Jeremia 32:32 - MUKANDA USANDU WA ZAMBI 1975

³² mumu ha yipi yeswe ya ana ja Izalele a malunga ni ana ja Yunda a malunga yize alingile kungwihia—ni mianangana jo, ni alemu jo, ni asasendote jo, ni aprofeta jo, ni malunga ja Yunda ni waze atwama mu Yerusaleme.

Mukanda Wa Zambi 1970

³² mumu ha wubi weswe uze haanalingi Ayuda ni akwa Yerusaleme, hamwe ni mianangana, ni miata, ni mahako, ni akwa munanyi jo.

Jeremia 32:32 Iomraidhean Croise

Ezra 9:7

Chize ku matangwa ja tulamba hitwahia pundu ndo musono; mba ha uhenge wetu, yetu ni mianangana jetu, ni asasendote jetu, hanatukunjika ku moko ja mianangana ja yifuchi ku katana, ni ku ufunge, ni kutupupa, ni kutuhepwisa chize chapwa musono

Izaya 1:23

Alemu jenu o akwa kukolema, masepa je eji. Mutu mweswe kanazange chindo, kakufupa chijiko. Kafungile ana-ashiwa, ni chikuma cha tuliwa kuchaahetele.

Izaya 22:1

Liji Iia kutwala ku chikulo cha usolwelo ngwo, Kuchi chinalumbunuka hinwakanduka eswe helu lia mazuwo,

Jeremia 2:26

Ngwe mwiji kakwivwa sonyi ha kumukwata chocho akwa munyachi wa Izalele mevwa sonyi, o, ni mianangana jo, ni alemu jo, ni asasendote jo, ni aprofeta jo.

Jeremia 44:17

Mutulinga yuma yize yeswe hitwalakenya ni shingo, kwochela insensu mwe mwanangana wa pwo wa malilu, ni kumuzujila milambu ya kunwa chizechene ngwe twalingile yetu ni tulamba twetu, ni mianangana jetu ni alemu Jetu mu yihunda ya Yunda ni mu matapalo ja Yerusaleme. Mumu ha miaka yize twapwile ni kulia cha kulumbama, twawahile, kutwamwene chipi.

Jeremia 44:21

Ha kutwala ku insensu yize nwochele mu yihunda ya Yunda ni mu matapalo ja Yerusaleme, yenu ni tulamba twenu, ni mianangana jenu ni alemu jenu, ni akwa chifuchi, te Yehova wayivulamine? Kayewulukile nyi?

Jeremia 7:17

Kwamwene chize analingi mu yihunda ya Yunda ni ha matapalo ja Yerusaleme?

Ezekiel 22:6

Alemu ja A-Izalele muli yena, mweswe hakachi ko hasa mbunge yenyi, nikulita ni tachi jenyi, kumwanga manyinga.

Daniel 9:16

Mwene, nikulita ni yitanga ye yeswe ya ululi, utenu we ni ufwatulo we ukakatuke ku chihunda che cha Yerusaleme, ku mulundu we usandu. Mumu ha mukunda wa milonga yetu ni uhenge wa tulamba twetu, Yerusaleme ni atu je hanalumuka kashilikilo hakachi ka waze eswe anatujingilika.

Daniel 9:6

Kutwapanjikile kuli tuvumbi twe aprofeta, waze ahanjikile mu jina lie kuli mianangana jetu, ni alemu jetu, ni tulamba twetu, ni atu eswe a chifuchi.

Daniel 9:7

Mwene, ululi unalite ni yena, alioze chize chinatute yetu, sonyi ku meso, chize tunamono musono, kuli malunga ja Yunda, ni kuli akwa Yerusaleme, ni kuli A-Izalele eswe, waze ali hakamwihi ni waze ali kusuku mu yifuchi yeswe kuze hiwaahumina mumu ha mafwefwe aze halinga ni yena.

Daniel 9:8

Mwene, kuli yetu sonyi ku meso jinatute, ni kuli mianangana jetu, ni alemu jetu, ni tulamba twetu, mumu Hitwakuvulumuna.