Jeremia 32:19 - MUKANDA USANDU WA ZAMBI 1975

¹⁹ Uli munene mu yiyulo, uli wa ndundo mu yitanga. Meso je kanalaula ku ndako jeswe ja atu, nikwononona mutu mweswe nikulita ni ndako jenyi, nikulita ni mihuko ya yitanga yenyi.

Mukanda Wa Zambi 1970

¹⁹ Yena uli ni manyonga anji wa kulinga yuma ya ndundo. Kuwakumona yuma yeswe yize atu akulinga, kuwakwakundulula nikulita ni yitanga yo.

Jeremia 32:19 Iomraidhean Croise

1 Yitanga Ya Mianangana 8:32

hipanjika yena mwilu ukalinge, ukapatwile tuvumbi twe, ukahise chivulumunyi nikuholola ndako jenyi ha mutwe wenyi. Mba sambisa mukwa ululi ukamwehe nikulita ni ululi wenyi.

2 Sango Ja Mianangana 16:9

Mumu meso ja Yehova kakuzomboka ndusu hashi heswe akalisolole mukwa tachi kukwasa yoze uli ni mbunge yingunu kuli iye. Ha chuma chino hiwalinga ni uhepuke, mumu chize ku musono muopwa ni jita.

Jobe 34:11

Makafweta kuli mutu nikulita ni milimo yenyi. Mutu makamona nikulita ni ndako jenyi.

Jobe 34:21

Mumu meso jenyi kanamono ndako ja mutu; kakumona ngano jenyi jeswe.

Miaso (Masamu) 111:2

Yitanga ya Yehova yinene; kakuyifupa kuli waze eswe akuwahililamo.

Miaso (Masamu) 34:15

Meso a Yehova katala kuli akwa ululi. Matwi jenyi kajikuka ku muteto wo.

Miaso (Masamu) 62:12

Chikwo nawa, utu wa zango wapwa wa mbala wa yena mwe Mwene, mumu wakuhana kuli mutu mweswe nikulita ni milimo yenyi.

Miaso (Masamu) 92:6

Mutu yoze walifwa ni kashitu keshi kuchinyingika. Kuchichi kulumbunuka kuli chihepuke.

Kutuhuka 15:11

Yehova—hakachi ka tuzambi walita ni yena iya? Walita ni yena iya? Mulemu ni musandu—yena. Ha kukuhalisa, kole ni woma yena. Kuwakulinga yikomokeso.

Yishima 5:21

Mumu ndako jeswe ja mutu jinasoloka ku meso ja Yehova. Iye kakutala majila jenyi eswe.

Yishima 8:14

Yiyulo niyami, ni chinyingi chingunu. Malinjekela yami, ni tachi nguli najo.

Longeshi 12:14

Mumu Zambi makokela chitanga cheswe ku usopelo, ni chuma cheswe cha kuhengama, chipwe chipema, chipwe chipi.

Izaya 28:29

Chino nawa chinakatuka kuli Yehova-wa-Tujita. Iye Wahiana ha kulongesa mana, yinyingi yenyi ye yipema.

Izaya 40:13

Iya walongesele Spiritu ya Yehova? Iya walitengele chifumbe chenyi?

Izaya 59:18

Makaafwetesa nikulita ni yitanga yo, ufwatulo kuli akwa kulimika nenyi, fweto kuli akwa kole jenyi. Kuli akwa mbaka mahana fweto yo.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Jeremia 16:17

Mumu meso jami kanatale ndako jo jeswe; kujanguswaminyine. Chipwe uhenge wo kahashile kunguswekelawo.

Jeremia 17:10

Yami Yehova kunakupolongoza mu manyonga ni kweseka mbunge, hanga ngukahane kuli mutu mweswe nikulita ni ndako jenyi, nikulita ni mihuko ya yitanga yenyi.

Jeremia 21:14

Yehova kanambe ngwenyi, Mungunwaha kastigu nikulita ni mihuko ya yitanga yenu. Munguwika kahia mu usaki wako mba mukalalisa chize cheswe chinamujingilika.

Jeremia 23:24

Yehova kanambe ngwenyi, Mutu mahasa kuswama kumwe kuma kwa kuhengeka, ami chichi kuhasa kumumona? Yehova kanambe ngwenyi, Te chazalishile lihi ni hashi?

Jeremia 25:14

Mumu mavungu anji ni mianangana anene makaapwisa tupinji mba mungwafwetesa nikulita ni yitanga yo ni milimo ya moko jo.

Daniel 2:45

chizechene ngwe nwamwene liwe lia kupula ku mulundu, hi ni kwoko lia mutu ko, mba Mapalwola utale, ni unengu, ni uma, ni prata, ni oru. Mwe Zambi munene halweza kuli mwanangana chize muchikapwa kulutwe. Chilota cha pundu, ni ulumbunwiso wacho wamwenemwene.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Zakaria 9:1

Chikuma cha liji lia Yehova chalimika ni chifuchi cha Hadrake; kumuchikatula ha Ndamaseku. Mumu meso ja atu ni ja minyachi yeswe ya A-Izalele kuli Yehova ali.

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Yoano 5:29

makatuhuka; waze hanalingi yipema ku uhindukilo wa mwono; ni waze hanalingi yipi ku uhindukilo wa upatwilo.

2 Korintu 5:10

Mumu chatamba akatusolole eswe kulutwe lia chitwamo cha upatwilo wa Kristu; hanga eswe akatambule yuma yize alingile mu mujimba, nikulita ni chize alingile, chipwe chipema, chipwe chipi.

Efesu 1:11

Muli iye nawa hanatupwisa chihinga, se atufunjikile shimbu te miaka kanda yipwa, nikulita ni kupala cha yoze wakulingisa yuma yeswe nikulita ni mana ja upale wenyi;

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.

Usolwelo 22:12

Talenu, nguneza nikawashi; ni kwononona chami chili hamwe ni yami, mukuhana kuli mweswe nikulita ngwe chitanga chenyi muchipwa.