Jeremia 32:10 - MUKANDA USANDU WA ZAMBI 1975

¹⁰ Yingusoneka jina liami ha mukanda wa munda, nikusaho Chijikilo, ni kusanyika yela, ni kupezalisa mbongo ha mbalansa.

Jeremia 32:10 Iomraidhean Croise

Ubutukilo 23:16

Mba Apalahama yapanjika kuli Efrone. Apalahama yapezalisa kuli Efrone je prata jize te havuluka mu matwi ja ana ja Hete; makulakaji awana a shekele ja prata. Mbongo akulanda najo akwa yitanda.

Ubutukilo 23:20

Ni we musenge, ni chivwenge chamo ayikolesele kuli Apalahama yikapwe niyenyi, ha fuka kuli ana ja Hete.

Jobe 14:17

Utanguko wami muupwa ngwe wa kukashila mu njeke. Mufuka uhenge wami.

Mwaso Ubema Wahiana 8:6

Nguse ngwe Chijikilo ha mbunge ye; ngwe Chijikilo ha kwoko lie; mumu zango Unalite ni ufwe ha tachi, ni uswi wa ukwa walita ni uze wa Shiole. Kuhenya chawo chapwa cha kahia; te mulengi wa tachi.

Izaya 30:8

Kashika yako uchisoneke ha chilolwa kumeso jo, uchisoneke mu mukanda, hanga ha miaka ya kwizaho chikapwe uchela ha miaka yeswe.

Izaya 44:5

Umwe mamba ngwenyi, Ami nguli wa Yehova; mukwo maliluka jina lia Yakomba; mukwo masoneka ha kwoko lienyi, Wa mbala wa Yehova, ni kuliwezela jina likwo ngwenyi, Izalele.

Jeremia 32:12

Yinguhana mukanda wa kulanda munda kuli Baruke mwana Neria mwana Maseia kwe kumeso ja musonyami Hanamele, kumeso ja yela waze asonekene majina jo ha mukanda wa kulanda ni kumeso ja A-Yunda waze eswe atwamine mu yize ya tulayi.

Jeremia 32:25

Hindu yena, Mwene Yehova, hiwamba kuli yami ngwe, Landa munda ni mbongo kumeso ja yela—chipwe chihunda hiwachikunjika kuli A-Kaletea.

Jeremia 32:44

Kumakalanda minda ni mbongo, ni mikanda ya kulanda mayisa majina jo, nikujika yijikilo kumeso ja yela mwe mu chifuchi cha Mbenjamine ni kwa kujingilika Yerusaleme, ni mu yihunda ya Yunda, ni yihunda ya ku chifuchi cha milundu, mu yihunda ya Shefela, ni mu yihunda ya ku Negeve. Mumu munguhilwisa kuwaha cho. Chocho kanambe Yehova.

Daniel 8:26

Usolwelo wa matangwa, uno hiwevwa, wamwenemwene, alioze jika ni Chijikilo, mumu watwala ku matangwa a kulutwe kusuku.

Mateu 27:66

O ayile, akolekele fuka, nikujika liwe ni Chijikilo, nikusa tulayi.

Yoano 3:33

Yoze hanatambula Shindakenyo yenyi hanase chinyingi chenyi ngwenyi, Zambi iye wamwenemwene;

Yoano 6:27

Kanda nukalinga milimo ha kulia chize cha kutoka, alioze nukalinge milimo ha kulia chize chili ni mwono wa mutolo, chenacho mwe Mwana Mutu makanwaha: mumu iye, Zambi mwe Tata hanamujiki ni Chijikilo.

2 Korintu 1:22

iye watujikile ni Chijikilo chenyi, watuhele chifungo cha Spiritu mu mbunge jetu.

Efesu 1:13

Muli iye ni yenu nawa se nwevwile liji lia umwenemwene lia sango lipema lia ulamwino wenu; muli iye nawa, se nwafulielele, anujikile ni Chijikilo cha Spiritu Musandu wa chilakenyo.

Efesu 4:30

Kanda nuvwisa chinyengo Spiritu Musandu wa Zambi, yoze muli iye hananujiki ni Chijikilo ndo tangwa lia ukule.

Shimbi 32:34

Yino yeswe te chayitulikile mu mbunge yami? Chayifungile hamwe ni upite wami, nyi?

Yoshua 18:9

Chocho malunga yakatuka, yapalika mu chifuchi ku tunda ni ku mwanda nikuchisoneka mu mukanda nikulita ni yihunda yacho mu yihanda shimbiali, mba ejile kuli Yoshua mu chilombo mu Shilo.

Usolwelo 7:2

Namwene mungelo mukwo, kanazezuka ku chivumbuko cha tangwa, kali ni Chijikilo cha Zambi ya mwono: iye wakololokele ni liji linene kuli angelo awana, waze aahele mukupinjisa hashi ni kalunga-lwiji,

Usolwelo 9:4

Achambile kuli ayo kanda akapinjisa mwambu wa hashi, chipwe chuma chimwe cha wisu, chipwe mutondo umwe, aiioze atu waze keshi Chijikilo cha Zambi ha mahuma jo.

Rute 4:1

Mba Mboaze wayile ku chikolo cha chihunda, yatwamako. Kumanyi mwe usoko wa ha muchima yoze Mboaze hamuvuluka yapalika. Mba Mboaze yamba ngwenyi, A mukwetu tweya ku kuno Utwame. Iye yeza, yatwama.