Jeremia 32:41 - MUKANDA USANDU WA ZAMBI 1975

⁴¹ Mungukawahilila ha kwalinga yipema, mungukaatumba mu chifuchi chino ni umwenemwene, ni mbunge yami yeswe, ni mwono wami weswe.

Mukanda Wa Zambi 1970

⁴¹ Munguwahilila ni kwalingila yuma yibema; mungukatwamisa mu chifuchi chino matangwa eswe.

Jeremia 32:41 Iomraidhean Croise

Miaso (Masamu) 80:8

Wachijile chinjinda cha uva ku Engitu. Wahumine mavungu ukachitumbe.

Izaya 60:21

Atu jenu eswe makapwa akwa ululi; kumakazuka chifuchi ndo ku miaka ya mutolo nikupwa mutondo uze natumbile, chitanga cha moko jami, hanga akangwehe uhenya.

Izaya 62:4

Kechi kanutongola nawa ngwo, A kwehuka; chifuchi chenu kechi kachitongola nawa ngwo, Cha woya. Alioze makanutongola ngwo, Uwahililo wami watwamamo; ni chifuchi chenu makachitongola ngwo, Cha ulo, mumu Yehova kanawahilila muli yenu, ni chifuchi chenu muchipwa cha ulo.

Izaya 62:5

Mumu chizechene ngwe mukweze kakumbata virgem, chocho ana jenu manumbata; chizechene ngwe sandungi kakwivwa chiseke ni mwe ndungi, chocho nawa Zambi yenu mevwa chiseke ni yenu.

Izaya 65:19

Ni yami munguwahilila ni Yerusaleme, mungwivwa chiseke ni atu jami. Kechi kevwamo nawa liji lia kulila, hanji muteto wa lamba.

Jeremia 18:9

Mba nyi tangwa limwe mungwamba ha kutwala ku munyachi hanji wanangana kuutunga ni kuutumba,

Jeremia 24:6

Mungusa meso jami hali ayo ngukaalinge yipema. Mungwahilwisa nawa ku chifuchi chino, mungwatungisa, chichi kwapuzula nawa; mungwatumba chichi kwatukula.

Jeremia 31:28

Mba chizechene ngwe hinaatala kutukula, ni kupuzula, ni kununguna, ni kwonwona, ni kukoka yuma yikalu, chocho mungwatala kutunga ni kutumba. Chocho kanambe Yehova.

Ezekiel 36:36

Henaho mavungu aze asala ha kunujingilika makanyingika yami Yehova hinatungulula yihela ya kupuzula, hinatumba nawa kuze kwapwile kwa kwenyeka. Yami Yehova hinachamba, mba mungukachilinga.

Hosea 14:5

Mungukapwa kuli A-Izalele ngwe mume mba makatanda miji ngwe Lebano nikutemuna yitemo ngwe lirio.

Amose 9:15

Mungukaatumba mu chifuchi cho, mba kechi katukukako nawa ku chifuchi chize hinaaha. Chocho kanambe Yehova Zambi yenu.

Mika 7:18

Iya mapwa Zambi ngwe yena, mukwa kukonekena uhenge, ni kuzomboka milonga ya masalia ja chihinga chenyi? Kechi kufunga utenu wenyi wa mutolo mumu kakuwahilila ni utu wa zango.

Zefania 3:17

Yehova Zambi ye mwali muli yena, mwe ka jita yoze wakuhana kukumba. Kumakevwa kuwaha ni yena ni chiseke chinji; kumakakuhuzulula mu zango lienyi; kumakalikwiza ni yena ni miaso ya tachi

Shimbi 28:63

Chizechene ngwe Yehova wawahililile hali yenu mukunulinga yipema, mukunwokesa, chocho Yehova makawahilila hali yenu mukunukuwisa, mukunwonwona, makanuchangumuna ku chifuchi nunayi kuzuka.

Shimbi 30:9

Yehova Zambi yenu makanufumbula ku milimo yeswe ya moko jenu, ni ana a ku mijimba yenu, ni ana a yimuna jenu, ni mbuto ya ha mavu jenu, hanga nuwahe. Mumu Yehova makawahilila nawa hali yenu, nuwahe, ngwe iye wawahililile hali akakenu,