Jeremia 33:12 - MUKANDA USANDU WA ZAMBI 1975

¹² Yehova-wa-Tujita kanambe ngwenyi, Muno mwene munapu mwa hululu, kumushi atu chipwe yimuna, ni mu yihunda yamo yeswe, kumukukapwa mazuwo ja tufunga kanahwimisa yimuna jo.

Mukanda Wa Zambi 1970

¹² Mwene Zambi Mukwa Ndundo Jeswe yamba ngwenyi: “Chifuchi chino chili ngwe puya, kumushi atu chibwe tushitu; alioze kumumukabwa ulishilo muze tufunga maakatwala mapanga jo.

Jeremia 33:12 Iomraidhean Croise

Mwaso Ubema Wahiana 1:7

Ena ngunakuzange ni mbunge yami yeswe ungwambulwile kuze wakulishila mapanga je, kuze wakwapombesa tangwa ha muchima. Kuchi te mungupwa ngwe umwe wa kufuka ku meso hamuwika ni mapanga ja akwenu?

Izaya 65:10

Sharone muyikapwa ulilo wa mapanga, chikulo cha Akore muchikapwa kuma kwa kuutamina ngombe, ni hali atu jami waze hangufupa.

Jeremia 17:26

Ni atu makakatuka ku yihunda ya Yunda, ni yihunda ya kujingilika Yerusaleme, ni ku chifuchi cha Mbenjamine, ku Shefela, ku chifuchi cha ku milundu, ni ku Negeve nikuneha milambu ya kulumba, ni yitapo, ni milambu ya wunga, ni libano, nikuneha milambu ya kusakwila ku zuwo lia Yehova.

Jeremia 31:12

Kumakeza ni kwimba ni liji linene ha mulundu wa Zaione; kumakalikwiza ha yuma yipema ya Yehova, mbuto, ni vinyu, ni maji, ni misamba ya mapanga ni ngombe. Mwono wo kumuukapwa ngwe chala cha kutuchika, mba kechi kahonga nawa.

Jeremia 31:24

Mba Yunda ni yihunda yako yeswe makatwamako hamuwika, ni njimi ni akwa kwendangana ni yimuna jo.

Jeremia 32:15

Mumu Yehovawa-Tujita, Zambi ya Izalele kanambe ngwenyi, Mazuwo, ni minda, ni minda ya uva kumakayilanda cheka nawa mu chifuchi chino.

Jeremia 36:29

Ha kutwala kuli Jehoakime mwanangana wa Yunda muwamba ngwe, Yehova kanambe ngwenyi, Hiunocho mukanda uno nikwamba ngwe, Kuchi te hiwasonekamo ngwe mwanangana wa Babilonia meza pundu ni kwonwona chifuchi chino, ni kutetamo mutu ni chimuna?

Jeremia 50:6

Atu jami te hanapu mapanga a kutoka. Tufunga two hanaahukisa, ni kwasongwela ha milundu. Hakatuka ku mulundu, haya ku mundundena; hanavulama limba lio.

Jeremia 51:62

ukambe ngwe, Yena Yehova hiwamba ha kutwala ku chifuchi chino ngwe, Munguchitetaho hanga nichimwe muchikatwamamo nawa, chipwe atu, chipwe tushitu, chikapwe cha hululu ndo ku miaka.

Ezekiel 36:35

Mba kumakamba ngwo, Chifuchi chino chapwile cha kwenyeka haliapwila hichalumuka ngwe munda wa Endene, ni yihunda yize ya kwenyeka, ya hululu, ya kupuzula, haliapwila yapwa ni atu, yapwa ya kukolesa.

Hagai 1:4

Kumanyi matangwa hanahete a kutwama mu mazuwo jenu a kululika kanawa ni mitondo shimbu zuwo lino Unatwama lia kupuzula?