Jeremia 32:2 - MUKANDA USANDU WA ZAMBI 1975

² Ha mwaka uze maswalale a mwanangana wa Babilonia te kanaseleka Yerusaleme. Profeta Jeremia aye hamuyikila mu yize ya tulayi yize ya ku palasiu ya mwanangana wa Yunda.

Mukanda Wa Zambi 1970

² Ha matangwa waze tujita twa mwanangana wa Babilonia yaasa jita ni Yerusaleme; yami te haangusa mu zuwo lia lamba mu yiize ya zuwo lia mwanangana.

Jeremia 32:2 Iomraidhean Croise

1 MIANANGANA 25:1

Ha mwaka wamuchilivwa wa kuyula chenyi ha kakweji wamuchikumi ni tangwa liamuchikumi lia kakweji Nabukanezore mwanangana wa Babilonia yeza ni tujita twenyi eswe kulimika ni Yerusaleme. Yasa chilombo chenyi kulimika nacho; yatunga mbonge kweswe kwa kujingilika.

Nehemia 3:25

Palale mwana Uzai yalulika hatalanganyi ni chihata cha yipanga-ya-mawe ni ku kaposhi yoze watunda ku zuwo lia mwanangana ku tunda, kwe ku yize ya tulayi. Yahatako ku milimo Pedaia mwana Paroshe.

Miaso (Masamu) 88:8

Waze nalikachile no hiunaatwala kusuku ni yami. Hiunangupwisa ngwe chuma cha kuzelwokesa kuli ayo. Hananguyiki, chahashile kutuhuka.

Jeremia 32:3

Mumu Zedekia mwanangana wa Yunda hamusa mu zuwo lia ususu ngwenyi, Kuchi te wakuprofeteza ngwe, Yehova kanambe ngwenyi, Ngunakunjika chihunda chino mu moko ja mwanangana wa Babilonia mba machitambula?

Jeremia 32:8

Mba musonyami Hanamele yeza kuli yami mu yize ya tulayi nikulita ni liji lia Yehova, yamba kuli yami ngwenyi, Landa munda wami uze uli mu Anatote mu chifuchi cha Mbenjamine, mumu yena uli ni chiyulo cha kuzuka ni kukula. Ulilanjilewo yena mwene. Mba yingunyingika ngwami, Ali liji lia Yehova.

Jeremia 33:1

Liji lia Yehova yiliza kuli Jeremia chisuho chamuchiali shimbu te atwama wa kuyikila mu yize ya tulayi ngwo,

Jeremia 34:1

Liji lino liejile kuli Jeremia lia kuli Yehova, muze Nabukanezore mwanangana wa Babilonia ni tujita twenyi eswe, ni mawanangana eswe a hashi aze iye te kanaayulu ni mavungu eswe kanase jita ni Yerusaleme ni yihunda yayo yeswe ngwenyi,

Jeremia 36:5

Jeremia yatuma Baruke ngwenyi, Yami hanangukanjisa kunjila mu zuwo lia Yehova,

Jeremia 37:15

Alemu yatenuka chinji ni Jeremia. Yamulamba ni kumuyikila mu zuwo lia mukwa kusonyeka Jonatas, mumu te halialumuna zuwo lia ususu.

Jeremia 37:21

Kashika mwanangana Zedekia yatuma, mba yatwala Jeremia ku yize ya tulayi. Yamwaha nawa mbolo yimuwika tangwa ha tangwa ya ku tapalo lia akwa mbolo, ndo mbolo yeswe ya mu chihunda hiyahwa. Chocho Jeremia yatwama ku yize ya tulayi.

Jeremia 37:4

Jeremia te achili nikunjilanjila ni kutuhwoka hakachi ka atu. Kanda achimusa mu zuwo lia ususu.

Jeremia 38:13

Mba yasosa Jeremia mu wina ni mihipu. Jeremia watwamine mu yize ya tulayi.

Jeremia 38:6

Chocho yanda Jeremia, yamusa mu wina wa Malekia mwana wa mwanangana wa kuswekelamo meya, uze uli mu yize ya tulayi. Yasoselamo Jeremia ni mihipu. Kumwapwile meya mu wina, shina malowa wika, mba Jeremia yatwema mu malowa.

Mateu 5:12

Wahililenu, likwizenu, mumu kwononona chenu chinene mu malilu: mumu chocho ahungumionene aprofeta waze aliangilile.