Jeremia 32:25 - MUKANDA USANDU WA ZAMBI 1975

²⁵ Hindu yena, Mwene Yehova, hiwamba kuli yami ngwe, Landa munda ni mbongo kumeso ja yela—chipwe chihunda hiwachikunjika kuli A-Kaletea.

Mukanda Wa Zambi 1970

²⁵ Hindu yena Mwene Zambi unangwambe ngulande we munda ku meso ja yela, chibwe limbo kaanalitambula kuli akwa Babilonia.”

Jeremia 32:25 Iomraidhean Croise

Miaso (Masamu) 77:19

Jila ye yapwile mu kalunga-lwiji. Majila je apwile mu meya anene. Ngano je kajinyingikine.

Miaso (Masamu) 97:2

Malelwa ni milima yamujingilika. Ululi ni upatwilo yapwa ngwe fundamentu ya ngunja yenyi.

Jeremia 24:10

Mungutuma kuli ayo katana, ni kapunga, ni chilungo ndo hakuwa ku chifuchi chize nahanyine kuli ayo ni kuli tulamba two.

Jeremia 32:15

Mumu Yehovawa-Tujita, Zambi ya Izalele kanambe ngwenyi, Mazuwo, ni minda, ni minda ya uva kumakayilanda cheka nawa mu chifuchi chino.

Jeremia 32:24

Milumba ya kuseleka hiyakundama ku chihunda kuchitambula, mumu ha katana, ni kapunga, ni chilungo chihunda chino hanachikunjika kuli A-Kaletea waze alinwa nacho. Chize wambile mba hichapwa, ni kumanyi unachimono.

Jeremia 32:26

Liji lia Yehova yiliza kuli Jeremia ngwenyi,

Jeremia 32:43

Kumakalanda nawa minda mu chifuchi chino yenu nunambe ngwenu, Hichapwa cha hululu; kuchishi atu, chipwe yimuna; hanachihane kuli A-Kaletea.

Jeremia 32:8

Mba musonyami Hanamele yeza kuli yami mu yize ya tulayi nikulita ni liji lia Yehova, yamba kuli yami ngwenyi, Landa munda wami uze uli mu Anatote mu chifuchi cha Mbenjamine, mumu yena uli ni chiyulo cha kuzuka ni kukula. Ulilanjilewo yena mwene. Mba yingunyingika ngwami, Ali liji lia Yehova.

Jeremia 34:17

Kashika Yehova kanambe ngwenyi, Kunwononokene kuli yami kwambujola utuswilo, mutu mweswe kuli usoko wenyi ni kuli mwenyembo wenyi. Kashika yami mungutusula hali yenu katana, ni chilungo, ni kapunga. Chocho kanambe Yehova. Kumunukapwa chuma cha lwaji ku mavungu eswe a hashi.

Yoano 13:7

Yesu wamukumbulwile, ngwenyi, Chize ngunalingi kwanyingikine haliapwila; alioze kumukanyingika kulutwe.