Jeremia 30:18 - MUKANDA USANDU WA ZAMBI 1975

¹⁸ Yehova kanambe ngwenyi, Munguhilwisa kuwaha cha mbalaka ja Yakomba; munguvwila keke mazuwo jenyi. Makatunga cheka nawa che chihunda ha mulumba wacho, ni zuwo lia mwanangana mulikamana kuze liapwile kushi.

Mukanda Wa Zambi 1970

¹⁸ Mwene Zambi kanambe ngwenyi: “Mungukahilwisa atu jami mu chifuchi cho, ni kuvwila akwa majiko eswe keke; Yerusaleme kumaakamutungulula, ni zuwo lia mwanangana kumaakalitungulula.

Jeremia 30:18 Iomraidhean Croise

Miaso (Masamu) 102:13

Kumukakatuka ukavwile keke Zaione, mumu mwaka wa kumuvwila vumbi, ewa, mwaka ausele, hiwaheta.

Jeremia 30:3

Mumu Yehova kanambe ngwenyi, Matangwa kaneza muze munguhilwisa kuwaha cha atu jami A-Izalele ni A-Yunda. Mungukaaneha nawa ku chifuchi chize nahanyine kuli tulamba two, mba makachizuka. Chocho kanambe Yehova.

Jeremia 33:7

Mungukahilwisa kuwaha cha Yunda ni kuwaha cha Izalele, nikwatunga nawa chize apwile hatangu.

Jeremia 49:39

Hindu ha matangwa a kusula mungukahilwisa kuwaha cha Elame. Chocho kanambe Yehova.

Jeremia 23:3

Henaho mungukonga masalila ja mapanga jami ku yifuchi yeswe kuze hinaahumina. Mungwaneha nawa ku limba lio mba masema ni kuliokesa.

Zakaria 1:16

Kashika Yehova kanambe ngwenyi, Hinahiluka ku Yerusaleme ni keke. Yehova-wa-Tujita kanambe ngwenyi, Zuwo liami malitungamo; muhipu wa kweseka mautachika ha Yerusaleme.

Jeremia 46:27

Alioze yena kavumbi kami Yakomba kanda wivwa woma; yena Izalele, kanda utatajala, mumu mungunulamwina kusuku, waze makasemuka kuli yena mungwalamwina ku yifuchi ya ufunge wo. Yakomba kumakahiluka; kumakawana kuhola ni uhwimino, niumwe mamukolesa woma wakuhi.

Jeremia 49:6

Alioze kulutwe munguhilwisa nawa kuwaha cha A-Amone; chocho kanambe Yehova.

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Jeremia 31:4

Mungukutunga cheka nawa ena *virgem Izalele! Kumukatungiwa. Cheka nawa mukalipemesa ni tumikupiela ukaye ukahangane ni akwa kusehejela.

Jeremia 33:11

kumakevwa nawa liji lia kusehejela, ni liji lia chiseke, ni liji lia sandungi, ni liji lia ndungi, ni liji lia njimba shimbu manehaneha milambu ya kusakwila ku zuwo lia Yehova ngwo, Sakwililenu kuli Yehova-wa-Tujita mumu Yehova iye mupema, mumu utu wa zango lienyi wa mutolo. Mumu kumungukahilwisa kuwaha cha chifuchi chize chapwile hatangu. Chocho kanambe Yehova.

1 Sango Ja Mianangana 29:19

Hana kuli mwanami Solomone nawa mbunge yingunu ya kufunga maliji je, ni Shindakenyo je, ni shimbi je, ni ya kulinga yino yuma yeswe, ni ya kutunga zuwo lino yami hinalulikila ye yuma.

Jeremia 29:14

Yehova kanambe ngwenyi, Mununguwana mba munguhilwisa kuwaha chenu ni kunukonga ni kunuchiza ku mavungu eswe ni yifuchi yeswe kuze hinanuhumina mba mungunuhilwisa nawa ku chifuchi kuze nanuchijile hatangu ngukanutume ku unjize. Chocho kanambe Yehova.

Izaya 44:28

Ha kutwala kuli Siru kakwamba ngwenyi, Iye kafunga kami, kumakamanununa upale wami weswe; ha kutwala ku Yerusaleme kanambe ngwenyi, Kumuyikatungiwa! Ha kutwala ku tembele ngwenyi, Kumakasa fundamentu ye.

Jeremia 31:38

Yehova kanambe ngwenyi, Matangwa kaneza muze matungila Yehova chihunda chino chize ku kaposhi ka Hananele ndo ku chikolo cha mbango.

Jeremia 31:23

Yehova-wa-Tujita, Zambi ya Izalele kanambe ngwenyi, Cheka nawa mamba maliji ano mu chifuchi cha Yunda ni mu yihunda yako muze munguhilwisa kuwaha cho ngwo, Yehova akuwahise, ena zuwo lia ululi, ena mulundu usandu.

Zakaria 12:6

Ha tangwa lize mungukapwisa akwa minyachi ya Yunda ngwe ndeho ya kahia hakachi ka kunyi; ngwe soka lia kahia lia kulekwoka hakachi ka yichita ya mwambu. Kumakalalisa mavungu eswe a kwajingilika ku sali lia chindume ni lia chimeso, shimbu Yerusaleme muyitwama ni atu jamo lume, mwe mu Yerusaleme.

Miaso (Masamu) 78:69

Watungile muma mwenyi musandu ngwe milundu yisuku, ngwe hashi ahakolesele ku miaka ya mutolo.

Nehemia 7:4

Chihunda chapwile chinene, chatoha: alioze atu akehe apwilemo, kanda atunga mazuwo.

Miaso (Masamu) 85:1

Yehova hiunavwila vumbi chifuchi che. Hiunahilwisa funge ja kuli Yakomba.

Zakaria 14:10

Chifuchi cheswe muchikalumuka chana chize ku Ngeba ndo ku Rimone sali lia Yerusaleme ku Sule. Alioze Yerusaleme muyikanangama ha chihela chayo chize ku chikolo cha Mbenjamine ndo kuze kwapwile chikolo chikulu, ndo ku chikolo cha mbango, ni chize ku kaposhi ka Hananele ndo ku ukamino wa vinyu wa mwanangana.

Jeremia 31:40

Mungulunga weswe wa mijimba ya afu, ni we uto, ni minda yeswe ndo ku chitwetwe cha Kendrone, ndo ku mbango ya chikolo cha tuvwalu kutalikisa ku Chivumbuko, cheswe muchipwa chisandu kuli Yehova. Kechi kachitukula hanji kuchinunguna nawa ndo ku miaka.

1 Sango Ja Mianangana 29:1

Mwanangana David yamba ku chikungulwila cheswe ngwenyi, Mwanami Solomone, wa kutongola ukawenyi kuli Zambi achili mukweze, kanda akola, ni milimo yino yinene chikolo mumu zuwo lino hi lia mutu ko alioze lia Yehova Zambi.

Miaso (Masamu) 48:3

Zambi hanalisolola mu mazuwo ja mwanangana ngwe iye uchinyino unene.

Miaso (Masamu) 48:13

Nutale kanawa yipanga yamo; nuzewule mazuwo jamo ja mianangana hanga nukachambulule ku chisemuko muchizaho.

Miaso (Masamu) 122:7

Sambukila yikatwame muchima lia yipanga ye. Kutwama kanawa chikatwame mu mazuwo je a mianangana.

Jeremia 29:11

Yehova kanambe ngwenyi, Ngunanyingika manyonga aze nguli no hali yenu; manyonga a kunuwahisa hi kunupinjisa ko. Manyonga a kunwaha kutalatala ku yuma ya kulutwe.

Jeremia 32:15

Mumu Yehovawa-Tujita, Zambi ya Izalele kanambe ngwenyi, Mazuwo, ni minda, ni minda ya uva kumakayilanda cheka nawa mu chifuchi chino.

Ezekiel 36:11

Mba mungukaokesa hali yenu ni atu ni tushitu, no makaoka ni kusema, mba makatwama muli yenu ngwe ku miaka ya shakulu. Makanulinga chipema kuhiana chipema chize cheswe cha kunyima. Henaho munukanyingika yami nguli Yehova.

Amose 9:14

Mungukahilwisa kuwaha cha atu jami A-Izalele mba makatungulula yihunda yize hiyapuzuka, makatwamamo. Makalima minda ya uva nikunwa vinyu yayo; makalinga manaka nikulia mihuko yo.

Zakaria 1:12

Henaho mungelo wa Yehova yamba ngwenyi, Yehova-wa-Tujita, ndo mwiji muka kuchi kapwa ni keke ha Yerusaleme ni ha yihunda ya Yunda hiwapwa ni ufwatulo wa kulimika nayo miaka yino makumi shimbiali?

Zakaria 12:7

Yehova mahanga kuhana kukumba ku mbalaka ja Yunda, chocho uhenya wa munyachi wa David ni uhenya wa akwa Yerusaleme kuuchi kahiana helu lia uhenya wa Yunda.

Miaso (Masamu) 102:14

Mumu tuvumbi twe kanawahilila mu mawe jenyi. Chipwe fufuta yenyi kakuyivwila vumbi.

Jeremia 32:44

Kumakalanda minda ni mbongo, ni mikanda ya kulanda mayisa majina jo, nikujika yijikilo kumeso ja yela mwe mu chifuchi cha Mbenjamine ni kwa kujingilika Yerusaleme, ni mu yihunda ya Yunda, ni yihunda ya ku chifuchi cha milundu, mu yihunda ya Shefela, ni mu yihunda ya ku Negeve. Mumu munguhilwisa kuwaha cho. Chocho kanambe Yehova.