Jeremia 32:5 - MUKANDA USANDU WA ZAMBI 1975

⁵ Aye matwala Zedekia ku Babilonia mba kwenako matwama ndo mungumunangisa. Chipwe munulitachika ni A-Kaletea kunuchi kakumba. Chocho kanambe Yehova.

Mukanda Wa Zambi 1970

⁵ Zedekia maakamutwala ku chifuchi cha Babilonia kuli Nebukanezore, kwenako makasala ndoo ni kuze mungukamunyonga nawa. Chibwe akase jita ni akwa Babilonia hindu kechi kakumba. Yami Mwene Zambi nachamba.’ ”

Jeremia 32:5 Iomraidhean Croise

2 Sango Ja Mianangana 13:12

Chikwo nawa Zambi kwali hamwe ni yetu kututetekela, ni asasendote jenyi ni yitavwi ya kulungula akahumune kutulungula kulimika ni yenu. Enu A-Izalele! Kanda nwasa jita ni Yehova Zambi ya tulamba twenu, mumu kunuchi kuwahamo.

2 Sango Ja Mianangana 24:20

Spiritu ya Zambi yeza hali Zekaria mwana sasendote Jehoiada. Aye yamana helu lia atu nikwamba kuli ayo ngwenyi, Zambi kanambe ngwenyi, Kuchi te nunatangula maliji a Yehova? Kashika kunwahashile kuwaha. Iye hananwehuka mumu ni yenu hinunamwehuka.

Yishima 21:30

Mana a kulimika ni Yehova, hanji malinjekela, hanji yiyulo yakuhi.

Jeremia 2:37

Kwenako nawa mukatuka suswa mutwe mumu Yehova halituna waze unaafuliela kuchi kuhasa kuwaha no ku yilinga ye.

Jeremia 27:22

Kumakayimbata ku Babilonia; muyikatwamako ndo tangwa lize munguyinyonga, mba munguyineha nawa nikuyisa kuma kwayo. Chocho kanambe Yehova.

Jeremia 32:24

Milumba ya kuseleka hiyakundama ku chihunda kuchitambula, mumu ha katana, ni kapunga, ni chilungo chihunda chino hanachikunjika kuli A-Kaletea waze alinwa nacho. Chize wambile mba hichapwa, ni kumanyi unachimono.

Jeremia 32:6

Jeremia yamba ngwenyi, Liji lia Yehova yiliza kuli yami ngwo,

Jeremia 33:5

A-Kaletea kananjila mukwasa jita ni kwazalisa ni mijimba ya afu aze mungulamba mu utenu wami ni ufwatulo wami, mumu hinaswekela meso jami chihunda chino mumu ha ungulungulu wo.

Jeremia 37:10

Mumu chipwe munukumba tujita eswe ja A-Kaletea wano anase jita ni yenu, ndo mukusala waze halemana wika, mutu mweswe mu mbalaka yenyi, hindu kumakahinduka nikwocha chihunda chino ni kahia.

Jeremia 39:4

Muze Zedekia mwanangana wa Yunda ni maswalale eswe aamwene, yachina, nikukatuka ku chihunda ha ufuku ku munda wa mwanangana, ku chikolo hakachi ka yipanga yiali ya mawe. Yatalikisa ku Arapa.

Jeremia 39:5

Alioze maswalale ja A-Kaletea yaahanga, yaliheta ni Zedekia mu yana ya Yeriku, mba muze hamukwata yamuneha kuli Nabukanezore mwanangana wa Babilonia ku Ribila, mu chifuchi cha Hamate. Kwenako yamupatwila.

Jeremia 39:7

Yalokola meso ja Zedekia; yamukasa ni malenge amutwale ku Babilonia.

Lungungu 1:14

Hakasa milonga yami ngwe kanga, ni kwoko lienyi hayijichika. Hayisa ha kota yami, hahongesa tachi jami. Mwene wangukunjikile kuli waze Chahashile kwakumba.

Ezekiel 12:12

Mulemu yoze uli hakachi ko neye makazundula yikwata yenyi ha chipaya chenyi ha ufuku, akatuke. Makafula mu yishimi akatuhwishileko yuma yenyi. Makafuka meso jenyi kanda amona chifuchi.

Ezekiel 12:13

Mungukamuzazulwila wanda wami; makakwachika mu kambwila liami; mungukamutwala ku Babilonia mu chifuchi cha A-Kaletea, alioze kechi kachimona, hindu mafwilako.

Ezekiel 17:15

Alioze wamukatukilile ha kutuma mikeji ku Engitu akamwehe tuvwalu ni tujita anji. Te machihasa? Ha kulinga yuma ngwe yino mutu mahasa kulilamwina? Mahasa kulilamwina ha kutangula usendo?

Kwalula 14:41

Mose yamba ngwenyi, Kuchi te haliapwila nunatangula liji lia shimbi ya Yehova, se kuchichi kuwaha?