Jeremia 32:15 - MUKANDA USANDU WA ZAMBI 1975

¹⁵ Mumu Yehovawa-Tujita, Zambi ya Izalele kanambe ngwenyi, Mazuwo, ni minda, ni minda ya uva kumakayilanda cheka nawa mu chifuchi chino.

Mukanda Wa Zambi 1970

¹⁵ Mwene Zambi Mukwa Ndundo Jeswe, Zambi ya Israele, hanambe ngwenyi, mazuwo, ni minda ya mbuto, ni ya vinyu, atu kumaakayilanda nawa mu chifuchi chino.”

Jeremia 32:15 Iomraidhean Croise

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Jeremia 30:18

Yehova kanambe ngwenyi, Munguhilwisa kuwaha cha mbalaka ja Yakomba; munguvwila keke mazuwo jenyi. Makatunga cheka nawa che chihunda ha mulumba wacho, ni zuwo lia mwanangana mulikamana kuze liapwile kushi.

Jeremia 31:12

Kumakeza ni kwimba ni liji linene ha mulundu wa Zaione; kumakalikwiza ha yuma yipema ya Yehova, mbuto, ni vinyu, ni maji, ni misamba ya mapanga ni ngombe. Mwono wo kumuukapwa ngwe chala cha kutuchika, mba kechi kahonga nawa.

Jeremia 31:24

Mba Yunda ni yihunda yako yeswe makatwamako hamuwika, ni njimi ni akwa kwendangana ni yimuna jo.

Jeremia 31:5

Cheka nawa mukatumba minda ya miuva ha milundu ya Samaria. Akwa kutumba matumba, mba mayuka ni mihuko.

Jeremia 32:14

Yehova-wa-Tujita, Zambi ya Izalele kanambe ngwenyi, Tambula mikanda yino; uno wa kulanda munda ni yijikilo yawo, ni uno wa kopia, nukayise mu mulondo wa uma yikalinduluke shimbu linene.

Jeremia 32:25

Hindu yena, Mwene Yehova, hiwamba kuli yami ngwe, Landa munda ni mbongo kumeso ja yela—chipwe chihunda hiwachikunjika kuli A-Kaletea.

Jeremia 32:37

mungwakonga ku yifuchi yeswe kuze naahuminyine mu utenu wami ni ufwatulo wami, ni matoto anji. Mungwaneha cheka nawa ku chifuchi chino nikwatwamisa ni sambukila.

Ezekiel 28:26

Kumakatwamamo ni chipi chakuhi, ni kutunga mazuwo, ni kutumba minda ya uva. Kumakatwama ni chipi chakuhi, muze hinalinga upatwilo wami hali waze eswe anaajingilika waze te hanaalelesa. Henaho makanyingika yami nguli Yehova, Zambi yo.

Zakaria 3:10

Yehova-wa-Tujita kanambe ngwenyi, Ha tangwa lize yenu eswe, mutu ni mutu, makalakenya mwenyembo kutwama mushi lia mutondo wenyi wa uva ni wa mukuyu.