Jeremia 32:18 - MUKANDA USANDU WA ZAMBI 1975

¹⁸ Kuwakulweza utu wa zango lie kuli tununu, alioze kuwakufwetesa uhie wa atato kuli ana jo waze anaakaula. Yena Zambi munene wa ndundo, uli ni jina lia Yehova-wa-Tujita.

Mukanda Wa Zambi 1970

¹⁸ Hiunalweze zango lie lize kulishi kuhwa kuli tununu twa atu; alioze wakumwesa nawa atu lamba mumu ha milonga ya yisemi jo. Yena uli Zambi munene ni wa tachi, Mukwa Ndundo Jeswe.

Jeremia 32:18 Iomraidhean Croise

Ubutukilo 49:24

Hindu uta wenyi watwama ni tachi. Moko jenyi aatakamishine ku moko ja Mukwa-Ndundo wa Yakomba. (Kwenako mukukatuka mwe kafunga, lie liwe lia Izalele;)

1 MIANANGANA 9:26

Pundu zau ngunakamona manyinga a Nabote, ni manyinga ja ana jenyi, Yehova kanachambe, kashika mungukuhilwisacho muno mu munda uno. Chocho kanambe Yehova. Kashika umwande umumbile mu munda nikulita ni liji lia Yehova.

Nehemia 1:5

ngwami, Ngunalembe, Yehova Zambi ya mwilu, Zambi munene, kole ni woma. Kuwakukolesa usendo ni utu wa zango kuli waze akukuzanga nikufunga shimbi je.

Miaso (Masamu) 50:1

Mukwa Ndundo, Zambi, Yehova hanahanjika. Hasanyika hashi chize ku chivumbuko cha tangwa ndo ku Chitokelo.

Miaso (Masamu) 89:9

Wakuyula kulengumuka cha kalunga-lwiji. Muze mikanya yaho yazunduka yena mukayiholesa.

Kutuhuka 34:6

Yehova wapalikile kumeso jenyi nikwambulula ngwenyi, Yehova, mwe Yehova, Zambi mukwa keke, mukwa vumbi, makoke kutenuka, wakulumbama ni utu wa zango ni umwenemwene.

Kutuhuka 34:7

Kakufunga utu wa zango hali tununu twa atu, kakukonekena uhenge ni uvulumunyi ni shili. Keshi kusambisa nichimwe yoze wahia. Kakufwetesa uhenge wa yisemi hali ana jo ni hali ajikulu, ha chisemuko chamuchitatu ni ha chisemuko chamuchiwana.

Izaya 10:21

Masalila kumakahiluka, masalila ja Yakomba kumakahiluka kuli Zambi ya ndundo.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Jeremia 10:16

Yoze wapwa chihinga cha Yakomba kapwile ngwe ayo, mumu iye mwe mukwa kuwumba yuma yeswe. Mba Izalele lie vungu lia chihinga chenyi; jina lienyi Yehova-wa-Tujita.

Jeremia 10:6

Kukushi niumwe walita ni yena Yehova, uli munene, ni jina lie linene ni ndundo.

Jeremia 20:11

Alioze Yehova kwali hamwe ni yami ngwe kajita wa kukolesa woma. Kashika akwa kunguhungumiona malimbuka kechi kangukumba. Makevwa sonyi jinji mumu kechi kuhasa kumanununa. Kusauka cho cha mutolo kechi kuchivulama nilimwe tangwa.

Jeremia 31:35

Mwe Yehova yoze wahanyine tangwa likapwe pangu ha mwalwa, ni jila ya kufunjika ya kakweji ni matongonoshi akahane pangu ha ufuku; yoze wakuvundula kalunga-lwiji ndo mikanya yenyi muyihanjika lundunjila— jina lienyi, Yehova-wa-Tujita,

Jeremia 33:2

Chino kanambe Yehova Tangi ya hashi, Yehova mukwa kuwumba hashi akakoleseho—jina lienyi Yehova, ngwenyi,

Jeremia 50:34

Alioze Mukwa-Kwakula tachi ali najo; jina lienyi Yehova-wa-Tujita. Kumakaahakwila hanga akahwimise hashi alioze akapinjise waze atwama mu Babilonia.

Daniel 2:45

chizechene ngwe nwamwene liwe lia kupula ku mulundu, hi ni kwoko lia mutu ko, mba Mapalwola utale, ni unengu, ni uma, ni prata, ni oru. Mwe Zambi munene halweza kuli mwanangana chize muchikapwa kulutwe. Chilota cha pundu, ni ulumbunwiso wacho wamwenemwene.

Habakuke 1:12

Yehova Zambi yami! Mwe Musandu wami! Hi uli wa mutolo ko? Kashika kutuchi kufwa. Yehova hiunaatongola akapwe kastigu; yena lwe Luliwe, hiunaakolesa atufumbe.

Kwalula 14:18

Yehova, iye makoke kutenuka, utu wa zango lienyi kuwalumbama, nikukonekena uhenge ni uvulumunyi, ngwenyi, kechi kuhasa kusambisa mukwa kuhia. Alioze kakufwetesa ana uhenge wa yisemi ku chisemuko chamuchitatu, ni ku chamuchiwana.

Mateu 27:25

Atu eswe akumbulwile, ngwo, Manyinga jenyi akapwe hali yetu ni hali ana jetu.

Luka 6:38

Hanenu, mba kumakanwaha; njongo yipema, ya kukona, ya kunyikumuna hamwe, ya kusupwoka, kumakayihana mu hina lienu, mumu ni cheseko chize munweseka nacho, kumakanwesekela cheka nawa.

Shimbi 10:17

Mumu Yehova Zambi yenu iye Zambi ya tuzambi, Mwene wa ene, Zambi munene, mukwa ndundo, kole ni mwongo, keshi katonde, chipwe keshi kutambula chindo, ka.

Shimbi 7:21

Kanda nususamiana mumu hali ayo, mumu Yehova Zambi yenu hwali hakachi kenu, Zambi munene, kole ni mwongo.