Jeremia 30:7 - MUKANDA USANDU WA ZAMBI 1975

⁷ Lwangu! Mumu lie tangwa lino lialema naye kukushi likwo lia kulifwa. Liapwa tangwa lia lamba kuli Yakomba; hindu makaalamwina ku lamba lino.

Mukanda Wa Zambi 1970

⁷ Tangwa lia lamba hiliakundama; kukushi tangwa likwo lize mulilifwa nalio. Lili tangwa lia lamba lia atu jami, alioze keechi kwoonona liakulu.”

Jeremia 30:7 Iomraidhean Croise

Ubutukilo 32:7

Mba Yakomba yevwa woma wunji, yalipikala chinji. Yahandununa atu endele no, ni yimuna, ni ngombe, ni tumelu, apwe yendo yiali.

Miaso (Masamu) 25:22

Yena Zambi, kula kama Izalele ku lamba lio lieswe.

Miaso (Masamu) 34:19

Mukwa ululi luyinda munji akwete, alioze Yehova kakumupulula ku luyinda wenyi mweswe.

Izaya 20:6

Akwa mbaka yino mamba ha tangwa lize ngwo, Kumanyi chocho chapwa kuli waze twafulielele ni waze twachinyinyine kuli ayo atukwase ni kutupulula kuli mwanangana wa Asuria! Mba yetu kuchi mutupuluka?

Jeremia 14:8

Ena, kutalatala cha Izalele, chilamwina cho ha tangwa lia lamba, kuchi te unapu ngwe chilambala mu chifuchi, ngwe ngeji yoze majingako akapombe ufuku umuwika?

Jeremia 2:27

Waze akutongola mutondo ngwo, Uli tata. Ku liwe mamba ngwo, Wangusemene. Mumu hangumba nyima, kangutalikishile meso jo. Hindu ha mwaka wa lamba lio kakwamba ngwo, Katuka utulamwine!

Jeremia 2:28

Alioze mazambi jenu kuli ali waze nwalilingilile yenwene? Nyi mahasa kunulamwina ha mwaka wa lamba lienu, akatuke! Mumu yena Yunda mazambi je hoka ngwe yihunda ye.

Jeremia 30:10

Kashika Yehova kanambe ngwenyi, Kanda wivwa woma, yena Yakomba kavumbi kami, ni yena Izalele kanda ulishimwoka, mumu mungukakulamwina chipwe kusuku. Mungukalamwina ana je ku chifuchi cha ufunge wo. Yakomba makahiluka ni kuhola ni kuhwima, niumwe mamukolesa woma.

Lungungu 1:12

Enu eswe nwakupajieka, nichimwe kuli yenu nyi? Talenu numone nyi chimwe chinyengo chiliko cha kulifwa ni chinyengo chami chize chinanguwane cha kungwaha Yehova ha tangwa lia utenu wenyi usasu.

Lungungu 2:13

Ena mwana-pwo Yerusaleme, Kuchi mungwamba hali yena? Ngukupwise ngwe kuchi? Ena mwana-pwo virgem Zaione. Ngukutese neka, hanga ngukuwumbikize? Mumu kulumbuka che chatoha ngwe kalunga-lwiji. Iya mahasa kukuhuzulula nawa?

Lungungu 4:6

Mumu uhenge wa mwana wa pwo atu jami wahiana shili ya Sondome, yize ayinungwine susumuku ni kusaho kama kwoko ka.

Daniel 12:1

Ha mwaka uze Mikele, mwe mukwa kuyula munene yoze wakufunga ana ja atu je, makamana; kumukukapwa mwaka wa lamba limwe, kanda lisoloka chize ku uputukilo wa vungu lino ndo ku miaka yize. Ha mwaka uze atu je kumakaapulula, atu eswe aze makaawana a kusoneka mu mukanda.

Daniel 9:12

Iye hakolesa maliji jenyi aze ahanjikile kulimika ni yetu ni waze atuyulile ha kukokela hali yetu kuji-ni-tomo linene; mumu mushi lia lilu lieswe kanda musoloka chimwe cha kulifwa ni chino halinga ku Yerusaleme.

Hosea 1:11

Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.

Joele 1:15

Mama yami! Lie tangwa! Lie tangwa lia Yehova hiliakundama. Muliza ngwe kwonwona cha kuli Mukwa-Ndundo-Jeswe.

Joele 1:2

Panjikenu enu makulwana a malunga, ivwenu enu akwa chifuchi. Chuma chino te hichasoloka kama ha matangwa jenu, chipwe ha matangwa ja atatenu nyi?

Joele 2:11

Mba Yehova kakuhanjika lundunjila kulutwe lia tujita twenyi. Mumu chizavu chenyi cha tujita chinene, ni waze mamanununa shimbi jenyi akwa tachi. Mumu tangwa lia Yehova linene; kole ni mwongo! Iya malihasa?

Joele 2:31

Tangwa mulikalumuka milima; kakweji makalumuka manyinga sltimbu kanda likaheta tangwa lia Yehova, linene, kole ni mwongo.

Mika 4:9

Haliapwila kuchi te wakuteta ni liji linene? Mwanangana wakuhi hakachi kenu? Misongo hiyakukwata ngwe mukwa kufumbajala mumu mukwa kukwaha mana hanafu nyi?

Habakuke 3:16

Ngunevu, mba mujimba wami unachikima; mivumbo yami yinachikima ha lundunjila wacho. Yifwaha yami yinapolo; molu jami anazeketa mushi liami. Mungutwaminyina kúlú tangwa lia lamba muliza hali akwa kunjila mu chifuchi chetu.

Zakaria 14:7

Kumukukapwa mwalwa tangwa lieswe nganganga (Yehova kanachinyingika) hi mwalwa ko, hi ufuku ko, mumu ha chingoloshi kumukukapwa pangu.

Malaki 4:1

Mumu Yehova-wa-Tujita kanambe ngwenyi, Talenu, tangwa kulineza nikuyila ngwe lutengo, muze akwa kulizata eswe, ni eswe akwa kulinga yipi makapwa ngwe mwambu, ni tangwa lize lineza mulikaaocha mba kechi kalisalaho chipwe muji chipwe mutango.

Marku 13:19

Mumu ha matangwa aze kumukukapwa luyinda, yoze kukwapwile umwe wa kulifwa nenyi chize ku uputukilo wa kutanga chize atangile Zambi ndo haliapwila, mba kechi kapwa nawa.

Yilinga 2:20

tangwa kumulikalumuka milima, ni kakweji kumakalumuka manyinga, shimbu tangwa lia Mwene kanda liza, tangwa lize linene ni liakusolola uhenya.

A-ROMA 11:26

chocho makalamwina A-Izalele eswe; ngwe chinasonewa ngwo, Mukwa kupulula kumakakatuka ku Zaione; iye kumakakatwisa utanganyanyi kuli akwa Yakomba;

Usolwelo 6:17

Mumu tangwa linene lia utenu wenyi hilineza, mba iya mahasa kumana?