Jeremia 30:3 - MUKANDA USANDU WA ZAMBI 1975

³ Mumu Yehova kanambe ngwenyi, Matangwa kaneza muze munguhilwisa kuwaha cha atu jami A-Izalele ni A-Yunda. Mungukaaneha nawa ku chifuchi chize nahanyine kuli tulamba two, mba makachizuka. Chocho kanambe Yehova.

Mukanda Wa Zambi 1970

³ mumu tangwa kulineza lize mungukahilwisa atu jami, Aisraele ni Ayuda. Mungukaaneha mu chifuchi chize nahanyine kuli tushakulu two, mba maakazuka nawa chihinga cho. Yami, Mwene Zambi, nachamba.”

Jeremia 30:3 Iomraidhean Croise

Ezra 3:1

Ha kuheta kakweji wamuchishimbiali A-Izalele te mu yihunda atwama, atu akungulukile ngwe mutu umuwika ku Yerusaleme.

Ezra 3:12

Alioze anji a kuli asasendote, ni A-Levi, ni akwa lutwe mu minyachi yaatato, makulwana aze hamona zuwo litangu, muze hasa fundamentu ya zuwo lino kumeso jo yalila mbimbi. Alioze anji akololokele ni kulikwiza.

Ezra 3:8

Ha mwaka wamuchiali wa kwiza cho ku zuwo lia Zambi ku Yerusaleme, ha kakweji wamuchiali aputukile Zorobabele mwana Salatiele ni Yeshua mwana Jozadake ni usoko wo asasendote ni A-Levi, ni waze eswe akatukile ku ufunge heza ku Yerusaleme. Yatongola A-Levi, waze hanahete ku makumi aali a miaka akalayile milimo ya mu zuwo lia Yehova.

Miaso (Masamu) 126:4

Yehova, hilwisa nawa ufunge wetu, ngwe yitwetwe ya ku Sule.

Miaso (Masamu) 53:6

Nyi kachi ulamwino wa Izalele hiwatuhuka kama mu Zaione! Muze Zambi mahilwisa ufunge wa atu jenyi, henaho Yakomba mawahilila; Izalele mevwa chiseke.

Jeremia 16:15

alioze mamba ngwo, Ni mwono wa Yehova yoze wachijile A-Izalele ku chifuchi cha ku Norte ni ku yifuchi yeswe kuze haahumina. Mumu mungwahilwisa nawa ku chifuchi cho ene chize nahanyine kuli tulamba two.

Jeremia 23:5

Yehova kanambe ngwenyi, Matangwa kaneza muze mungukasolola hali David Mutango wa ululi, mba iye kumakapwa mwanangana wa kuyula, nikulinga ni mana, ni kupatula ni kulita ni ululi mu chifuchi.

Jeremia 27:11

Alioze akwa vungu lieswe waze mazeyesa makota jo kushi lia kanga ya mwanangana wa Babilonia ni kumulingila, mungwahichika mu chifuchi cho ene akalimemo ni kutwamamo. Chocho kanambe Yehova.

Jeremia 27:22

Kumakayimbata ku Babilonia; muyikatwamako ndo tangwa lize munguyinyonga, mba munguyineha nawa nikuyisa kuma kwayo. Chocho kanambe Yehova.

Jeremia 29:10

Mumu Yehova kanambe ngwenyi, Muze makumi shimbiali a miaka hamanunuka ku Babilonia mungununangisa; mungumanununa kuli yenu chize nalakenyene. Mungunuhilwisa ku chifuchi chino.

Jeremia 29:14

Yehova kanambe ngwenyi, Mununguwana mba munguhilwisa kuwaha chenu ni kunukonga ni kunuchiza ku mavungu eswe ni yifuchi yeswe kuze hinanuhumina mba mungunuhilwisa nawa ku chifuchi kuze nanuchijile hatangu ngukanutume ku unjize. Chocho kanambe Yehova.

Jeremia 3:18

Ha matangwa aze munyachi wa Yunda muulinunga ni munyachi wa Izalele mba hamuwika makatuka ku chifuchi cha Norte ni kwiza ku chifuchi chino nahanyine chihinga kuli tulamba twenu.

Jeremia 30:10

Kashika Yehova kanambe ngwenyi, Kanda wivwa woma, yena Yakomba kavumbi kami, ni yena Izalele kanda ulishimwoka, mumu mungukakulamwina chipwe kusuku. Mungukalamwina ana je ku chifuchi cha ufunge wo. Yakomba makahiluka ni kuhola ni kuhwima, niumwe mamukolesa woma.

Jeremia 30:18

Yehova kanambe ngwenyi, Munguhilwisa kuwaha cha mbalaka ja Yakomba; munguvwila keke mazuwo jenyi. Makatunga cheka nawa che chihunda ha mulumba wacho, ni zuwo lia mwanangana mulikamana kuze liapwile kushi.

Jeremia 30:4

Wano e maliji Yehova wambile ha kutwala kuli A-Izalele ni A-Yunda ngwenyi,

Jeremia 31:16

Yehova kanambe ngwenyi, Funga liji lie; kanda ulila. Funga meso je; kanda ahita masoji, mumu milimo ye makwononwenayo ni ana je kumakakatuka ku chifuchi cha akwa kole akeze ku chifuchi cho. Chocho kanambe Yehova.

Jeremia 31:23

Yehova-wa-Tujita, Zambi ya Izalele kanambe ngwenyi, Cheka nawa mamba maliji ano mu chifuchi cha Yunda ni mu yihunda yako muze munguhilwisa kuwaha cho ngwo, Yehova akuwahise, ena zuwo lia ululi, ena mulundu usandu.

Jeremia 31:27

Yehova kanambe ngwenyi, Matangwa kaneza muze munyachi wa Izalele ni munyachi wa Yunda mungukuwako mbuto ya atu ni mbuto ya tushitu.

Jeremia 31:31

Yehova kanambe ngwenyi, Matangwa kaneza muze mungukolesa usendo waha ni akwa munyachi wa Izalele ni akwa munyachi wa Yunda.

Jeremia 31:38

Yehova kanambe ngwenyi, Matangwa kaneza muze matungila Yehova chihunda chino chize ku kaposhi ka Hananele ndo ku chikolo cha mbango.

Jeremia 32:37

mungwakonga ku yifuchi yeswe kuze naahuminyine mu utenu wami ni ufwatulo wami, ni matoto anji. Mungwaneha cheka nawa ku chifuchi chino nikwatwamisa ni sambukila.

Jeremia 32:44

Kumakalanda minda ni mbongo, ni mikanda ya kulanda mayisa majina jo, nikujika yijikilo kumeso ja yela mwe mu chifuchi cha Mbenjamine ni kwa kujingilika Yerusaleme, ni mu yihunda ya Yunda, ni yihunda ya ku chifuchi cha milundu, mu yihunda ya Shefela, ni mu yihunda ya ku Negeve. Mumu munguhilwisa kuwaha cho. Chocho kanambe Yehova.

Jeremia 33:26

mba mungulituna waze masemuka kuli Yakomba ni kavumbi kami David; chichi katongola umwe wa waze masemuka kuli iye kuyula vungu lia Apalahama, ni Izake, ni Yakomba. Mumu mungukahilwisa kuwaha cho; mungukaavwila keke.

Jeremia 51:60

Jeremia wasonekene mu mukanda yuma yikalu yize yeswe muyiza ha Babilonia, te maliji wano eswe hanasoneka ha kutwala ku Babilonia.

Ezekiel 20:42

Mba munukanyingika yami nguli Yehova muze mungukanuneha mu chifuchi cha Izalele, chifuchi chize nalakenyene ni shingo kuhana kuli tulamba twenu.

Ezekiel 34:13

Mungukaachiza hakachi ka mavungu; mungukaakonga ku yifuchi; mungukaaneha mu chifuchi cho ene; mungukaalisa ha milundu ya Izalele, kwe ku mafuji a meya ni mweswe mu chifuchi mwatwama atu.

Ezekiel 36:24

Mumu mungukanuchiza ku mavungu, mungukanukonga ku yifuchi yeswe ngukanunehe ku chifuchi cha yenwene.

Ezekiel 47:14

Munukachiteta ni katonde keshiko. Nalishingile ni tulamba twenu kwaahacho, kashika chifuchi chino muchipwa nichenu cha chihinga.

Joele 3:1

Mumu ha matangwa aze ni miaka yize muze mungukuhilwisa kuwaha cha Yunda ni Yerusaleme,

Zefania 2:7

Mbaka muyipwa chihinga cha masalila ja munyachi wa A-Yunda kuze Analishila yimuna. Mu mazuwo ja Asekalone mapomba ha chingoloshi; mumu Yehova Zambi yo maewuluka ni kwahilwisa kuwaha cho.

Zefania 3:20

Ha mwaka uze mungukanunjisa; mungukanukungulula; mumu mungukanupwisa jina lia lufuma ni uhaliso hakachi ka mavungu eswe a hashi muze mungukuhilwisa kuwaha chenu ku meso jenu. Chocho kanambe Yehova.

Luka 17:22

Iye wambile kuli tumbaji twenyi ngwenyi, Matangwa kumakeza muze munukevwa usona wa kumona limwe lia ku matangwa ja mwe Mwana Mutu, alioze kunuchi kalimona.

Luka 19:43

Mumu matangwa kumakeza hali yena, muze akwa kole je makakutambika mulumba wa mavu ha kukujingilika, makakuseleka, makakukwata ha malumbu eswe.

Luka 21:6

Ha kutwala ku yuma yino nunamono, matangwa kumakeza muze kechi kahichika kuno liwe nilimwe ha likwo, lize kechi kalipuzula.

Shimbi 30:3

Yehova Zambi yenu kumakalumuna ufunge wenu, makanuvwila keke, nikunukonga ku mavungu eswe kuze Yehova Zambi yenu wanumwanginyine.

Shimbi 30:5

Yehova Zambi yenu makanuhetesa mu chifuchi chapwile cha akakenu, nukachizuke, makanulinga yipema, makanwokesa, munukapwa anji, akakenu akehe.

Hebreu 8:8

Mumu nikutuma, kanambe kuli ayo ngwenyi, Matangwa meza, chocho anambe Mwene ngwenyi, muze mungukakwata usendo waha ni akwa zuwo lia Izalele, ni akwa zuwo lia Yunda.