Jeremia 30:13 - MUKANDA USANDU WA ZAMBI 1975

¹³ Niumwe keshiko kuhakwila chikuma che; niyimwe yitumbo ha mbandu ye, kuwuka kuchishiko hali yena.

Mukanda Wa Zambi 1970

¹³ Kukushi niumwe yoze makanufunga, kukushi yitumbo ya kuwuka yilonda yenu, kanda nusako mbunge yakunuwuka.

Jeremia 30:13 Iomraidhean Croise

Jobe 34:29

Nyi mahola iya mamuhisa? Nyi mafuka meso jenyi iya mamumona? Chipwe vungu chipwe mutu, iya?—

Jobe 5:18

Mumu kakulemeka alioze majichika mbandu; kakulamba alioze moko jenyi mawuka.

Miaso (Masamu) 106:23

Kashika wambile kwaonwona kachi Mose yoze wamutongwele kamanyine kumeso jenyi mu chituwa akatewulule ufwatulo wenyi kuchina akaenyeke.

Miaso (Masamu) 142:4

Tala ha chindume chami, umone kukushi niumwe yoze Unangunymgika. Uchinyino nauhona. Niumwe wanyonga mwono wami, wakuhi.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Izaya 1:6

Chize ku chiliato ndo ku mutwe niumwe ungunu kuushiko, alioze yindundwola, ni yilonda, ni mbandu ja kuhita manyinga jize kanda ajipalakenya chipwe kujichika, chipwe kujovulisa ni maji.

Izaya 59:16

Yamona, mutu wakuhi, yakomoka kukushi hako. Mba kwoko lienyi mwene yilimunehena kukumba; ululi wenyi yiumujikijisa.

Jeremia 14:19

Hiunalitunu Yunda liakulu? Mbunge ye kuyazangile nawa Zaione? Kuchi te hiunatulambe ni kuwuka chakuhi? Twataliletalile uhwimino alioze chipema nichimwe kuchejile. Twataliletalile mwaka wa kuwuka alioze mwongo wejile.

Jeremia 17:14

Yehova, unguwuke mba munguhinduka, ungulamwine mba munguwaha; mumu yena uli uhaliso wami.

Jeremia 30:17

Mumu Yehova kanambe ngwenyi, Mungukwaha nawa kuhinduka che; munguwuka mbandu je, mumu hakwamba ngwe uli wa kumbila, ngwo, Mwe Zaione niumwe kanamuse mbunge.

Jeremia 33:6

Kumungukanehako kuhinduka ni kuwuka; mungwawuka nikwasolwela kulumbama cha kuwaha ni kujikiza.

Jeremia 46:11

Yako ku Ngiliate Ukande yitumbo, yena *virgem Engitu! Wasapangana ni yitumbo yinji yeswe yamokomoko; kuwuka chakuhi kuli yena.

Jeremia 6:7

Chizechene ngwe shima nakufunga meya jalio aha, chocho iye kakupwa ni ungulungulu wenyi waha. Kakwivwa upupilo ni kwonwona muli iye, kuyiza ni yilonda yili kumeso jami matangwa eswe.

Jeremia 8:22

Yitumbo yakuhi mu Ngiliate? Mbuki wakuhiko? Mba kuchi te kawukile mwana wa pwo atu jami ahinduke?

Lungungu 2:13

Ena mwana-pwo Yerusaleme, Kuchi mungwamba hali yena? Ngukupwise ngwe kuchi? Ena mwana-pwo virgem Zaione. Ngukutese neka, hanga ngukuwumbikize? Mumu kulumbuka che chatoha ngwe kalunga-lwiji. Iya mahasa kukuhuzulula nawa?

Ezekiel 22:30

Ami yingufupa umwe hakachi ko, mutu yoze matunga nawa chipanga-cha-mawe, ni kumana mu chituwa kumeso jami kulamwina chifuchi, kanda nguchonwona, alioze chawanyine niumwe.

Ezekiel 30:21

Mwana mutu, hinamakuna kwoko lia Falau mwanangana wa Engitu; kumanyi kalikashile akaliwuke, ha kulijichika ni muya, likatakame kukwata katana.

Hosea 14:4

Mungukawuka kukokoloka cho; mungukaazanga liakulu, mumu utenu wami hiwatewuluka kuli ayo.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Nahume 3:19

Yikola ye kuyichi katepuluka; mbandu ye yipi chikolo. Waze eswe anevu lusango we kanasakwila koshi, mumu iya yoze katambwile chipi che chize kuchishi kahwa?

Shimbi 32:39

Haliapwila talenu. Ngwami, Yami, yami mwene nguliko. Kukushi niumwe zambi hamwe ni yami. Nakushiha mba nakuhana mwono, nakulemeka mba nakuwuka. Kukushi niumwe mahasa kupulula mutu ku kwoko liami.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.

1 Yoano 2:1

Anami akepe, yino yuma ngunasoneka kuli yenu, hanga kunuchi kuvulumuna, nyi kachi umwe mavulumuna, Hako tuli nenyi kumeso ja mwe Tata, Yesu Kristu, mwe mukwa ululi.