Jeremia 30:11 - MUKANDA USANDU WA ZAMBI 1975

¹¹ Mumu Yehova kanambe ngwenyi, Yami kunguli hamwe ni yena kukulamwina. Mungumanununa liakulu mavungu eswe kuze hinakumwangina, alioze chichi kakumanununa yena. Mungukufwetesa ni kulita; chichi katá kukuhichika ni kastigu yakuhi.

Mukanda Wa Zambi 1970

¹¹ Mungukeza kuli yenu ni kunulamwina. Mungukonwona mavungu eswe kuze nanumwanginyine, alioze yenu chichi kanwonona. Mungukanumwesa lamba, alioze hi linji ko. Yami, Mwene Zambi, nachamba.”

Jeremia 30:11 Iomraidhean Croise

2 Samuel 24:12

Yako uhanjike ni David ngwe, Yehova kanambe ngwenyi, Ngunakwehe yuma yitatu. Litongwele chuma chimuwika ngukakulingecho.

Miaso (Masamu) 6:1

Yehova, kanda ungwambila mu utenu we; kanda ungulamba mu ufwatulo we.

Kutuhuka 34:7

Kakufunga utu wa zango hali tununu twa atu, kakukonekena uhenge ni uvulumunyi ni shili. Keshi kusambisa nichimwe yoze wahia. Kakufwetesa uhenge wa yisemi hali ana jo ni hali ajikulu, ha chisemuko chamuchitatu ni ha chisemuko chamuchiwana.

Izaya 43:25

Yami, Yami Nguli mwe mukwa kujimuna Utanguko wenu ha mukunda wa yami mwene; chichi kewuluka nawa milonga yenu.

Izaya 8:10

Twamenu punga hamuwika, alioze muchikafuwa; hanjikenu liji, alioze kulichi kakola, mumu Zambi tuli nenyi hamwe ni yetu.

Jeremia 1:19

Kumakasa jita ni yena; alioze kechi kakukumba, mumu yami nguli hamwe ni yena kukupulula. Chocho kanambe Yehova.

Jeremia 1:8

Kanda wavwila woma mumu kunguli hamwe ni yena kukupulula. Chocho kanambe Yehova.

Jeremia 10:24

Yehova, ungufumbe, alioze ni kulita. Kanda uchilinga ni utenu we kuchina mukangumanununa.

Jeremia 15:20

Yehova kanambe ngwenyi, Mungukupwisa kuli wano atu ngwe chipanga cha unengu cha kukolesa. O masa jita ni yena, alioze kechi kukukumba. Mumu yami nguli hamwe ni yena kukulamwina ni kukupulula.

Jeremia 4:27

Mumu Yehova kanambe ngwenyi, Chifuchi cheswe muchipwa cha kwonwona, hindu chichi kamanununa lu.

Jeremia 5:10

Palika ndusu mu mikala ya miuva ukonwone, alioze kanda umanununa liakulu. Tetaho mitango, mumu kuyapwile ya Yehova.

Jeremia 5:18

Hindu Yehova kanambe ngwenyi, Chipwe ha matangwa aze, chichi kunumanu nuna lu.

Lungungu 3:22

Utu wa zango lia Yehova kuuchi kahwa; keke yenyi kuyichi kasula.

Ezekiel 11:13

Shimbu munguchiprofeteza, Pelatia mwana Benaia yafwa. Mba yami yingufulamana hashi nikuteta ni liji linene ngwami, Mwene Yehova! Unambe kumanununa e masalila ja A-Izalele nyi?

Ezekiel 6:8

Hindu mungukahichika amwe hakachi kenu a mwono. Muze munukapwa hakachi ka mavungu, amwe waze kafwile ni katana, ni yenu hinwamwangana ndusu mu yifuchi,

Hosea 11:9

Chichi kulinga utenu wami usasu; chichi kwonwona nawa Eframe. Mumu nguli Zambi, hi nguli mutu ko, yami mwe Musandu mukachi kenu, kashika chichi keza mukwonwona.

Alevi 26:44

Chipwe chocho shimbu ali mu chifuchi cha akwa kole jo chichi kwalelesa, hanji kwavwila kole ngukaonwone liakulu nikutangula usendo uze nakolesele no, mumu yami Yehova Zambi yo.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Yilinga 18:10

mumu nguli hamwe ni yena, ni mutu niumwe kechi kakukwata mukukulinga chipi: mumu atu anji nguli no mu limbo lino.

Shimbi 4:31

Mumu te Yehova Zambi yenu iye Zambi ya keke. Kechi kanwehuka yenu, chipwe kumwonwona, ka, chipwe kuvulama usendo wa tulamba twenu iye walishingile kuli ayo.

2 Timoteu 4:22

Mwene Yesu Kristu akapwe hamwe ni Spiritu ye. Vumbi likapwe hamwe ni yena. Amene.