Jeremia 3:9 - MUKANDA USANDU WA ZAMBI 1975

⁹ Mumu ukoi yiulela kuli iye, kashika yachisa chifuchi cheswe nikulinga utanji ni mawe ni mitondo.

Mukanda Wa Zambi 1970

⁹ Kevwile ko sonyi nichimwe, yabihisa che chifuchi nikulinga utanji ni kuwayila mawe ni mitondo.

Jeremia 3:9 Iomraidhean Croise

Izaya 57:3

Alioze kundamenu enu, ana ja nganga wa pwo; enu nwasemukine kuli chitanji ni chikoi.

Izaya 57:6

Hakachi ka mawe asenena mu mungulunga mwatwama chihinga chenu. O ene anapu chihanda chenu, kuli ayo nwakuzujila mulambu wa kunwa; kuli ayo nwakuneha mulambu wa wunga. Yenayo muyihasa kungutomesa mbunge?

Jeremia 10:8

O yelo, kanda yihepuke; longeso lia tuponya ngwami mutondo.

Jeremia 16:18

Mungwafwetesa kaali ha uhenge wo ni shili yo, mumu hanapihisa chifuchi chami ni mijimba ya mahamba jo a luchisa, no hanazalisa chihinga chami ni yizelwokeso yo.

Jeremia 2:27

Waze akutongola mutondo ngwo, Uli tata. Ku liwe mamba ngwo, Wangusemene. Mumu hangumba nyima, kangutalikishile meso jo. Hindu ha mwaka wa lamba lio kakwamba ngwo, Katuka utulamwine!

Jeremia 2:7

Nanunehene ndo mu chifuchi cha kulumbama cheswe hanga nukayuke ni mihuko yamo ni yuma yamo yipema. Alioze muze nwanjilile nwachishile chifuchi chami, ni kupwisa chihinga chami chuma cha lwaji.

Jeremia 3:2

Hetula meso je ku milundu kuyishi mitondo utale! Halihi kapombele ni yena? Kwe ku masesa a majila hiwatwaminyina akwa kukuzanga, ngwe Ka-Arabe mu puya. Hiwapihisa chifuchi ni ukoi we upi.

Ezekiel 16:17

Yiwanda nawa yuma ye ya uhenya upema wa oru yami ni prata yami yize nakuhele, yiulilingila tuponya twa malunga ni kulinga no ukoi.

Ezekiel 23:10

O amufukwile; yakwata anenyi a malunga ni a mapwo; mwene yamushiha ni katana, mba yalumuka kashilikilo hakachi ka mapwo muze te hanamupatwila.

Ezekiel 23:21

Chocho wevwile usona wa usolo wa wana-mapwo we muze akwa Engitu akukwachile ku mele nikushindakenya mele ja wana-mapwo we.

Ezekiel 23:3

O yalinga ukoi mu Engitu; yalinga ukoi ha wana-mapwo wo; kwenako ashindakenyene mele jo; kwenako akwachilekwachile mele jo ja *uvirgem.

Hosea 2:2

Lembelela kuli noko. Aye hi pwo liami ko, ami hi nguli lunga lienyi ko, kashika lembelela kuli iye; akambile ukoi wenyi kumeso jenyi, akachize utanji wenyi mu kondo.

Hosea 4:12

Atu jami kakuhula ku chuma cha mutondo; umwe mulumbu wo kakwaaha maliji. Mumu mbunge ya ukoi hiyaapiangula; hanehuka Zambi yo akalinge ukoi.

Joele 1:19

Yehova! Kuli yena ngunatete, mumu kahia hikalalisa ku ulilo wa mu puya; milengi hiyocha mitondo yeswe ya kutumba.

Habakuke 2:19

Lamba kuli yoze akwamba ku chuma cha mutondo ngwenyi, Laula! Hanji mamba ku liwe kulishi kuhanjika ngwenyi, Katuka! Ayo muyimulongesa chimwe? Kumanyi cha kulamikaho oru ni prata; mwiku wakuhimo niumwe.

Mateu 5:32

Alioze yami ngunambe kuli yenu ngwami, Mweswawo malakula mukwo-pwo shina ha chikuma cha upangala, mamupwisa chitanji; ni mweswawo mambata yoze hanamulakula malinga utanji.