Jeremia 32:21 - MUKANDA USANDU WA ZAMBI 1975

²¹ Wachijile atu je A-Izalele ku chifuchi cha Engitu ni yilayi ni yikomokeso ni kwoko lia tachi, ni kwoko lia kuzoza, ni mwongo wunji.

Mukanda Wa Zambi 1970

²¹ Watuhwishile atu je Aisraele mu Egiptu ni ndundo; wachilingile ni yilayi ni yikomokeso, yize yevwishile akwa kole jetu mwongo.

Jeremia 32:21 Iomraidhean Croise

2 Samuel 7:23

Mba vungu lika lia hano hashi lialita ni atu je A-Izalele? Yena Zambi wayile kwakula akapwe atu je, ukalilingile jina, ukaalingile ayo yuma yinene ya woma ni mu chifuchi che, kumeso ja atu je, waze waakulile ku Engitu ni ku mavungu ni mazambi jo, akapwe atu je.

1 Yitanga Ya Mianangana 8:42

(mumu mevwa lufuma wa jina lie linene, ni wa kwoko lie lia tachi, ni wa kwoko lie lia kwolola), muze meza akalembe nikutalikisa ku zuwo lino,

1 Sango Ja Mianangana 17:21

Mba vungu lika lia hano hashi lialita ni atu je A-Izalele? Yena Zambi wayile kwakula akapwe atu je, ukalilingile jina ni yuma yinene ya woma nikuhuma mavungu kumeso ja atu je waze waakulile ku Engitu.

Miaso (Masamu) 105:37

Waachijileko ni oru ni prata. Kukwapwile niumwe mukwa kutalinga hakachi ka minyachi yo yeswe.

Miaso (Masamu) 105:43

Wachijileko atu jenyi ni uwahililo. Waze waatongwele waachijileko ni miaso.

Kutuhuka 13:14

Muze manuhula kuli ana jenu kulutwe ngwo, Acho chika? Nukaambulwile ngwenu, Ni kwoko lia tachi, Yehova watuchijile ku Engitu ku zuwo lia upinji.

Kutuhuka 13:9

Chikapwe chilayi kuli yenu ha moko jenu ni Chiwulwiso mukachi ka meso jenu, hanga shimbi ya Yehova yikapwe mu makanwa jenu, mumu Yehova hananuchiza ku Engitu ni kwoko lia tachi.

Kutuhuka 3:20

Mungukolola kwoko liami, mungukalamba Engitu ni yikomokeso yami yeswe munguka-linga mukachi ko, mba kulutwe kuma-kanwecha kuya.

Kutuhuka 6:1

Yehova yamba kuli Mose, ngwenyi, Kamunomuno mukamona chize yami mungukalinga, kuli Falau, mumu te ha kwoko lia tachi makaecha, ni ha kwoko lia tachi iye makaahuma haze lia chifuchi chenyi.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Izaya 63:12

Yoze wasele kwoko lienyi lia uhenya kwe ku kwoko lia Mose lia chindume; yoze wapulile e meya kumeso jo nikulifumanyishina jina lia mutolo iya?

Shimbi 11:3

ni yilayi yenyi, ni yitanga yenyi ayilingile iye hakachi ka A-Engitu kuli Falau, mwanangana wa Engitu ni ku chifuchi chenyi cheswe.

Shimbi 26:8

Yehova yatuchiza mu Engitu ni kwoko lia ndundo, ni kwoko lia kwolola, ni yuma yakola mwongo, ni yilayi, ni yikomokeso.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Shimbi 7:19

yeseko yinene meso jenu ayimwene, ni yilayi, ni yikomokeso, ni kwoko lia ndundo, ni kwoko lia kwolola, ni yenayo Yehova Zambi yenu wanuchijile. Yehova Zambi yenu alinge chizechene ku mavungu eswe nunaavwila woma.