Jeremia 30:8 - MUKANDA USANDU WA ZAMBI 1975

⁸ Yehova-wa-Tujita kanambe ngwenyi, Muchikapwa ha tangwa lize mungukamakuna kanga ha makota jo; mungukapatwola mihipu yo, mba yilambala kechi kaatenga nawa ngamba.

Mukanda Wa Zambi 1970

⁸ Mwene Zambi Mukwa Ndundo Jeswe kanambe ngwenyi: “Muze lie tangwa hilieza, mungukabatula kanga lize lili ha kota jo ni kukasulula ngoji jo ja utale, hikeechi kubwa nawa ndungo ja tundaka.

Jeremia 30:8 Iomraidhean Croise

Miaso (Masamu) 107:14

Waachijile ku milima ni ku Chizulie cha kufwa. Wapatwile malenge jo tuyipatupatu.

Izaya 10:27

Mba ha tangwa lize chiteli chenyi muchikatuka ha chipaya chenu, ni kanga yenyi mayichiza ha kota yenu, ni ye kanga mayishiha mumu ha maji.

Izaya 14:1

Yehova kumakavwila keke A-Yakomba; kumakatongola cheka nawa A-Izalele, ni kwasa mu chifuchi cho ene. Chipwe tundaka malifutula no ni kulalaminya ku munyachi wa Yakomba.

Izaya 14:25

Mungumakuna mwe Ka-Asuria mu chifuchi chami, mungumuliachila ha milundu yami; kanga yenyi muyiakatuka, ni chiteli chenyi muchikatuka ha yipaya yo.

Izaya 14:3

Muze Yehova hanuhwimisa ku yikola yenu, ni kulifwita chenu, ni milimo yenu yikalu yize anulingishile,

Izaya 9:4

Mumu hiwamakuna kanga ya chiteli chenyi, ni pango ya ha chipaya chenyi, ni mbwechi ya mukwa kumupinjisa, ngwe ha tangwa lia Mindiane.

Jeremia 2:20

Hasuku wamakwine kanga ye nikupatula mihipu ye nikwamba ngwe, Chichi kuzeya. Ewa ha mulundu weswe usuku ni mushi lia mutondo weswe wa wisu wahetaminyine ngwe chikoi.

Jeremia 25:14

Mumu mavungu anji ni mianangana anene makaapwisa tupinji mba mungwafwetesa nikulita ni yitanga yo ni milimo ya moko jo.

Jeremia 27:2

Yehova wambile kuli yami ngwenyi, Ulilingile yikapa ni kanga Ukayise ha kota ye.

Jeremia 27:7

Mavungu eswe mamulingila, ni mwanenyi, ni mujikulu wenyi ndo mwaka wa chifuchi chenyi hiwaheta, mba mavungu anji ni mianangana anene mamupwisa kapinji ko.

Jeremia 28:10

Henaho profeta Hanania yachiza kanga ku kota ya profeta Jeremia, yayipatula.

Jeremia 28:13

Yako ukambulwile Hanania ngwe, Yehova kanambe ngwenyi, Ena hiwapatula kanga ya mutondo alioze ami mungusalakanyisaho kanga ya utale.

Jeremia 28:4

Kumunguneha nawa ku chifuchi chino Jekonia mwana Jehoakime mwanangana wa Yunda, ni njize eswe a ku Yunda waze ayile ku Babilonia, mumu mungupatula kanga ya mwanangana wa Babilonia. Chocho kanambe Yehova.

Ezekiel 30:18

Ku Tehafene tangwa mulikalá ha kushihako chiyulo cha Engitu, ni ndundo jenyi ja kulengumuka mujikasula. Makafukiwa ni lelwa, ni anenyi a mapwo kumakaya ku ufunge.

Ezekiel 34:27

Mitondo ya mu yambu muyikema mihuko yayo, ni e mavu mahana mbuto yo, mba atu makatwama mu chifuchi cho ni chipi chakuhi; mba makanyingika yami nguli Yehova muze mungukamakuna mbambo ja kuli jo ngukaapulule kuli waze aapichile.

Nahume 1:13

Mba haliapwila mungunumakwina kanga yenyi nikupula mihipu yenu ndusu.