Jeremia 30:10 - MUKANDA USANDU WA ZAMBI 1975

¹⁰ Kashika Yehova kanambe ngwenyi, Kanda wivwa woma, yena Yakomba kavumbi kami, ni yena Izalele kanda ulishimwoka, mumu mungukakulamwina chipwe kusuku. Mungukalamwina ana je ku chifuchi cha ufunge wo. Yakomba makahiluka ni kuhola ni kuhwima, niumwe mamukolesa woma.

Mukanda Wa Zambi 1970

¹⁰ “Yenu atu jami, kanda nwivwa woma; yenu Aisraele, kanda nwivwa mwongo. Mungukanulamwina ku chifuchi chisuku, kuze nuli funge. Munukahiluka ku mahienu ni kubwa mu uhwimino; munukabwa ni sambukila, niumwe kechi kanuvwisa nawa woma.

Jeremia 30:10 Iomraidhean Croise

Ubutukilo 15:1

Kulutwe lia yino yuma liji lia Yehova yiliza kuli Apalama mu usolwelo ngwo, Apalama, kanda wivwa woma, yami nguli lukepwe we, kanda nguli kwononona che chahiana.

Izaya 14:3

Muze Yehova hanuhwimisa ku yikola yenu, ni kulifwita chenu, ni milimo yenu yikalu yize anulingishile,

Izaya 35:9

Ndumba kechi kapwako; chipwe ngongo mukwa kupapulula kechi kakandukako. O kechi kaawanako alioze kule mendelamo.

Izaya 43:5

Kanda wivwa woma mumu nguli hamwe ni yena. Munguneha ana je ku Chivumbuko, ni ku Chitokelo mungukukonga.

Izaya 44:1

Alioze ivwa haliapwila, ena kavumbi kami Yakomba, ena Izalele nakutongwele.

Izaya 44:2

Yehova yoze wakutangile, wakuwumbile mu jimo makakukwasa, kanambe ngwenyi, Kanda wivwa woma kavumbi kami Yakomba, ena Yeshurene nakutongwele.

Izaya 46:11

Mungusanyika kajila umwe wa kushiha yifwo ku Chivumbuko, mungusanyika ku chifuchi chisuku mutu yoze nafunjikile. Hinahanjika, munguchimanununa. Hinachifunjika, mba munguchilinga.

Izaya 46:13

Mungukundamisa ululi wami, kuwapwile kusuku ka. Ulamwino wami kuuchi kalaluka. Mungusa ulamwino mu Zaione, hali Izalele uhenya wami.

Izaya 49:12

Wano kumakeza kusuku, ni wano kumakatuka ku Norte ni ku Chitokelo, ni wano ku chifuchi cha Sinime.

Izaya 49:25

Yehova kanambe ngwenyi, Chipwe funge ja mukwa ndundo maatambula, chipwe funge ja mukwa kupinjisa maapulula, mumu mungulitachika ni waze akulitachika ni yena, mungulamwina ana je.

Izaya 54:4

Kanda wivwa woma, kuchi kwivwa sonyi; kanda utatajala, kechi kukukolesa sonyi. Mumu mukavulama sonyi ja wana-mapwo we, ni luchoko wa utwamishi we kuchi kamwiwuluka nawa.

Jeremia 23:3

Henaho mungukonga masalila ja mapanga jami ku yifuchi yeswe kuze hinaahumina. Mungwaneha nawa ku limba lio mba masema ni kuliokesa.

Jeremia 23:4

Mungwasela tufunga waze maafunga mba kechi kevwa nawa woma chipwe kulishimwoka. Niumwe makahona nawa. Chocho kanambe Yehova.

Jeremia 23:6

Ha matangwa jenyi malamwina Yunda, ni Izalele matwama ni sambukila. Jina lize mamwaha ngwo, Yehova ululi wetu.

Jeremia 23:8

alioze makamba ngwo, Ni mwono wa Yehova yoze wachijile ni kusongwela ana ja ku munyachi wa Izalele ku chifuchi cha ku Norte ni ku yifuchi yeswe kuze te hanaahumina. Mba matwama mu chifuchi cho ene.

Jeremia 29:11

Yehova kanambe ngwenyi, Ngunanyingika manyonga aze nguli no hali yenu; manyonga a kunuwahisa hi kunupinjisa ko. Manyonga a kunwaha kutalatala ku yuma ya kulutwe.

Jeremia 29:14

Yehova kanambe ngwenyi, Mununguwana mba munguhilwisa kuwaha chenu ni kunukonga ni kunuchiza ku mavungu eswe ni yifuchi yeswe kuze hinanuhumina mba mungunuhilwisa nawa ku chifuchi kuze nanuchijile hatangu ngukanutume ku unjize. Chocho kanambe Yehova.

Jeremia 3:18

Ha matangwa aze munyachi wa Yunda muulinunga ni munyachi wa Izalele mba hamuwika makatuka ku chifuchi cha Norte ni kwiza ku chifuchi chino nahanyine chihinga kuli tulamba twenu.

Jeremia 30:3

Mumu Yehova kanambe ngwenyi, Matangwa kaneza muze munguhilwisa kuwaha cha atu jami A-Izalele ni A-Yunda. Mungukaaneha nawa ku chifuchi chize nahanyine kuli tulamba two, mba makachizuka. Chocho kanambe Yehova.

Jeremia 30:7

Lwangu! Mumu lie tangwa lino lialema naye kukushi likwo lia kulifwa. Liapwa tangwa lia lamba kuli Yakomba; hindu makaalamwina ku lamba lino.

Jeremia 33:16

Ha matangwa aze A-Yunda makaalamwina ni Yerusaleme matwama ni sambukila. Jina liako mulikapwa—Yehova ululi wetu.

Ezekiel 16:52

Ulikoleze tuhu ni kusauka che, yena nawa, mumu hiwapwisa muhapwa upatwilo hali mwanakwenu ni yayenu mumu ha milonga ye yize yahiana ni lwaji milonga yo. O hasamba hamwe hakehe, yena wahia liakulu. Kashika ni yena nawa ivwa sonyi, likoleze tuhu ni kusauka che mumu hiwasolola mwanakwenu ni yayenu ngwe akwa ululi.

Ezekiel 38:11

ukambe ngwe, Mimguya kulimika ni chifuchi cha yihunda kuyishi yipanga-ya-mawe. Munguhulumukina hali atu ahwima waze anatwama ni chipi chakuhi, eswe kanatwama keshi ni yipanga-ya-mawe, chipwe njalo, chipwe mapito,

Daniel 12:1

Ha mwaka uze Mikele, mwe mukwa kuyula munene yoze wakufunga ana ja atu je, makamana; kumukukapwa mwaka wa lamba limwe, kanda lisoloka chize ku uputukilo wa vungu lino ndo ku miaka yize. Ha mwaka uze atu je kumakaapulula, atu eswe aze makaawana a kusoneka mu mukanda.

Hosea 2:18

Ha tangwa lize mungukakukolesela usendo ni tushitu a mu yambu, ni tujila a mu tetela, ni tututu a hashi. Mungukamakuna mu chifuchi, mata, ni tutana, ni jita. Mungukakupombesa kuze chipi chakuhi.

Hosea 2:20

Mungukakumbata, yami mwene, ni umwenemwene mba kumukanyingika Yehova.

Hosea 6:11

Ni yena Yunda kucha che hanakufunjikilacho.

Joele 2:21

Ena chifuchi, kanda wivwa woma. Waha nikuwahilila, mumu Yehova hanalingi yuma yinene.

Mika 4:9

Haliapwila kuchi te wakuteta ni liji linene? Mwanangana wakuhi hakachi kenu? Misongo hiyakukwata ngwe mukwa kufumbajala mumu mukwa kukwaha mana hanafu nyi?

Zakaria 3:10

Yehova-wa-Tujita kanambe ngwenyi, Ha tangwa lize yenu eswe, mutu ni mutu, makalakenya mwenyembo kutwama mushi lia mutondo wenyi wa uva ni wa mukuyu.

Yoano 12:15

Kanda wivwa woma, yena mwana wa Zaione; Tala Mwanangana we kaneza, kanatwama hali mwana-chimbulu.