Jeremia 32:34 - MUKANDA USANDU WA ZAMBI 1975

³⁴ Amikine yizelwokeso yo mu zuwo lino alilukile ni jina liami, hanga akalichise.

Mukanda Wa Zambi 1970

³⁴ Haanase mazambi jo a yizelwokeso mu zuwo lize atungile lia kunguwayila, haanalipwisa lia luchisa.

Jeremia 32:34 Iomraidhean Croise

1 MIANANGANA 21:1

Ha kuputuka kuyula Manase wapwile ni kumi lia miaka ni miaka yiali, mba wayulile makumi atano a miaka ni miaka yitano mu Yerusaleme. Jina lia naye Hefeziba.

1 MIANANGANA 23:6

Yachiza Ashera mu zuwo lia Yehova haze lia Yerusaleme ku chitwetwe Kendrone, mba yamwocha kwe ku chitwetwe Kendrone; yamufwenya wungawunga, mba yalakumwina wunga uze ha mafuka ja atu amokomoko.

2 Sango Ja Mianangana 33:15

Yachiza mazambi a yilambala, ni kaponya mu zuwo lia Yehova, ni yilumbilo yeswe te hatunga ha mulundu wa zuwo lia Yehova, ni mu Yerusaleme, mba yayimbila haze lia chihunda.

2 Sango Ja Mianangana 36:14

Chikwo nawa asasendote akwa lutwe eswe, ni e atu avulumwine chikolo nikulita ni yizelwokeso yeswe ya mavungu. Yachisa zuwo lia Yehova lize iye te hasela ku usandu mu Yerusaleme.

Jeremia 19:4

Mumu atu hanangwehuka nikuchisa kuma kuno ha kwochelako insensu ku mazambi eka chipwe ayo, chipwe tulamba two, chipwe mianangana ja Yunda kaanyingikine, ni mumu hazalisako ni manyinga ja waze keshi chitela.

Jeremia 23:11

Ni profeta ni sasendote eswe ni aali yitanganyanyi. Chipwe mu zuwo liami hinawana ungulungulu wo. Chocho kanambe Yehova.

Jeremia 30:14

Waze eswe akuzangile hanakuvulama; kakusele mbunge nichimwe, mumu hinakulamba ngwe nguli mukwa kole, hinakufwetesa ngwe nguli mukwa kulimika keshi keke, mumu uhie we unene, milonga ye kumeso ja atu eswe.

Jeremia 34:15

Matangwa akehe kunyima nwalikonyekene ni kulinga chipema kumeso jami ni kwambujola utuswilo, mutu mweswe kuli mukwo. Nwakolesele usendo kumeso jami mu zuwo lino haliluka jina liami.

Jeremia 44:4

Hindu natuminetumine kuli yenu tuvumbi twami eswe aprofeta ngwami, Kanda nulinga chuma chino cha kuzelwokesa cha kunguvwisa lwaji.

Jeremia 7:10

mba munwiza nikumana kumeso jami mu zuwo lino, hanaliluku jina liami, nukambe ngwenu, Hanatupulula! nukaye nukanyongonone ni yuma yino ya kukoka lwaji?

Jeremia 7:30

Yehova kanambe ngwenyi, Ana ja A-Yunda halinga chipi kumeso jami. Hanase yuma yo ya lwaji mu zuwo lize haliluka jina liami, akalichise.

Jeremia 7:31

Hanatungu nangamo lia Tofete lize lili mu mungulunga wa mwana wa Hinome, akalumbe ana jo a malunga ni a mapwo mu kahia, chuma chachitumine, kuchanjilile mu mbunge yami.