Jeremia 32:12 - MUKANDA USANDU WA ZAMBI 1975

¹² Yinguhana mukanda wa kulanda munda kuli Baruke mwana Neria mwana Maseia kwe kumeso ja musonyami Hanamele, kumeso ja yela waze asonekene majina jo ha mukanda wa kulanda ni kumeso ja A-Yunda waze eswe atwamine mu yize ya tulayi.

Mukanda Wa Zambi 1970

¹² Yinguyihana kuli Baruke, mwana wa Neria mujikulu wa Maseya. Yingumuhela yo ku meso ja Hanamele ni ku meso ja yela waze asonekene majina jo ha mukanda wa ndando, ni ku meso ja atu eswe waze te anatwama mu yiize ya mwanangana.

Jeremia 32:12 Iomraidhean Croise

Jeremia 32:13

Yingushika Baruke kumeso jo ngwami,

Jeremia 32:16

Muze hinahana we mukanda wa kulanda kuli Baruke mwana Neria yingulemba kuli Yehova ngwami,

Jeremia 36:26

Mba mwanangana yatuma Jeramila mwana wa mwanangana, ni Seraia mwana Azriele, ni Shelemia mwana Abadiele akakwate mukwa kusonyeka Baruke ni profeta Jeremia, alioze Yehova waaswekele.

Jeremia 36:32

Henaho Jeremia yatambula mukanda Ukwo wa chivungo yauhana kuli mukwa kusonyeka Baruke mwana Neria, aye yasonekamo maliji aze eswe amusonekesene Jeremia ha mukanda uze Jehoakime mwanangana wa Yunda wochele mu jiko, alioze awezele maliji anji akwo a kulifwa no.

Jeremia 51:59

Liji lize profeta Jeremia watumine Seraia mwana Neria, mwana Maseia muze wayile hamwe ni Zedekia mwanangana wa Yunda ku Babilonia ha mwaka wamuchiwana wa kuyula chenyi. Seraia aye wapwile kafufuchi.

2 Korintu 8:21

mumu twakufupa kusolola yuma yipema, hi kumeso ja Mwene wika ko, alioze nawa kumeso ja atu.