Jeremia 32:44 - MUKANDA USANDU WA ZAMBI 1975

⁴⁴ Kumakalanda minda ni mbongo, ni mikanda ya kulanda mayisa majina jo, nikujika yijikilo kumeso ja yela mwe mu chifuchi cha Mbenjamine ni kwa kujingilika Yerusaleme, ni mu yihunda ya Yunda, ni yihunda ya ku chifuchi cha milundu, mu yihunda ya Shefela, ni mu yihunda ya ku Negeve. Mumu munguhilwisa kuwaha cho. Chocho kanambe Yehova.

Mukanda Wa Zambi 1970

⁴⁴ Atu kumaakayilanda, ni ha ye mikanda maakasoneka ho majina ni yinyingi, ni ye mikanda maakayikasa. Chino muchikabwa mu chifuchi cha Benjamine mu yihunda yize yajingilika Yerusaleme, ni mu membo ja Ayuda, ni mu membo a ku milundu, ni mushi lia milundu, ni ku sali lia sude mu Yuda. Mungukahilwisa atu mu chifuchi cho. Yami Mwene Zambi nachamba.”

Jeremia 32:44 Iomraidhean Croise

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Jeremia 13:19

Yihunda ya ku Negeve hanayajila, mba kukushi niumwe kuyazulula. A-Yunda eswe hanaambata ku ufunge; e eswe hanayi ku ufunge.

Jeremia 17:26

Ni atu makakatuka ku yihunda ya Yunda, ni yihunda ya kujingilika Yerusaleme, ni ku chifuchi cha Mbenjamine, ku Shefela, ku chifuchi cha ku milundu, ni ku Negeve nikuneha milambu ya kulumba, ni yitapo, ni milambu ya wunga, ni libano, nikuneha milambu ya kusakwila ku zuwo lia Yehova.

Jeremia 30:18

Yehova kanambe ngwenyi, Munguhilwisa kuwaha cha mbalaka ja Yakomba; munguvwila keke mazuwo jenyi. Makatunga cheka nawa che chihunda ha mulumba wacho, ni zuwo lia mwanangana mulikamana kuze liapwile kushi.

Jeremia 30:3

Mumu Yehova kanambe ngwenyi, Matangwa kaneza muze munguhilwisa kuwaha cha atu jami A-Izalele ni A-Yunda. Mungukaaneha nawa ku chifuchi chize nahanyine kuli tulamba two, mba makachizuka. Chocho kanambe Yehova.

Jeremia 31:23

Yehova-wa-Tujita, Zambi ya Izalele kanambe ngwenyi, Cheka nawa mamba maliji ano mu chifuchi cha Yunda ni mu yihunda yako muze munguhilwisa kuwaha cho ngwo, Yehova akuwahise, ena zuwo lia ululi, ena mulundu usandu.

Jeremia 32:10

Yingusoneka jina liami ha mukanda wa munda, nikusaho Chijikilo, ni kusanyika yela, ni kupezalisa mbongo ha mbalansa.

Jeremia 32:37

mungwakonga ku yifuchi yeswe kuze naahuminyine mu utenu wami ni ufwatulo wami, ni matoto anji. Mungwaneha cheka nawa ku chifuchi chino nikwatwamisa ni sambukila.

Jeremia 33:11

kumakevwa nawa liji lia kusehejela, ni liji lia chiseke, ni liji lia sandungi, ni liji lia ndungi, ni liji lia njimba shimbu manehaneha milambu ya kusakwila ku zuwo lia Yehova ngwo, Sakwililenu kuli Yehova-wa-Tujita mumu Yehova iye mupema, mumu utu wa zango lienyi wa mutolo. Mumu kumungukahilwisa kuwaha cha chifuchi chize chapwile hatangu. Chocho kanambe Yehova.

Jeremia 33:13

Mu yihunda ya ku milundu, mu yihunda ya mu Shefela, ni mu yihunda ya Negeve, mu chifuchi cha Mbenjamine, ni mu yihela ya kujingilika Yerusaleme, ni mu yihunda ya Yunda, yimuna kumakapalika nawa kushi lia moko ja mukwa kwaalula. Chocho kanambe Yehova.

Jeremia 33:26

mba mungulituna waze masemuka kuli Yakomba ni kavumbi kami David; chichi katongola umwe wa waze masemuka kuli iye kuyula vungu lia Apalahama, ni Izake, ni Yakomba. Mumu mungukahilwisa kuwaha cho; mungukaavwila keke.

Jeremia 33:7

Mungukahilwisa kuwaha cha Yunda ni kuwaha cha Izalele, nikwatunga nawa chize apwile hatangu.

Obadia 1:19

Akwa Negeve kumakazuka mulundu wa Esau. Akwa Shefela kumakazuka A-Filistea. Kumakazuka chifuchi cha Eframe ni chifuchi cha Samaria. Mbenjamine kumakazuka Ngiliate.

Obadia 1:20

Funge a ku tujita wano, a kuli A-Izalele, waze atwama hakachi ka A-Kanana, o kumakazuka ndo ku Zarafata. Mba funge a ku Yerusaleme, waze atwama mu Shefarade, o kumakazuka membo a ku Negeve.

Zefania 2:7

Mbaka muyipwa chihinga cha masalila ja munyachi wa A-Yunda kuze Analishila yimuna. Mu mazuwo ja Asekalone mapomba ha chingoloshi; mumu Yehova Zambi yo maewuluka ni kwahilwisa kuwaha cho.

Zakaria 7:7

Shimbu machitwama mu Yerusaleme ni kuwaha ni yihunda yeswe ya kujingilika, ni chifuchi cha ku Sule ni chifuchi cha ku mwanda yeswe ni atu, te Yehova kambile maliji wano ene kuli aprofeta jenyi a kushi?