yuma ya kuhengama chize ku kusela cha fundamentu ya hashi.

Yilinga 2:21

Mba kumuchikapwa, mweswawo matambika ha jina lia Mwene kumakamulamwina.

1 Korintu 1:2

Ku chikungulwila cha Zambi chize chili mu Korindu, kuli waze hanaasela ku usandu muli Kristu Yesu, aatambikile asandu, hamwe ni waze eswe kweswe akutambika ha jina lia Mwene wetu Yesu Kristu, niwo kanda niwetu:

Efesu 3:20

Haliapwila kuli yoze wakuhasa kulinga kuhiana chikolo chize cheswe mutwita, hanji mutunyonga, nikulita ni tachi jize jakulinga muli yetu,

Shimbi 4:29

Alioze nyi munukafupako Yehova Zambi yenu munukamuwana, nyi munukamufupa ni mbunge jenu jeswe ni alma jenu jeswe.

Shimbi 4:7

Mumu vungu lika linene liliko Ukwete Zambi hakamwihi no Chichize ngwe Yehova Zambi yetu ali hakamwihi ni yetu heswaho mutumutambikila?

Usolwelo 2:17

Yoze uli ni matwi, evwe chize anambe Spiritu ku yikungulwila. Yoze makumba, mungukamwaha yimwe ya ku maná ya kuhengama: mungukamwaha lukumbo mutoma, ni ha lukumbo jina liaha linasonewa, lize niumwe manyingika shina yoze malitambula.