Jeremia 32:30 - MUKANDA USANDU WA ZAMBI 1975

³⁰ Mumu ana ja Izalele a malunga ni ana ja Yunda a malunga kalingile nichimwe shina chipi wika kumeso jami chize ku ukweze wo. Yehova kanambe ngwenyi, Ana ja Izalele a malunga kalingile nichimwe shina kungwihia ni yitanga ya moko jo.

Mukanda Wa Zambi 1970

³⁰ Aisraele ni Ayuda hasuku achiza kungusosomba ni kunguvwisa utenu mumu ha yitanga yo yibi.

Jeremia 32:30 Iomraidhean Croise

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

Izaya 63:10

Alioze o yakolema, yavwisa chinyengo Spiritu yenyi musandu; kashika iye yalumuka mukwa kole yo, iye mwene yasa no jita.

Jeremia 11:17

Yehova-wa-Tujita yoze wanutumbile hananwambe chipi mumu ha chipi chize munyachi wa Izalele ni munyachi wa Yunda hanalingi ni kungwihia ha kwochela insensu Mbale.

Jeremia 2:7

Nanunehene ndo mu chifuchi cha kulumbama cheswe hanga nukayuke ni mihuko yamo ni yuma yamo yipema. Alioze muze nwanjilile nwachishile chifuchi chami, ni kupwisa chihinga chami chuma cha lwaji.

Jeremia 22:21

Nahanjikile kuli yena ha mwaka wa kuwaha che, alioze wambile ngwe, Chisolo kupanjika. Ndako jino te nije chize ku ukweze we kusolo kwivwa liji liami.

Jeremia 25:6

Kanda nukaula mazambi akwo kwalingila chipwe kwawayila, nukangwihie ni yitanga ya moko jenu, mba chichi kunulinga chipi nichimwe.

Jeremia 25:7

Yehova kanambe ngwenyi, Hindu nwangupangula hanga nungwihie ni yitanga ya moko jenu, nulilumbule.

Jeremia 3:25

Tupombenu mu sonyi jetu, ulelu wetu utufuke mumu hitwavulumuna Yehova Zambi yetu, ni yetu ni tulamba twetu chize ku ukweze wetu ndo musono. Kutwononokene ku liji lia Yehova Zambi yetu.

Jeremia 30:14

Waze eswe akuzangile hanakuvulama; kakusele mbunge nichimwe, mumu hinakulamba ngwe nguli mukwa kole, hinakufwetesa ngwe nguli mukwa kulimika keshi keke, mumu uhie we unene, milonga ye kumeso ja atu eswe.

Jeremia 36:2

Anda mukanda wa chivungo ukasonekemo maliji eswe hinamba kuli yena a kulimika ni Izalele ni Yunda ni mavungu eswe chize ku tangwa litangu nahanjikile ha matangwa a Josia ndo musono.

Jeremia 44:3

mumu ha ungulungulu uze alingile nikungwihia ngutenuke, ha kuya nikwocha insensu ni kulingila mazambi eka aze kaanyingikine, chipwe o, chipwe yenu, chipwe tulamba twenu.

Jeremia 44:8

Kuchi te nwakungwihia ni yitanga ya moko jenu ni kwochela insensu mazambi eka muno mu chifuchi cha Engitu hinweza kutwama? Ngukanutete, nukalumuke shingo ni luchoko hakachi ka mavungu eswe a hashi?

Jeremia 8:19

Panjikenu muteto wa mwana wa pwo atu jami, ha usuhe ni unene wa chifuchi ngwo, Yehova keshimo mu Zaione? Mwanangana wenyi katwamine muli iye? Kuchi te hanangwihi ni tuponya two twa kwola hi mahamba jo a tundaka?

Ezekiel 20:28

Mumu muze hinaaneha mu chifuchi chize nalishingile kwaaha, mba heswaho amwene mulundu umwe usuku hanji mutondo umwe wa mafwo, kwenako alambwile yitapo yo ni kukunjika milambu yo ya kwihia; kwenako afwinjishile lupembo wo wa kutulisa mbunge, ni kuzujila milambu yo ya kunwa.

Ezekiel 20:8

Alioze yangukatukila, kasolo kungupanjika. Niumwe mutu kambilile yuma yize ya lwaji kayipalikilile meso jenyi, chipwe kwehuka mahamba ja Engitu. Yingu nyonga ngwami, Munguzukula ufwatulo wami hali ayo ni kuhwisa utenu wami hali ayo hakachi ka chifuchi cha Engitu.

Ezekiel 23:3

O yalinga ukoi mu Engitu; yalinga ukoi ha wana-mapwo wo; kwenako ashindakenyene mele jo; kwenako akwachilekwachile mele jo ja *uvirgem.