Jeremia 33:2 - MUKANDA USANDU WA ZAMBI 1975

² Chino kanambe Yehova Tangi ya hashi, Yehova mukwa kuwumba hashi akakoleseho—jina lienyi Yehova, ngwenyi,

Jeremia 33:2 Iomraidhean Croise

Miaso (Masamu) 102:16

Mumu Yehova hanatungu Zaione. Hanasoloka mu ulemu wenyi.

Miaso (Masamu) 87:5

Ewa, ha kutwala kuli Zaione machamba ngwo, Sanganji ni Sanganji wasemukineko. Mwe Chitunda mwene makolesako.

Kutuhuka 15:3

Yehova iye Kajita. Jina lienyi, iye Yehova.

Kutuhuka 6:3

Nalisolwele kuli Apalahama ni kuli Izake ni kuli Yakomba ngwami, Yami Zambi Mukwa-Ndundo-Jeswe. Alioze ku jina liami lia Yehova, o kamunyingikine.

Izaya 14:32

Mutu kuchi makumbulula mikeji ja vungu lino? Ngwetu, Yehova hanakolesa Zaione, mba muli iye akwa lamba ja atu jenyi makawana uswamino.

Izaya 37:26

Te kwevwile ngwe nachesekele kulu, ngwe nachipalile ku shakulu? Mba haliapwila hinachilinga hanga ukapwe yena mukwa kupupa yihunda ya yipanga-ya-mawe yikapwe milumba ya yiswaswa.

Izaya 42:8

Yami Yehova, lie jina liami alio; uhenya wami chichi kuhana kuli niumwe mukwo. Chichi kuhana uhaliso wami ku tuponya twa kwola.

Izaya 43:1

Alioze haliapwila Yehova yoze waatangile yena Yakomba, yoze wakuwumbile yena Izalele, kanambe ngwenyi, Kanda wivwa woma mumu hinakukula; hinakutongola ha jina lie, uli niwami.

Izaya 43:21

atu aze nawumbile hali yami mwene hanga akambulule uhaliso wami.

Izaya 62:7

kanda numwecha ndo hanakolesa Yerusaleme, ndo hanayipwisa uhaliso hano hashi.

Jeremia 10:16

Yoze wapwa chihinga cha Yakomba kapwile ngwe ayo, mumu iye mwe mukwa kuwumba yuma yeswe. Mba Izalele lie vungu lia chihinga chenyi; jina lienyi Yehova-wa-Tujita.

Jeremia 16:21

Kashika mungwanyingikisa, chisuho chino chimuwika mungwanyingikisa ngolo jami, ni ndundo jami, mba kumanyingika jina liami ngwo, Yehova.

Jeremia 32:18

Kuwakulweza utu wa zango lie kuli tununu, alioze kuwakufwetesa uhie wa atato kuli ana jo waze anaakaula. Yena Zambi munene wa ndundo, uli ni jina lia Yehova-wa-Tujita.

Jeremia 51:19

Yoze wapwa chihinga cha Yakomba kapwile ngwe wano, mumu iye wawumbile yuma yeswe, Izalele lie vungu lia chihinga chenyi, jina lienyi Yehova-wa-Tujita.

Amose 5:8

Yoze watangile Kungulwila ni Muta-ni-kawa, yoze wakwalumuna ufuku pwi mu kucha, yoze wakwalumuna mwalwa mu ufuku, yoze wakusanyika meya a kalunga-lwiji nikwazukwila ha kuzazuluka cha hashi, jina lienyi Yehova,

Amose 9:6

yoze wakutunga yipatulo yenyi ya kwilu mu malilu nikusa kuzazuluka chenyi helu lia hashi, yoze wakusanyika meya a kalunga-lwiji nikwazukwila ha mavu—jina lienyi Yehova.

Hebreu 11:10

mumu wataliletalile limbo lize likwete fundamentu, lize chilangaji, tungi yalio Zambi.

Hebreu 11:16

aiioze haliapwila kakuzanga chifuchi chimwe chahiana, te chize cha mwilu: kashika Zambi keshi kwavwila sonyi, akamuvuluke ngwo, Zambi yetu; mumu hanaalulikila limbo.

Usolwelo 21:10

Iye wangumbachile mu Spiritu ku mulundu unene, usuku, wangulwezele limbo lisandu, Yerusaleme, linahulumuka mwilu lia kuli Zambi.

Usolwelo 21:2

Namwene limbo lisandu, Yerusaleme yaha, yinahulumuka mwilu ya kuli Zambi, kuyinalulika hali mukwo-lunga ngwe ndungi wa kuhenyesa.