Jeremia 30:9 - MUKANDA USANDU WA ZAMBI 1975

⁹ Alioze makalingila Yehova Zambi yo ni David mwanangana wo yoze mungusolola mumu hali ayo.

Mukanda Wa Zambi 1970

⁹ Alioze maakalingila yami Mwene Zambi, Zambi yo, ni umwe mutu wa ku vungu lia David, yoze mungukapwisa mwanangana.

Jeremia 30:9 Iomraidhean Croise

Miaso (Masamu) 89:49

Mwene, utu wa zango lie ukulu ulihiwo? Uze walakenyene ni shingo kuli David mu umwenemwene we.

Jeremia 23:5

Yehova kanambe ngwenyi, Matangwa kaneza muze mungukasolola hali David Mutango wa ululi, mba iye kumakapwa mwanangana wa kuyula, nikulinga ni mana, ni kupatula ni kulita ni ululi mu chifuchi.

Jeremia 29:11

Yehova kanambe ngwenyi, Ngunanyingika manyonga aze nguli no hali yenu; manyonga a kunuwahisa hi kunupinjisa ko. Manyonga a kunwaha kutalatala ku yuma ya kulutwe.

Jeremia 30:21

Mwanangana wo makapwa umwe niwo, mukwa kwayula masolokela hakachi ko. Mungukamukundamisa mba meza kuli yami, mumu iya mahamuka kukundama kuli yami ni poko yenyi mwene? Chocho kanambe Yehova.

Jeremia 33:15

Ha matangwa aze ha mwaka uze mungusokesa Mutango wa ululi hali David. Iye kumakalinga ululi ni kulita mu chifuchi.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Mateu 2:2

ngwo, Ulihi yoze unasemuka Mwanangana wa A-Yunda? Mumu twamwene lutongonoshi wenyi mu Chivumbuko, hitweza mukumuwayila.

Luka 1:69

Hanasolola mbinga ya ulamwino hali yetu mu zuwo lia David kavumbi kenyi.

Yilinga 13:23

Wa ku munyachi wa yono lunga nikulita ni chilakenyo, Zambi hanasolola kuli A-Izalele, umwe Chilamwina, Yesu.

Yilinga 13:34

Alioze se wamuhindwishile hakachi ka afu, haliapwila kechi kahiluklla nawa ku kupola ndo ku miaka ya mutolo, hanahanjika ngwe chino ngwenyi, Kumakakwaha yiwape yisandu yamwenemwene ya David,

Yilinga 2:30

Kashika, se iye wapwile profeta, kananyingika ngwe Zambi walishingile kulu kuli iye ni shingo ngwo, Wa kuli ana jenya makatwamisa umwe ha ngunja yenyi;