Jeremia 30:21 - MUKANDA USANDU WA ZAMBI 1975

²¹ Mwanangana wo makapwa umwe niwo, mukwa kwayula masolokela hakachi ko. Mungukamukundamisa mba meza kuli yami, mumu iya mahamuka kukundama kuli yami ni poko yenyi mwene? Chocho kanambe Yehova.

Mukanda Wa Zambi 1970

^21-22 Mukwa kwayula makakatuka ku vungu lio ene, mwana wa mwanangana wo makabwa wa kuli ayo ene. Muze mungukamutambika kumakangukundama, mumu iya mahasa kukundama nyi yami chamutambikile? Kumaakabwa atu jami, ni yami mungukabwa Zambi yo. Yami Mwene Zambi nachamba.”

Jeremia 30:21 Iomraidhean Croise

Ubutukilo 18:27

Apalahama yakumbulula ngwenyi, Haliapwila hinahamuka kuhanjika ni Mwene, yami nguli fufuta ni uto wika.

Ubutukilo 18:30

Iye yamba nawa ngwenyi, Mala! Mwene kanda utenuka ni yami, mba munguhanjika. Hanji mawanamo makumi atatu. Ngwenyi, Nyi munguwana makumi atatu, chichi kuchilinga.

Ubutukilo 18:32

Ngwenyi, Mala! Mwene kanda utenuka, nguhanjike kamuwika nawa kunahu. Hanji mawanamo kumi. Iye ngwenyi, Chipwe ha kumi chichi kuchilinga.

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

2 Samuel 7:13

Iye kumakatunga zuwo ha jina liami, mba yami kumungukakolesa ngunja ya wanangana wenyi yikapwe ya mutolo.

Ezra 2:2

Ejile hamwe ni Zorobabele, ni Yeshua, ni Nehemia, ni Seraia, ni Relaia, ni Mordekai, ni Bilesane, ni Mizepare, ni Bikavaia, ni Rehume, ni Bana. Kwalula cha malunga A-Izalele chino:

Nehemia 7:2

mba yingusela kuyula Yerusaleme mukwetu Hanani hamwe ni Hanania, nguvulu ya mbonge; mumu iye mutu wamwenemwene, wevwilile woma Zambi kuhiana akwo anji.

Miaso (Masamu) 65:4

Kawaha yoze wamutongola yena nikumukundamisa kuli yena, akatwame mu yize ye. Mutuyuka ni upeme wa zuwo lie; muma musandu mu tembele ye.

Miaso (Masamu) 89:29

Munyachi wenyi munguupwisa wa mutolo. Ngunja yenyi muyilinduluka matangwa eswe a mwilu.

Kutuhuka 3:5

Yehova yamba ngwenyi, Kanda ukundama kuno, zula haku je ku molu je, mumu homa unamana, ha mavu asandu.

Izaya 63:1

Iya yono kanakatuka ku Endome, kanazala uzalo wa ulombo uchila wa ku Mbozera, mazalo jenyi a uhenya, kanende mu kulumbama cha tachi jenyi? Yami nguneza nikwambujola usambiso, yami nguli ni ndundo kulamwina.

Jeremia 30:9

Alioze makalingila Yehova Zambi yo ni David mwanangana wo yoze mungusolola mumu hali ayo.

Jeremia 33:15

Ha matangwa aze ha mwaka uze mungusokesa Mutango wa ululi hali David. Iye kumakalinga ululi ni kulita mu chifuchi.

Jeremia 49:19

Chizechene ngwe ndumba makatuka ku mushitu wa Yordau kulimika ni limba lia tachi lia mapanga chocho ni yami susumuku mungwahuma kuli iye, mba mungusela kumuyula mweswawo ngunazange yami. Mumu iya walifwa ni yami? Iya mangusanyika? Kafunga muka mahasa kumana kumeso jami?

Jeremia 50:44

Chizechene ngwe ndumba makatuka ku mushitu wa Yordau kulimika ni limba lia tachi lia mapanga chocho ni yami susumuku mungwahuma kuli iye; mba mungusela kumuyula mweswawo ngunazange. Mumu iya walifwa ni yami? Iya mangusanyika? Kafunga muka mahasa kumana kumeso jami?

Ezekiel 37:24

Kavumbi kami David kumapwa mwanangana wo, no eswe kumakapwa ni kafunga umuwika. Kumakakaula shimbi jami; kumakatala kanawa kufunga yiyulo yami.

Hosea 1:11

Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.

Kwalula 16:40

Chikapwe Chiwulwiso kuli A-Izalele, kuchina umwe mukwo, hi wa kuli ana a Arone ko, makundama, akoche insensu kumeso ja Yehova; hanga kechi kupwa ngwe Kora, ni ngwe mbunga yenyi; chizechene ngwe Yehova wambile kuli iye ku kanwa lia Mose.

Kwalula 16:5

Yamba kuli Kora ni ku mbunga yenyi yeswe ngwenyi, Hamene Yehova makasolola yoze mapwa niwenyi, yoze mapwa musandu; makamukundamisa kuli iye. Yoze makamutongola, kumakamukundamisa kuli iye.

Mateu 2:2

ngwo, Ulihi yoze unasemuka Mwanangana wa A-Yunda? Mumu twamwene lutongonoshi wenyi mu Chivumbuko, hitweza mukumuwayila.

Mateu 27:37

Asele helu lia mutwe wenyi chize amusumine nacho, cha kusoneka ngwo, Yono Yesu, Mwe Mwanangana wa A-yunda.

Mateu 3:17

Ni liji liatuhukile mu malilu ngwo, Yono mwe Mwanami, ngunamuzange chikolo, muli iye ngunawahilila.

Luka 24:26

Te kuchatambile Kristu kwivwa lamba lia yino yuma, nikunjila mu uhenya wenyi, nyi?

Yilinga 5:31

Iye Zambi wamunangamishine ku kwoko lienyi lia chindume akapwe Kaputu kanda Chilamwina, mukuhana kuli akwa Izalele kulikonyeka ni ukonekeno wa milonga.

A-ROMA 8:34

Iya yoze mahisa? Ngwetu, Kristu Yesu yoze wafwile hanji yoze amuhindwishile hakachi ka afu, nyi? Yoze uli ku kwoko lia chindume lia Zambi, yoze nawa wakutuhakwila, nyi?

Shimbi 17:15

Chamwenemwene nukalitongwele mwanangana yoze Yehova Zambi yenu mamusakula, umwe wa kuli akwenu nulitongwele akapwe mwanangana wenu. Kandaka kanda anuyula, iye te hi mukwenu ko.

Shimbi 18:18

Mungukaasolwela profeta hakachi ka usoko wo, malifwa ni yena; mungusa maliji jami mu kanwa lienyi, iye kumakambulula kuli ayo yeswe mungumwambayo.

Shimbi 33:5

Iye te mwanangana mu Yeshurene muze akwa lutwe ja atu akungulukile, minyachi yeswe ya Izalele hamuwika.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.

Usolwelo 19:16

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.